په افغانستان کې شاوخوا ۱۳ زره کسان په ایډز ناروغۍ اخته دي
د ډسمبر په لومړۍ نېټه چې د ایډز ناروغۍ نړیوالۍ ورځې سره برابره ده، د ملګرو ملتونو پراختیایي صندوق اعلان وکړ، چې په افغانستان کې شاوخوا ۱۳ زره کسان د ایډز ناروغۍ سره ژوند کوي.
د ډسمبر په لومړۍ نېټه چې د ایډز ناروغۍ نړیوالۍ ورځې سره برابره ده، د ملګرو ملتونو پراختیایي صندوق اعلان وکړ، چې په افغانستان کې شاوخوا ۱۳ زره کسان د ایډز ناروغۍ سره ژوند کوي.
د ملګرو ملتونو پراختیایي صندوق موندنې ښیې، چې د افغانستان د نفوس له یو سلنې څخه هم کم په ایډز اخته دي او د مخدره توکو روږدي کسانو، بندیانو، جنسي کارمندانو او د دوی د ملګرو په منځ کې د نورو ډلو په پرتله د دې ناروغۍ خپریدل لوړ دي.
ملګري ملتونه وايي چې هغه خلک چې د ایډز سره ژوند کوي کولی شي اوږد او عادي ژوند وکړي که چیرې دوی مناسب درملنه ترلاسه کړي.
د احصایو له مخې په ۲۰۲۴ کال کې، په ټوله نړۍ کې له ۶ لکه ۳۰ زره خلک د دې ناروغۍ له امله مړه او له ۱.۳ میلیون څخه ډیر نوي قضیې ثبت شوي.
د ایډز، نري رنځ او ملاریا سره د مبارزې لپاره د ملګرو ملتونو نړیوال وجهي صندوق د افغانستان په ۳۴ ولایتونو کې فعال دی او د اړینو روغتیایي خدماتو په وړاندې کولو سره په ژوند ژغورلو کې مرسته کوي.
د دې پروګرام په چوکاټ کې، له ۷ زره ۵۰۰ څخه ډیر په مخدره توکو روږدي کسان او له لس زره څخه ډیر بندیان د ایډز مخنیوي خدماتو له لارې د ځان ساتنې طریقې زده کړې دي.
په ټولیزه توګه په ۲۰۲۴ کال کې له ۲ میلیون څخه زیاتو خلکو د ایډز، نري رنځ او ملاریا سره د مبارزې لپاره د ملګرو ملتونو د نړیوال وجهي صندوق په چوکاټ کې د ایډز، نري رنځ او ملاریا خدماتو څخه ګټه پورته کړې ده.
