طالبانو په جوزجان او سمنګان ولایتونو کې د یوې ښځې په ګدون دري کسان په دُرو وهلي
د طالبانو ستره محکمه وايي، چې د سمنګان ولایت په روی دواب ولسوالۍ کې یې یوه ښځه او یو نارینه له کوره د تیښتې او «اخلاقي فساد» په تور او همدارنګه یو بل تن د جوزجان ولایت په خماب ولسوالۍ کې د غلا په تور په عام محضر کې په دُرو وهلي دي.
د یادې ډلې سترې محکمې له خوا په خپره شوې خبرپاڼه کې ویل شوي، چې په غلا تورن کس یې په دري میاشتني بند او ۳۹ دُرو محکوم کړی او د اخلاقي فساد په تور یوه ښځه او نارینه یې په دوه ـ دوه کاله بند او له ۲۰ تر ۳۰ دُورو په سزا محکوم کړي دي.
