د شنبې په ورځ د AFN سویډن سیالیو په لړ کې، افغان لوبغاړي سخي قنبري خپل برازیلي سیال ایزیوډو زیونا ته ماتې ورکړه. تر لوبې وروسته قنبري د UFC سازمان له مشرې ډانا وایټ وغوښتل، چې هغه ته په دغه سازمان کې د لوبې چانس ورکړي.
قنبري د خپلې ورزشي دورې په ۱۰مه مسلکي مبارزه کې خپله اتمه بریا ترلاسه کړه. هغه ټینګار وکړ، دا یې لویه هیله ده چې د ازاده سیالیو په لوړه کچه لوبه کې برخه واخلي او په UFC سازمان کې شامل شي.
ډېری کارپوهان د دغه لوبغاړي د بریا لړۍ او تخنیکي کیفیت ته په کتو په دې باور دي، که د هغه فعالیت همداسې دوام وکړي؛ نو سخي قنبري به ډېر ژر د نړۍ د ازاده سیالیو ترټولو لوی سازمان ته لاره ومومي.
په خپله وروستۍ لوبه کې دغه افغان لوبغاړي وکولای شوای، چې په لومړي پړاو کې خپل نه ماتېدونکی برازیلی سیال مات کړي. هغه دوه اونۍ وړاندې د سوپریر چېلنج سازمان په سیالۍ کې یو بل برازیلي لوبغاړي ماریو اراجو ته ماتې ورکړې وه.
په کابل کې د سیالیو د پوهاوي سیمینار، د طرزالعملونو او قوانینو بیاکتنه او د پچې اچونې مراسم ترسره شوي دي. د فدراسیون د لومړني پلان له مخې ټاکلې شوې وه، چې په دغه سیالیو کې ۱۴ لوبډلې برخه واخلي؛ خو په پای کې پچه اچونه د ۱۱ لوبډلو ترمنځ ترسره شوه. دغه لوبې به لس ورځې دوام وکړي.
د لوبو ډلبندي
لومړۍ ډله: کندوز، فاریاب، بلخ
دویمه ډله: بدخشان، تخار، بامیان
دريېمه ډله: سرپل، پنجشېر، سمنګان
څلورمه ډله: بغلان، هرات
دغه فدراسیون وړاندې ویلي و، چې جوزجان، میدان وردګ او نورستان لوبډلې به هم په دې پړاو کې ګډون وکړي؛ خو د نامعلومو لاملونو له امله دغه لوبډلو پهکې برخه نهده اخیستې او فدراسیون هم په دې اړه وضاحت نهدی ورکړی.
د دغه سیالیو په شپږم پړاو کې چې تېر کال ترسره شو، د «یما پټرول» لوبډلې اتلولي وګټله. په روان پړاو کې ځینې لوبډلې د منځنۍ اسیا هېوادونو چاپاندازان هم له ځانه سره لري، چې کولای شي د سیالیو جذابیت او تخنیکي کچه نوره هم لوړه کړي.
