په دیره اسماعیل خان او بنو کې د پاکستان پر امنیتي ځواکونو چاودنه او برید شوی

د پاکستان د جیو نیوز د رپوټ له مخې، د دغه هېواد مرکزي حکومت تر اوسه د درې سیاسي شخصیتونو او درې پخوانيو پوځي جنرالانو نومونه تر غور لاندې نیولي خو تر اوسه لا د خیبر پښتونخوا د والي د پوست لپاره د هېڅ یوه کس نه دی وروستی شوی.

د سرچینې د معلوماتو له مخې، په احتمالي نوملړ کې د عوامي نېشنل ګوند د رهبرۍ غړی امیر حیدرخان هوتي، د قومي وطن ګوند مشر افتاب احمد خان شېرپاو او د عمران خان له ګوند نه جلا شوی پخوانی اعلی وزیر پرویز خټک او همدارنګه په پخوانيو نظامیانو کې جنرال خالد رضا رباني، جنرال غیور محمود او جنرال طارق شامل دي.

یو شمېر شنونکي په دې باور دي، چې د خیبر پښتونخوا اوسني امنیتي وضعیت او د طالبانو پر وړاندې د عوامي نېشنل ګوند سیاسي دریځونو ته په پام، ډېر احتمال دی، چې امیر حیدرخان هوتي د نوي والي په توګه وټاکل شي، خو تر اوسه هیڅ رسمي سرچینې د نوموړي ګومارل کېدل نه دي تایید کړي.

د خیبر پښتونخوا لپاره د نوي والي ګمارلو په اړه په داسې حال کې راپورونه ورکړل شوې، چې د ایالتي حکومت او فیصل کریم کنډي ترمنځ د ځینو پالیسیو په اړه مخالفتونه راپورته شوي او په دې وروستیو کې یاد ایالت له سختو نا امنیو سره مخ دی.

د کوهاټ پولیسو ویلي، چې دا پېښه په نصرت خېل سیمه کې شوې ده.

په دې وروستیو کې د طالبانو او پاکستان ترمنځ د اړیکو له ترینګلتیا سره هممهاله په خیبر پښتونخوا کې د اهل حدیث اړوند څو دیني عالمان په نښه شوي دي.

تر اوسه هیڅ پاکستانۍ وسله والې ډلې د دغسې بریدونو مسوولیت پرغاړه نه دی اخېستی.

په دې خبري کنفرانس کې د عمران خان خور حلیمه خان هم وه. د دې لاریون نېټه داسې مهال ټاکل کېږي چې پاکستان کې په خواله رسنیو کې د پخواني لومړي وزیر او د تحریک انصاف ګوند د بنسټګر عمران خان د روغتیایي وضعیت په تړاو پوښتنې راولاړې شوې دي.

څو ورځې وړاندې ان په اډیاله زندان کې د هغه د مړینې خبرونه په خواله رسنیو کې لاس په لاس شول؛ خو وروسته رویټرز اژانس د یاد زندان د چاراکو له قوله خبر ورکړ چې عمران خان ژوندی دی او روغتیايي وضعیت یې هم ښه دی.

د خبرپاڼې له مخې؛ دغه کسانو شمالي او سویلي وزیرستان، بنو، ډېره اسماعیل خان، مردان، کورمې، اورکزیو، ملاکنډ او کوهاټ په ګډون له بېلابېلو ولسوالیو سره تړاو لاره. خبرپاڼه زیاتوي، چې د یادو عملیاتو پرمهال د وسله‌والو ډلو ۳۳ مهم قوماندانان هم وژل شوي دي.

خبرپاڼه کاږي، چې تر ټولو ډېر وسله‌وال په بنو، ډېره اسماعیل خان، شمالي او سویلي وزیرستان او خیبر ولسوالیو کې وژل شوي دي؛ خو په دغه راپور کې بیا په روان کال کې د پاکستان امنیتي ځواکونو ته د اوښتې مرګ ژوبلې په تړاو څه نه‌دي ویل شوي.

ورته مهال د پاکستان پوځ د عامه اړیکو څانګې جمعه (د لېندۍ ۷مه) خبر ورکړی، چې د خیبر پښتونخوا په ډېره اسماعیل خان ولسوالۍ کې یې د استخباراتي معلوماتو پر بنسټ په یو لړ عملیاتو کې ۲۲ وسله‌وال وژلي دي.

د یادې ادارې له‌خوا په خپرې شوې خبرپاڼه کې راغلي، یاد عملیات د سې‌شنبې په ورځ د استخباراتي عملیاتو پر بنسټ شوي. د خبرپاڼې له مخې؛ په یاده سیمه کې لاهم چاڼیز عملیات روان دي.

په خبرپاڼه کې د پاکستان امنیتي ځواکونو ته د اوښتې مرګ ژوبلې په اړه څه نه‌دي ویل شوي.

ورته مهال د پاکستان لومړي وزیر شهباز شریف یاد عملیات بریالي بللي. هغه تر دې وړاندې هم په وار، وار ویلي، چې د ترهګرۍ د بشپړې له‌منځه وړلو پورې به دغه ډول عملیات دوام وکړي.

د پاکستان پوځ د عامه اړیکو څانګې د سې‌شنبې په ورځ (د لېندۍ ۴مه) هم خبر ورکړی و، چې د خیبر پښتونخوا په بنو ولسوالۍ کې یې د استخباراتي معلوماتو پر بنسټ په یو لړ عملیاتو کې ۲۲ وسله‌وال وژلي دي.