یونېسف: په ختیځ افغانستان کې د زلزلې له امله زیانمن شوي ماشومان ملاتړ ته اړتیا لري
د ملګرو ملتونو له ماشومانو څخه د ملاتړ صندوق (یونېسف) اعلان کړی چې د افغانستان په ختیځ کې زلزله ځپلي ماشومان لا هم ملاتړ ته اړتیا لري.
د ملګرو ملتونو له ماشومانو څخه د ملاتړ صندوق (یونېسف) اعلان کړی چې د افغانستان په ختیځ کې زلزله ځپلي ماشومان لا هم ملاتړ ته اړتیا لري.
یاد سازمان نن دوشنبه په یوه خبرپاڼه کې ویلي چې په اغېزمن شویو سیمو کې څه باندې شپږ زرو ماشومانو ته د زدهکړو ۲۰۰ لنډمهالي ځایونه برابر شوي، خو لا هم ملاتړ ته اړتیا ده.
د راپور له مخې، د افغانستان په ختیځ کې له مرګونې زلزلې درې میاشتې تېرېږي، د دې خونړۍ زلزلې له امله نږدې دوه زره کسانو خپل ژوند له لاسه ورکړی و، او په لسګونه زره نور عامه وګړي زیانمن شوي دي چې لا هم بشري مرستو ته اړتیا لري.
د ملګرو ملتونو د بشري استوګنې پروګرام هم ویلي چې د هغه ښوونځی هم د بیا رغولو په حال کې دی چې دوه کاله وړاندې د هرات ولایت په زلزله کې ویجاړ شو او ۵۰۰ زده کوونکي یې له خپلو درسونو بې برخې کړل.
د یادونې ده چې د افغانستان په بېلابېلو ولایتونو کې د وروستیو زلزلو په پایله کې د ځاني زیان ترڅنګ ګڼ مالي زیانونه اوښتي دي.
ډان ورځپاڼې د پاکستان د فیصل اباد پوهنتون د پخواني پروفیسور وقار احمد او د پراختیا او کرنې کارپوه خالد وټو لخوا د دوشنبې په ورځ، د دسمبر په لومړۍ نیټه لیکل شوي تحلیلي راپور کې لیکلي چې افغانستان په پاکستان کې د سبزیجاتو، په ځانګړې توګه د کچالو لپاره ترټولو لوی بازار جوړوي.
د کرنې او تولید حجم له مخې د پاکستان ترټولو زیات سبزیجات، چې له یو میلیون جریبه څخه ډیر ځمکه پوښي، کچالو دي، چې هر کال د صادراتو لپاره د پام وړ اضافي عاید رامینځته کوي.
د نړیوال سوداګرۍ کمیسیون د احصایو له مخې، پاکستان په ۲۰۲۴ کال کې د ۱۳۸ میلیون ډالرو په ارزښت له ۷۳۶ ټنو څخه ډیر کچالو صادر کړل، چې له دې جملې څخه ۴۲ سلنه یې افغانستان ته صادر شوي دي.
کارپوهان وايي چې د "بې ثباته" افغان بازار باندې دومره زیات انحصار د اوږدمهاله جوړښتي کمزورۍ څرګندونه کوي. دوی وايي چې د کچالو د کروندګرو بقا په خورا مهمه توګه د افغانستان د پولې په بیا پرانیستلو پورې اړه لري ځکه چې د پاکستان دودیز کرنیز سکتور نشي کولی نوي بازارونه ومومي.
کارپوهانو خبرداری ورکړی، چې دا ډول غلط اقتصادي پالیسیو د پاکستان لپاره د محصولاتو او صادراتو بازارونو لړۍ محدوده کړې ده او دا چې د کچالو د صادراتو په حجم کې د چټک کمښت له امله له جدي بحران سره مخ دی.
که څه هم د پولې احتمالي بیا پرانیستل ممکن سږکال بزګرانو ته لنډمهاله مهلت ورکړي، کارپوهان وايي چې د دې سکتور اوږدمهاله ثبات ستراتیژیکو او پلان شویو حکومتي مداخلو ته اړتیا لري.
