په لوګر کې پر ۱۰۰۰ بېوزلو او اړمنو کورنیو د یوې اندازې خوراکي او غېر خوراکي توکو مرستې وشوې. دغه مرستې د طالبانو له پېښو سره د مبارزې ادارې او یو شمېر نورو همکارو موسسو په همغږۍ برابرې شوې دي.
د لوګر د والي مرستیال محمد انور دینپرور د دغو مرستو د وېشنې پر مهال وویل: «که څه هم دغه مرستې د یادو کورنیو اړتیاوې نهشي پوره کولای، خو بېوزلو ته هیلهورکوونکې او ارزښتناکه دي».
نوموړي همداراز سپارښتنه وکړه، چې د مرستو په وېش کې باید تر ټولو مستحقو کسانو ته لومړیتوب ورکړل شي، او له شتمنو خلکو یې هم وغوښتل، چې د بېوزلو حقونو ته درناوی وکړي.
د لوګر ولایت لپاره د طالبانو د رسنیو دفتر د خبرپاڼې لهمخې، په دې مرستو کې هرې کورنۍ ته یوه بوجۍ ۵۰ کیلوګرامه اوړه، ۵ کیلو بوره، نیم کیلو تور چای، یو کارتن صحي کېټ او د اوبو د تصفیې لپاره تابلیتونه ورکړل شوي دي.
