پاکستان کې د روسیې او طالبانو سفیرانو د امنیتي موضوعاتو په تړاو خبرې کړي

د کمېسیون په راپور کې راغلي، د شنبې په ورځ کندهار ته د سپین بولدک له لارې ۳۹۱ کورنۍ، چې شمېر یې ۲۱۸۳ تنه و راستانه شوي. همدا ډول، ننګرهار ته د تورخم له لارې ۹۹ کورنۍ، چې ۵۵۱ تنه وو، بایومیټریک شوي، او هرات ته له اسلام کلا ۱۴ کورنۍ، ۵۷ تنه وو، هېواد ته راستانه شوي دي.

راپور زیاتوي، په نیمروز کې د ورېښمو لار له لارې ۵۴ کورنۍ، ۲۳۴ تنه، او همداراز ۸۲۳ مسافر هېواد ته راستنه شوي، او هلمند ته د بهرامچې له لارې ۲۳ کورنۍ، ۱۰۹ تنه، ستانه او ثبت شوي دي.

همدا راز ویل شوي، د اطلاعاتو او عامه پوهاوي کمېټې له خوا راستنو شویو کډوالو ته د ثبت، لېږد، مالي مرستو، لنډمهاله مېشتېدنې، او د هېواد، اسلامي نظام، کډوالۍ، صبر او زغم، ښوونې او روزنې په اړه ګټور پوهاوی ورکړل شوی دی.

د طالبانو د یاد کمېسیون په راپور کې زیاته شوې، د مالي چارو د تنظیم کمېټو له لارې ټولو کورنیو ته شاوخوا ۷ میلیونه افغانۍ مالي مرستې وېشل شوې. سربېره پر دې، راستنو شویو کډوالو ته خوراکي توکي، اوبه، او وړیا سیمکارتونه چې انټرنېټي بستې پکې فعالې وې، هم ورکړل شوي، ترڅو د هغوی لومړنۍ اړتیاوې په اغیزمنه توګه پوره شي.

د ايران د کورنيو رسنيو د راپور له مخې، مظفري د شنبې ورځ د (لیندۍ ۱۵مه) د خراسان رضوي د دولت او خصوصي برخې د ګډې ناستې پر مهال وویل چې له افغانستان سره د ايران صادرات بايد په محسوس ډول زيات شي.

د خراسان رضوي والي په همدې غونډه کې زياته کړه: «زموږ ټينګار دا دی هغه توکي چې په افغانستان کې توليديږي، له بل هېواده ايران ته وارد نه شي؛ بلکې هماغه له افغانستانه راوړو او پر دې خبره موږ ټينګ ولاړ يو».

بل لور ته، د پاکستان د بهرنيو چارو وزارت وياند طاهر اندرابي څو ورځې مخکې ويلي وو چې پر ډیورنډ کرښه به دروازې يوازې په محدود ډول د ملګرو ملتونو د بشري مرستو د لېږد لپاره پرانيستل شوي دي، خو د دواړو هېوادونو سوداګريزې راکړې ورکړې لا هم بندې دي.

د طالبانو او پاکستاني ځواکونو تر منځ تر سرحدي نښتو وروسته، اسلام‌اباد د تلې پر ۲۰مه نېټه د تورخم او چمن پوله په بشپړ ډول وتړله. پر ډیورنډ کرښه دلارو تړل کېدو او د سوداګرۍ درېدو له امله طالبانو هڅه کړې چې له سيمه ييزو هېوادونو په ځانګړي ډول ايران او ازبکستان سره سوداګريزې اړيکې پراخې کړي.

په تاجکستان کې د مخکنېي جمهوري د فعال سفارت له‌خوا خپره کړې خبرپاڼه کې راغلي: «موږ د اسټرالیا د حکومت د وروستي پرېکړې، چې طالبانو باندې یې هدفمند تحریمونو لګول دي، صمیمانه هرکلی کوو».

سفارت زیاتوي چې د دې بندیزونو پراخېدل او د نورو هېوادونو له خوا د اسټرالیا د اقدام تعقیب، کولای شي طالبانو ته د فشار موثره وسیله برابره کړي او هغوی دې ته اړ کړي چې د بشري حقونو سرغړونې، د ښځو د تعلیم او کار محدودیتونه، د مدني ازادیو فشار او نورې غیرانساني کړنې پای ته ورسوي.

یاد سفارت ټینګار کړی چې طالبان د نړۍ د معاصر تاریخ تر ټولو ستر ناقضین دي او د هغوی تبعیضي او انسان ضد سیاستونه د میلیونونو افغانانو، په ځانګړې توګه ښځو او نجونو ژوند ته جدي ګواښ جوړ کړی دی.

همدا راز له نورو هیوادونو، نړیوالو سازمانونو او د بشري حقونو مدافعو موسسو غوښتنه کړې چې د اسټرالیا له اقدام الهام واخلي او ورته سیاستونه عملي کړي، ترڅو د مظلومو افغانانو غږ په نړیواله کچه واورېدل شي او د نړیوال فشار له لارې د موجوده وضعیت د بدلون زمینه برابره شي.

د ملګرو ملتونو امنیت شورا به د چهارشنبې په ورځ د افغانستان د وضعیت په اړه غونډه ولري.

دغه غونډه به د متحده ایالاتو د نیویارک پر وخت د سهار په ۱۰ بجو پیل شي، چې د کابل محلي وخت له ۱۹:۳۰ برابره دی.

ګډونوال به په غونډه کې د افغانستان د روان وضعیت ارزونه وکړي او د نړۍوالو اقداماتو د پیاوړتیا او همغږۍ په اړه به بحث وکړي.

د طالبانو تر واک لاندې د افغاني سرې میاشتې ټولنې له خوا خپره شوې خبرپاڼه کې ویل شوي، چې شهاب الدین دلاور د اروپايي ټولنې د ملکي ساتنې او بشري مرستو د عمومي رییس اندریاس پاپاکنستانتینو سره کتلي او دواړو لوریو روغتيايي خدماتو او بېړنیو مرستو په اړه خبرې کړې دي.

خبرپاڼه زیاتوي، چې شهاب الدین دلاور د اروپايي ټولنې د ملکي ساتنې او بشري مرستو عومي رییس څخه د ژمي په رارسېدو سره د راستنېدونکو کډوالو او زیانمو شویو کسانو سره د پراخ ملاتړ او همکارۍ غوښتنه کړې ده.

طالبانو ویلي، د اروپايي ټولنې د ملکي ساتنې او بشري مرستو عمومي رییس ژمنه کړې چې د طبیعي پېښو او اقلیمي بدلون له امله زیانمنو شویو کسانو سره به خپلو همکاریو ته دوام ورکړي.