نیویارک پوسټ: په امریکا کې شاوخوا ۷زره افغان کډوال د «احتمالي ګواښ» په توګه پېژندل شوي

ډار د شنبې په ورځ (د لیندۍ ۸مه) په یوې خبري غونډه کې وویل، چې د پاکستان د بهرنیو چارو وزارت د ملګرو ملتونو دغه رسمي غوښتنه یوه ورځ مخکې ترلاسه کړې ده.

هغه وویل، تر رسمي ځواب وړاندې کولو مخکې به دا موضوع له پوځي مشرانو او د هېواد له لومړي وزیر سره وڅېړل شي. هغه هیله څرګنده کړه، چې د بشري مرستو د لېږد اجازه به تر سبا (یکشنبه) پورې تایید شي.

د اسحاق ډار په وینا، اسلام‌اباد طالبانو ته خبرداری ورکړی چې د تحریک طالبان پاکستان (ټي‌ټي‌پي) مسلې له پامه غورځول د دوی لپاره هم ستونزې زېږولی شي. هغه ټینګار وکړ، چې اسلام‌اباد یوازې د همدې برخې په اړه د طالبانو ژمنتیا غواړي.

ډار د رېل پټلۍ د نښلولو تړون په اړه هم معلومات ورکړل او ویې ویل، چې په دې تړاو له پاکستان، افغانستان او ازبکستان سره غونډې شوي، خو د طالبانو له لوري هېڅ ډول پرمختګ نه دی لیدل شوی.

له افغانستان سره د پاکستان دروازې نږدې ۵۰ورځې کېږي چې د دواړو خواوو د پوځي نښتو له امله تړلې دي، چې له امله یې د دواړو هېوادونو سوداګر زیانمن شوي دي.

له دې مخکې د سوداګرو یوه پلاوي د جمعیت علمای پاکستان له مشر مولانا فضل الرحمان سره لیدنه کړې او د دې ستونزې د حل غوښتنه یې کړې وه.

د امریکا د کورني امنیت وزارت د شنبې په ورځ (د لیندۍ ۸مه) ویلي، چې الکوزی د ۲۰۲۲م کال د سپټمبر په اوومه نېټه د بایډن ادارې د «متحدینو د ښه راغلاست» پروګرام له لارې امریکا ته داخل شوی و.

الکوزی د سې شنبې په ورځ له هغه وروسته د ټکساس د عامه خوندیتوب وزارت او د ګډې ترهګرۍ ضد ډلې له خوا ونیول شو، چې تر دې یوه ورځ وړاندې یو افغان شکمن په واشنګټن کې د امریکا د ملي ګارډ پر دوو سرتېرو برید وکړ.

محمد داوود الکوزی دا مهال د ټکساس ایالت په فورټ ورث ښار کې د تارانټ د اصلاح او روزنې په مرکز کې ساتل کېږي.

د فنلنډ دغه پرېکړه په افغانستان، پاکستان او میانمار کې له سیاسي وضعیت او همداراز له فنلنډ سره د دوی له محدودو سوداګریزو او اقتصادي اړیکو سره تړاو لري.

د فنلنډ د بهرنیو چارو وزارت په یوې اعلامیه کې ویلي، دغه وزارت د ۲۰۲۶ کال په ترڅ کې په هغو ځایونو کې د سوداګریزو دفترونو پرانېستلو ته چمتووالی نیسي، چې په‌خوا په‌کې د «بزنس فنلنډ» دفترونه موجود و.

اعلامیه کاږي، دغه وزارت په منظم ډول دا هم ارزوي چې د فنلنډ د بهرنۍ استازولۍ د اوسنیو او راتلونکو اړتیاوو د پوره کولو جوګه دي او که څنګه.

د اعلامیې له‌مخې، د ارزونو له پایلو سره سم به دغه هېواد د نورو بهرنیو دفترونو د تړلو او پرانېستلو پرېکړه هم وکړي او په وینا یې، موخه دا ده، چې سرچینې هغو هېوادونو او سیمو ته متمرکزې شي چې فنلنډ ته ستراتيژیک اهمیت لري.

د فنلنډ د بهرنیو چارو وزیرې الینا والټونین ویلي: «موږ به د فنلنډ د بهرنیو استازولیو شبکې ته په منظم ډول داسې وده ورکړو چې د راتلونکو ننګونو د حلولو وړتیا ولري. زموږ د فعالیتونو چاپېریال په چټکۍ سره بدلېږي. هغه بدلونونه چې ترسره کېږي له موږ سره به مرسته وکړي څو یو پیاوړی او سیال‌وړ فنلنډ جوړ کړو او له خپلو لومړیتوبونو سره سم د هېواد بهرنۍ اړیکې اداره کړو.»

د یادونې وړ ده، چې د ۲۰۲۱ کال له اګسټ راهیسې د فنلنډ په ګډون ټولو لوېدیځوالو په افغانستان کې خپل سفارتونه وتړل او ځينې یې په قطر کې د افغانستان په تړاو په خپلو سفارتخونو کې کار کوي.

د طالبانو یادې ادارې د شنبې په ورځ (د لېندۍ ۸مه) په یوې خبرپاڼه کې ویلي، چې مېرمن جوهانا او ورسره پلاوي د افغانانو سره په بېلابېلو برخو کې د بشري مرستو د زیاتېدو ژمنې کړي.

د طالبانو د سرې میاشتې مشر شهاب‌الدین دلاور د خلکو د ژوند ښه کېدو په برخه کې د مرستو هر کلی کړی.

طالبانو په خبرپاڼه کې د جوهانا له قوله لیکلي: «زموږ اداره د افغانانو سره د مرستې لپاره ژمنه ده او غواړي چې د افغانستان د سرې میاشتې له لارې افغانانو ته لا زیاتې مرستې او خدمات ورسوي.»

دغه ایراني ډیپلوماټ د ایراف رسنۍ سر په خبرو کې ویلي، چې د فلسطین په مسله کې د افغانستان او ایران د ملتونو احساس ځکه مشترک دی، چې دواړه هېوادونه د بهرنۍ مداخلې او بې عدالتۍ قرباني شوي دي.

مشتاقي زیاته کړې:«د فلسطین د خلګو لپاره دغه ګډ احساس د سیاسي، بشري او کلتوري ملاتړ برخه کې د همکارۍ لپاره یو ځانګړی بنسټ رامنځته کړی دی او د فلسطین مسله یې په سیمه ییز سیاست کې د ایران او افغانستان ترمنځ د نښلولو په یوه ټکي بدل کړی دی.»

یاد پخواني ایراني ډیپلوماټ ویلي، چې ایران تل د فلسطین د خلکو د دفاع لپاره په نړیواله کچه خپل غږ پورته کړی او د فلسطینیانو له حقونو یې ملاتړ کړی دی.

الله کرم مشتاقي وايي، چې افغانستان د مقاومت، بې عدالتۍ او تیرې له امله له ډېرو تجربو سره مخ شوی هېواد دی او کولای شي، چې په اسلامي نړۍ کې د فلسطین د خلکو د ملاتړ په برخه کې ښه رول ولوبوي.

مشتاقي زیاته کړې:« په بشري او کلتوري برخه کې د دواړو هېوادونو ترمنځ رسنۍ، اکاډمیک، هنري او خیریه همکارۍ کولی شي د فلسطین مسله ژوندۍ وساتي او د ماشومانو، کډوالو او اغېزمنو کورنیو ملاتړ پیاوړی کړي. دا دول همکاري به د فلسطین په ملاتړ کې د اسلامي نړۍ د یووالي لپاره یو قوي بنسټ وي.»

نوموړي یادې څرګندونې د نوامبر ۲۹مه، چې د فلسطین د خلکو سره د پیوستون نړیوالې ورځې په مناسبت لمانځل کېږي کړې دي.