د خوړو نړیوال پروګرام په تخار کې ۳۵ زره اړمنو کورنیو ته مرستې ووېشلې
په افغانستان کې د ملګرو ملتونو د خوړو نړیوال پروګرام(ډبلیو ایف پي) وایي، د ژمي په رارسېدو سره یې د تخار ولایت په زرګونو اړمنو کورنیو ته بېړنۍ خوراکي مرستې ویشلې دي.
په افغانستان کې د ملګرو ملتونو د خوړو نړیوال پروګرام(ډبلیو ایف پي) وایي، د ژمي په رارسېدو سره یې د تخار ولایت په زرګونو اړمنو کورنیو ته بېړنۍ خوراکي مرستې ویشلې دي.
دغې ادارې ویلي، چې په تخار ولایت کې یې له ۳۵ زره څخه زیاتو اړمنو کورنیو ته د ژوند ژغورنې مرستې برابرې کړې دي.
د خوړو نړیوال پروګرام د معلوماتو له مخې، هرې کورنۍ ته د لومړنیو خوراکي توکو تر څنګ د پنځو کلونو څخه کم عمره ماشومانو لپاره مغذي خواړه هم ورکړل شوي دي.
دغه اداره ټینګار کوي چې په افغانستان کې د ژمي سختو شرایطو ته په کتو، اړمنو کورنیو ته د مرستو رسول د دوی له لومړیتوبونو څخه دي او هڅه کوي د هېواد په لرې پرتو سیمو کې هم اړمنو کسانو ته پر وخت مرسته ورسوي.
