فرانسې، برېټانیا، جرمني او اېټالیا د یوې ګډې اعلامیې په خپرولو سره په لوېدیځه غاړه کې یې د فلسطیني ملکي وګړو پر وړاندې د اسراییلي ورانکارو لهخوا د بریدونو زیاتوالی په کلکه غندلی او په سیمه کې یې د ثبات غوښتنه کړې.
په هغه اعلامیه کې چې د پنجشنبې په ورځ (د لېندۍ ۶مه) خپره شوه؛ د څلورو اروپايي هېوادونو د بهرنیو چارو وزیرانو خبرداری ورکړی، چې په لوېدیځه غاړه کې «بېثباته کوونکي اقدامات» به د غزې په تړانګه کې د سولې د ۲۰ مادهییزې طرحې او همدارنګه په سیمه کې د تلپاتې سولې او امنیت لپاره رامنځته شوی فرصت له ګواښ سره مخ کړي. دغه څلورو هېوادونو په لوېدیځه غاړه کې د تاوتریخوالي پر وړاندې د اسراییل د عملي اقدام غوښتنه کړې ده.
