د پاکستان د جماعت اسلامي ګوند پخواني مشر سراجالحق ویلي چې د طالبانو د علماو له لوري هغه فتوا چې له مخې یې افغان خاوره د هېڅ بل هېواد پر ضد نه کارول کېږي، د دواړو هېوادونو لپاره یو «مثبت او هیلهمنوونکی» پرمختګ دی.
نوموړي پر ایکس خواله رسنۍ لیکلي چې دا موقف باید وستایل شي، ځکه په وینا یې، دا ډول پرېکړې په سیمه کې د باور جوړونې، سولې او متقابل همکارۍ د پیاوړتیا لامل ګرځي.
سراجالحق ټینګار کړی چې د طالب علماو دا اقدام کولای شي د پاکستان او افغانستان اړیکې لا ښې، او د شخړو پر ځای پر تفاهم، ثبات او ګډو همکاریو تمرکز زیات کړي.
د یادولو وړ ده چې پرون په کابل کې د طالبانو د مشر ملا هبت الله په لارښوونه طالب دیني عالمانو په یو پرېکړه لیک کې فتوا ورکړه، چې ملا هبت الله هېچا ته له افغانستان څخه بهر د نظامي فعالیت اجازه نه ده ورکړې او که څوک تخلف وکړي طالبان به یې مخنیوی کوي.
په پرېکړه لیک کې راغلي دي چې طالبان به هېڅ ډلې ته اجازه ورنکړي چې د افغانستان خاوره د نورو پر ضد وکاروي.
