د هسپانیې حکومت به طالبان په رسمیت ونه پېژني
د هسپانیې د بهرنیو چارو وزیر خوزه مانویل البارس له افغان فعالینو سره په ناسته کې وویل چې هېواد به یې طالبان په رسمیت ونه پېژني. ښاغلي البارس ټینګار وکړ چې د طالبانو رژیم مشروع نه دی.
د هسپانیې د بهرنیو چارو وزیر خوزه مانویل البارس له افغان فعالینو سره په ناسته کې وویل چې هېواد به یې طالبان په رسمیت ونه پېژني. ښاغلي البارس ټینګار وکړ چې د طالبانو رژیم مشروع نه دی.
د افغان مېرمنو دریم ځانګړی فورم، چې «زموږ غږ واورئ» تر سرلیک لاندې، د جمعې په ورځ، د لیندۍ ۲۱مه د هسپانیې په پلازمینه مادرید کې پیل شو.
د ملګرو ملتونو د بشري حقونو ځانګړي راپور ورکوونکي رېچارډ بېنټ د ویناوالو په ډله کې دی، چې د بشري حقونو یو شمیر فعالین هم پکې شامل دي.
د هسپانیې د بهرنیو چارو وزیر په خپلو پرانیستونکې وینا کې ټینګار وکړ، چې هر هغه راتلونکی چې د پرمختګ په اړه فکر کوي د مېرمنو شتون ته اړتیا لري او زیاته یې کړه چې مادرید د افغان مېرمنو د حقونو ملاتړ کوي.
خوزه مانویل البارس په تیرو څلورو کلونو کې د افغانستان وضعیت د ښځو لپاره وېجاړونکی وباله.
بهرنیو چارو وزیر دا هم وویل، چې په افغانستان کې د طالبانو د کړنو په اړه به څېړنه وشي او دا ډله باید مسووله وګڼل شي.
