په خېبرپښتونخوا کې په تېرو ۱۱ میاشتو کې په وسلهوالو بریدونو کې ۵۰۲ کسان وژل شوي دي
د خېبرپښتونخوا پولیسو په ۲۰۲۵ کال کې د امنیتي پېښو په اړه خپور شوي راپور کې ویلي، چې په یاد ایالت کې د پولیسو په ګډون ۵۰۲ ملکي وګړي وژل شوي دي.
د خېبرپښتونخوا پولیسو په ۲۰۲۵ کال کې د امنیتي پېښو په اړه خپور شوي راپور کې ویلي، چې په یاد ایالت کې د پولیسو په ګډون ۵۰۲ ملکي وګړي وژل شوي دي.
د پولیسو په راپور کې راغلي، چې د روان کال په ترڅ کې په خېبرپښتونخوا کې ۱۵۱۱ امنیتي پېښې رامنځته شوي او په یادو پېښو کې ۲۳۲ ملکي وګړي وژل شوي او ۵۷۰ تنه نور ټپیان شوي دي.
د خېبرپښتونخوا پولیسو د کلني راپور له مخې، په تېرو ۱۱ میاشتو کې د بېلابېلو ادارو اړوند ۲۷۹ تنه پولیس وژل شوي او ۴۸۰ تنه نور ټپیان شوي دي.
د راپور له مخې، په تېرو ۱۱ میاشتو کې تر ټولو ډېرې ۳۹۴ امنیتي پېښې په بنو ولسوالۍ کې رامنځته شوې، ۱۵۲ پېښې په ډېره اسماعیل خان، ۱۸۱ پېښې په شمالي وزیرستان او ۱۰۸ پېښې په سوېلي وزیرستان کې شوې دي.
همدارنګه د خېبرپښتونخوا پولیسو ویلي، چې په تېرو ۱۱ میاشتو کې د عملیاتو پرمهال ۳۴۸ وسلهوال وژل شوي دي.
باخبره سرچینو نن شنبه، د لیندۍ ۲۲مه وویل، چې پاکستاني طالبانو په ځانګړي ډول د حافظ ګل بهادر په مشرۍ د اتحادالمجاهدین وسله والو د ډرون څرخکوضد وسلې ترلاسه کړي او یادې ډلې د وسلو انځورونو هم خپاره کړي دي.
دا انځورونه افغانستان انټرنشنل - پښتو ته رسېدلي دي، چې په کې څرګندیږي د پاکستاني طالبانو اړوند وسلوالو په لاسونه کې د هغه کمپنۍ ډرون څرخکوضد وسلې دي، چې څه موده وړاندې د خیبرپښتونخوا د بنو ولسوالۍ پولیسو ته په واک کې ورکړل شوې وې.
دا لا تایید نه ده، چې دا پرمختللې وسلې د پاکستاني پولیسو څخه نیول شوي او که پاکستاني وسلوالو مستقیم خریداري کړي دي.
تراوسه پورې د خیبرپښتونخوا پولیسو ددې موضوع په اړه کوم غبرګون نه دی ښودلی .
له دې وړاندې افغانستان انټرنشنل - پښتو په یو څیړنیز راپور کې موندلې وه، چې په داسې حال کې چې د پاکستان پوځ بېپیلوټه الوتکو او بریدونو پر پاکستاني طالبانو فشار ډېر کړی او درندې مرګ ژوبلې یې ور اړولې، وسلهوال د دغو بریدونو پر وړاندې نوې لارې لټوي. اوس هغوی د ارزانه تجارتي ډرونونو په لټه کې دي چې د جګړې په ډګر کې د دوی لپاره یو حمایوي چتر رامنځته کړي.
سرچینې د روان کال د جنګاښ په میاشت کې افغانستان انټرنشنل - پښتو ته ویلي و، چې لومړی ډرون برید د حافظ ګل بهادر ډلې د شمالي وزیرستان په میرعلي کې کړی او د وروستۍ ډرون برید هڅه د جولای پر ۱۹مه د بنو ولسوالۍ د میریان امنیتي حوزې په حدودو کې شوې وه، چې پاکستاني ځواکونو تر برید وړاندې شنډه کړه. د بنو د میریان امنیتي حوزې مسوولینو د هاوان هغه مرمۍ هم وښودې، چې ټي ټي پي غوښتل پر امنیتي حوزه یې وکاروي.
د یادونې وړ ده، د خیبرپښتونخوا بنو پولیسو ته ورکړل شوې د ډرون څرخکوضد وسلې ایا دا وړتیا لري، چې ډرون پرمختللې الوتکې هم راغورځوي او که یوازې د هغو ډرون څرخکو چې ټي ټي پي یې جوړوي د غورځولو وړتیا لري.
