طالبان وايي چې ۱۶ ټانکره بې کیفته نفتي توکي یې بېرته ګرځولي
د طالبانو د مالیې وزارت ویلي، چې په تېره لړم میاشت کې یې د نیمروز، حیرتان او شیرخان بندرونو له لارې افغانستان ته واردېدونکي ۱۶ ټانکره بې کیفته نفتي توکي، بېرته ګرځولي دي.
د طالبانو د مالیې وزارت ویلي، چې په تېره لړم میاشت کې یې د نیمروز، حیرتان او شیرخان بندرونو له لارې افغانستان ته واردېدونکي ۱۶ ټانکره بې کیفته نفتي توکي، بېرته ګرځولي دي.
د طالبانو د مالیې وزارت د نفتي توکو د کیفیت او څارنې ریاست ويلي، ۱۶ ټانکره نفتي توکي چې ټولیز وزن یې ۴۸۰ ټنه و، بېرته مستر شوي دي.
په یادو نفتي توکو کې ۳ ټانکره ډېزل، ۴ ټانکره اوبلن ګار او ټانکر روغنیات شامل وو، چې د نیمروز، حیرتان او شیرخان له بندرونو څخه یې بېرته ایران، تاجکستان او ازبکستان ته ورګرځولي دي.
طالبانو ویلي، چې افغانستان ته د واردېدونکو نفتي توکو د کیفیت معلومول د مسلکي او تخنیکي ډلو او معیاري لابراتوارونو په وسیله ترسره کېږي او د بې کیفیته نفتي توکو د واردولو اجازه نه ورکول کېږي.
دا په داسې حال کې ده، چې څو ورځې وړاندې هم طالبانو د اسلام کلا په ګمرک کې شاوخوا ۱۰۰ ټنه قاچاقي او بې کیفیته تېل د یادې ډلې د محکمې له پریکړې وروسته له منځه یووړل.
د طالبانو په ولکه کې ارګ د چارشنبې په ورځ وویل، چې په ګلخانې ماڼۍ کې په دې مناسبت جوړه شوې غونډه کې ددې ډلې د بهرنیو چارو وزیر امیر خان متقي او د چارو د ادارې مشر ملا عبدالواسع هم حضور درلود.
ملا حسن د قطر او ددې ډلې ترمنځ همکارایو او اړیکو ته په اشارې ویلي:«قطر هیواد په ډېرو سختیو کې له موږ سره همکاري کړې چې مننه یې کوو. الله تعالی دې وکړي چې زموږ په اړیکو او همکاریو کې لاښه والی او پرمختګ راشي.»
بل خوا د قطر نوي سفیر مردف بن علي القاشوطي ویلي چې «دا زما لپاره د ویاړ ځای دی چې په افغانستان کې د قطر د سفیر په توګه خپله دنده پیلوم او ژمنه کوم چې دقطر او افغانستان د اړیکو او همکاریو د لاپیاوړتیا لپاره به دوامدارې هڅې وکړم.»
قطر له ۲۰۱۳ ز کال وروسته طالبانو ته د سیاسي دفتر له پرانیستلو او دوحې پروسې وروسته د طالبانو او نړیوالو ترمنځ د اړیکو د مرکز په توګه پېژندل کیږي.
دا هېواد له ۲۰۱۸څخه تر ۲۰۲۰ کال پورې د طالبانو او امریکا ترمنځ د هغو مذاکراتو کوربه و، چې پایله یې د «دوحې تړون» و.