طالبان: هرات کې د درملو د تولید له لسو څخه ډېرې فابریکې فعالیت کوي
په هرات کې د طالبانو د والي ویاند محمد یوسف سعیدي ویلي، چې په هرات کې له لسو ډېرې د درملو جوړولو فابریکې فعالیت کوي او څه باندې زر قلمه درمل تولیدوي.
په هرات کې د طالبانو د والي ویاند محمد یوسف سعیدي ویلي، چې په هرات کې له لسو ډېرې د درملو جوړولو فابریکې فعالیت کوي او څه باندې زر قلمه درمل تولیدوي.
طالبانو ویلي، چې په هر اړخیز ډول له کورنیو تولیداتو څخه ملاتړ کوي او هغه درمل چې د هرات په صنعتي ښارګوتي کې تولید کېږي، د وارداتي درملو لپاره ښه بدیل دي او تر ډېره په افغانستان کې د درملو اړتیاوې پوره کوي.
دا په داسې حال کې ده، چې څه موده وړاندې د طالبانو د عامې روغتیا وزارت ویلي، چې په کور دننه د درملو د تولید په برخه کې یې هڅې ګړندۍ کړې دي او په افغانستان کې د درملو او طبي وسایلو د تولید ۱۳۰ فابریکې فعالیت کوي.
