د ایران یو شمېر رسنیو خبر ورکړی چې تهران د دوشنبې په ورځ په بېلابېلو ښارونو کې د توغندیو تمرینونه وکړل، خو وروسته دولتي رسنیو دا ډول خبرونه رد کړل او ویې ویل، چې په فضا کې سپینې لیکې د الوتکو له تېرېدو وروسته پاتې شوې دي.
د این بي سينیوز د خبر له مخې، د امریکا ولسمشر ډونالډ ټرمپ ته د اسراییل لومړي وزیر بنیامین نتانیاهو د ایران د بالیسټیک توغندیو د پروګرام د پراختیا په اړه خبرداری ورکړی، چې ګواکې دا ګواښ د بیړني اقدام اړتیا پیدا کولی شي.
لویدیز ځواکونه د ایران بالیسټیک توغندي د منځني ختیځ پر ثبات ددودیز پوځي ګواښ په توګه انګیري او د احتمالي اتومي وسلو د لېږد وسیله یې ګڼي.
د ایران د عامه خپرونو او نیمه رسمي نور نیوزټیلیګرام چینلونو د توغندیو د لېږد ویډیوګانې خپرې کړې، خو د تمرینونو دقیق ځای یې نه دی ښودلی.
رسنیو ویلي چې توغندي په پلازمینه تهران، اصفهان او مشهد ښارونو کې تمرین شوي دي.
وروسته د دوشنبې په ورځ دولتي رسنیو د باخبره سرچینوپه حواله راپور ورکړ چې توغندي نه دي ازمویل شوي او انځورونه د "لوړ ارتفاع الوتکو" دي.
