طالبان وايي په تېرو ادارو کې د اداري فساد له امله په کاني چارو کې شفافیت نه‌ و

د طالبانو د کور او ښار جوړولو وزارت د یکشنبې په ورځ (د مرغومي ۷مه) د یوې خبرپاڼې په خپرولو سره ویلي، د کندهار د ژېړۍ ولسوالۍ د کډوالو په ښارګوټي کې د راستنېدونکو کورنیو لپاره د ځمکو د وېش بهیر بشپړ شوی او په ترڅ کې یې شاوخوا ۴۰۰ کورنیو ته د سرپناه لپاره ځمکې وېشل شوې دي.

له دې سره سم، په لغمان کې هم هغو اړمنو کورنیو ته چې له کلونو کډوالۍ وروسته بېرته خپل ټاټوبي ته راستنې شوي د طالبانو په وینا، هغو لپاره د نمرو د وېش عملي بهیر پیل شوی او لا هم روان دی.

د طالبانو د ښار او کور جوړولو وزارت په لغمان کې راستنو شویو کورنیو ته د وېشل شویو استوګنیزو نمرو د شمېر په اړه څه نه‌دي ویلي.

طالبان وايي، پر راستنو شویو کورنیو د استوګنې د نمرو د وېش بهیر په ټولو ولایتونو کې روان دی.

په ورته وخت کې یو شمېر هغه کورنۍ چې په دې وروستیو کې له پاکستان او ایران څخه په جبري توګه هېواد ته اړول شوي شکایت لري، چې له ستنېدو یې ډېره موده شوې، خو لا تر اوسه ورته د سرپناه لپاره ځمکه نه‌ده ورکړل شوې او همداراز د نورو مرستو پر غیر شفافوالي هم نیوکې لري.

رحمت الله نبیل پر خپل اېکس د ډاکټر مظفر په نوم د یو هندي وګړي د انځور او د پاسپورټ د شمېرې په خپرولو سره ویلي، چې نوموړی کس د ډیلي د سرې کلا د برید اصلي طراح و، چې د عربي هېوادونو له لارې افغانستان ته تللی او اوس یې د غزني ولایت د ګېرو ولسوالۍ د خاقد کلي په مدرسه کې پناه اخیستې ده.

د هند د نوي ډیلي د سرې کلا په سیمه کې د نومبر میاشتې په لومړیو کې چاودنه وشوه، چې له امله یې ۱۳ کسان ووژل شول او له ۲۰ څخه ډېر ټيان شول.

نبیل په غزني کې د یاد کس پناه اخېستلو ته په اشاره خبرداری ورکړی، چې افغانستان یوځل بیا د نړیوالې ترهګرۍ پټنځای ګرځي.

رحمت الله نبیل ویلي:« که نن دا د خطر زنګ وانه ورېدل شي، ښايي سبا د خبرداري فرصت پاتې نه شي.»

پر همدغه مهال نوموړي ویلي، چې افغانستان دمګړۍ د حکومتولۍ دستونزې ترڅنګ له ژور «هویتي» او ټولنیز بحران سره مخ دی.

نبیل زیاته کړې ده:«کله چې یو ایدیولوژیک رژیم د نړۍ له ټولنې سره د تعامل او د خلکو د حقونو د تضمین پر ځای، د واک انحصار او د افراطي کړیو پراختیا ته مخه کوي، نو دا نور داخلي ستونزه نه پاتې کیږي، بلکې د سیمې او نړۍ لپاره د اوږدمهاله خطر ښکاره نښه بلل کیږي.»

نبیل ویلي، چې له پولو د ترهګرو ډلو تېریدل او په افغانستان کې پټیدل یو جدي ګواښ دی او باید له پامه ونه غورځول شي.

نوموړي په ټینګار سره ویلي، چې دغه ډول کړنې به افغانستان یوځل بیا د ګړنګ پر لور روان کړي او د افراطیت د ودې زمینه به برابره شي.

رحمت الله نبیل ویلي، چې اقتصادي بحران، ژوره بېوزلي، د طالبانو له خوا د واک انحصار، د ګډ مالکیت د احساس مړینه، د تعلیمي نظام او د افراطیت بیا تولید هغه بحرانونه دي چې دوام به یې د افغانستان «سیاسي موجودیت» له ګواښ سره مخ کړي.

حقاني د یکشنبې په ورځ، د مرغومي پر اوومه، د کابل ښاروال د چارو د ستاینې په غونډه کې ټینګار وکړ، چې افغانان هېڅ هېواد ته د زیان رسولو اراده نه لري او ټولو اړخونو ته یې ډاډ ورکړ چې د افغانستان خاوره به د نورو پر ضد نه کارول کېږي.

هغه زیاته کړه، طالبان د هغو ټولو لوریو مننه کوي چې د افغانستان په اړه نېک نیت لري.

نوموړي وویل، «ټولو جهتونو ته دا ډاډ ورکوو، چې افغانان چاته د زیان رسولو اراده نه لري. د ټولو هغو اړخونو مننه کوو، چې د افغانستان په اړه ښې ارادې لري».

د طالبانو د کورنیو چارو وزیر د پاکستاني علماوو وروستۍ غونډه وستایله او د پاکستان د دیني عالمانو تقي عثماني، د جمعیت علمای اسلام مشر مولانا فضل‌الرحمان او د پاکستان د مالیې وزیر اسحاق ډار د څرګندونو مننه یې وکړه.

نوموړي ټینګار وکړ، چې د دې ډول څرګندونو هرکلی کوي او دا یې د سیمې د ثبات لپاره مهمې بللي دي.

سراج‌الدین حقاني همداراز له ټولو هېوادونو او اړخونو وغوښتل چې د افغانستان د بیا رغونې او ابادۍ په برخه کې همکاري وکړي.

د پاکستان د جمعیت علمای اسلام مشر مولانا فضل الرحمان له دې څرګندونو سره هممهله پر خپل اېکس ولیکل، چې په کراچی کې د پاکستاني علماوو د کنفرانس اعلامیه د طالبانو د بهرنیو چارو وزیر ملا امیر خان متقي او د کورنیو چارو وزیر مولانا سراج‌الدین حقاني له خوا مثبته ارزول شوې او دا د پاکستان لپاره ښه پرمختګ دی.

نوموړي زیاته کړې، د پاکستان له دولت او حکومت څخه هم تمه لري چې د پاکستان او افغانستان ترمنځ د اړیکو د ښه کولو او په پاکستان کې د سولې ټینګښت لپاره د علماوو او مذهبي ټولنې د هڅو ملاتړ وکړي.

د عوامي نشنل ګوند مشر اېمل ولي خان دا څرګندونې نن یکشنبه، د مرغومي پر ۷مه په پیښور کې د ګوند د پخواني وژل شوي مشر بشیر احمد بلور د دیارلسم تلین د نمانځلو پرمهال کړې دي.

اېمل ولي خان وويل چې له هند څخه راغلي کډوال تر ننه ځانونه کډوال بولي خو هغوی ته شناختي کارډونه او دولتي دندې ورکړل شوې دی مګر د افغان کډوالو په نوم پنځوس کاله سياست او د ګټې وټې بهیر جاري ساتل شوی دی.

نوموړي نیوکه وکړه، چې « دا ټوله طريقه ناسمه وه، اوس هم ناسمه ده او دا باب چې په کوم انداز تړل کېږي دا به د پاکستان لپاره سخت زيانمن ثابت شي».

هغه وويل، چې په پاکستان کې کله هم کومه پېښه کېږي نو له سوچ پرته يې تور پر افغانستان لګول کیږي.

په دې وروستیو میاشتو کې پاکستان په دغه هېواد کې د مېشتو افغان کډوالو پنډغالي خالي کړل او د کډوالو اېستلو پروسه یې ګړندۍ کړې ده.

یاد وزارت نن د یکشنبې په ورځ، د مرغومي اوومه وویل، چې د طالبانو د اوبو او انرژي وزیر عبداللطیف منصور د ایراني شرکتونو له ګډ پلاوي سره کتلي او په افغانستان کې د اوبو د پروژو په اړه یې خبرې ورسره کړې دي.

طالبانو ویلي، چې د ایراني شرکتونو پلاوي له پنجشیر څخه کابل ته د اوبو د انتقال په پروژه کې د پانګونې لپاره تیاری ښودلی دی.

یاد وزارت وايي، چې د طالبانو د اوبو او انرژۍ وزیر ایراني پانګوالو ته د همکارۍ او د دوی د پانګې د خوندیتوب ډاډ ورکړی دی.

ایراني پانګوالو له پنجشیر څخه کابل ته د اوبو د انتقال پروژې په اړه د هوکړې د لاسلیکولو لپاره د لارو چارو د برابرولو غوښتنه کړې ده.

دا په داسې حال کې ده، چې د هېواد پلازمېنې میلیونونه وګړي له څو پرله پسې کلونو راهیسې تر ځمکې لاندې د اوبو کچې کمښت په اړه شکایت کوي او دمګړی د کابل ښار د ډېرو برخو اوسېدونکي د اوبو له سخت کمښت سره مخ دي.

«مرسي کورپس» نړیوال سازمان په خپل یوه راپور کې ویلي و، چې د کابل شاخوا اووه میلیونه اوسېدونکي د اوبو د کمښت له حیاتي بحران سره مخ دي. یاد بنسټ په کابل کې د نیمايي ژورو څا ګانو وچېدو ته په اشارې ویلي وو، چې ښايي دا ښار تر ۲۰۳۰ کال پورې بشپړ وچ شي.