افغان لوبغاړی ظفر محسن په جرمني کې د خپل سویډني سیال پر وړاندې لوبه کوي

د پاکستان ۱۹ کلنو کم عمره لوبډلې د سیالۍ پچه وګټله او لومړی یې د توپوهنې پرېکړه وکړه.

افغان ۱۹ کلنو کم عمره لوبډلې د خپلو ټولو لوبغاړو په سوځېدو د ۲۲۷ منډو هدف وټاکه.

په افغان لوبډله کې عثمان سادات ۷۵، محبوب‌خان ۴۹ او فیصل‌خان شینوزاده ۳۱ منډې جوړې کړې.

پاکستان لوبډلې د خپلو ۹ لوبغاړو په سوځېدو دغه هدف پوره کړ او افغان لوبډلې ته یې د یوې ویکټې په توپیر ماتې ورکړه.

د افغان لوبډلې په توپ‌اچوونکو کې سلام‌خان احمدزي۴، زیات‌الله شاهین ۲، واحدالله ځدراڼ، عزیزالله خان نیازي او نصرت‌الله نورستاني یو - یو لوبغاړي وسوځول.

د افغانستان، زمبامبوې او پاکستان ترمنځ د یو ورځنیو سیالیو دغه لوبلړۍ د زمبامبوې په کوربتوب تر سره کېږي.

دغه سیالۍ د ۱۹ کلنو کم عمره کرېکټ نړۍوال جام ته د تیاريو لپاره دي.

افغان ۱۹ کلنو کم عمره لوبډله به د راتلونکې چهارشنبې په ورځ د خپل درېیمې لوبې لپاره د کوربه هېواد زمبابوې پر وړاندې د سیالیو ډګر ته کښته کېږي.

د طالبانو تر واک لاندې د افغانې سرې میاشت ټولنې د یوې خبرپاڼې په خپرولو سره ویلي، چې د بشري مرستو ترڅنګ د ځوانانو د سالمو فعالیتونو او ورزشي پروګرامونو ملاتړ د یادې ادارې مهم مسوولیت دی.

خبرپاڼه زیاتوي، چې د ځوانانو ترمنځ دا ډول سیالۍ د ورورولۍ او سالم رقابت د پیاوړتیا ترڅنګ فزیکي او روحي روغتیا ته هم وده ورکوي.

پر همدغه مهال د طالبانو تر واک لاندې د افغانستان د المپیک، بدني روزنې او سپورټ ریاست ویلي، چې د سرې میاشتې ټولنې په کوربه توب سیالیو کې ۷۰ تنه ځوانانو ګډون کړی و.

د افغانستان کرېکټ بورډ د جمعې په ورځ (د مرغومي ۵مه) ویلي، چې د ۱۹ کلنو کم عمره افغان لوبډله به د شنبې په ورځ په ځايي وخت د غرمې په ۱۲ بجو د پاکستان پر وړاندې د لوبې ډګر ته ښکته شي.

دغه درې اړخیزې یو ورځنۍ سیالۍ د زمبابوې په کوربتوب پيل شوي. په لومړۍ سیالۍ کې د کوربه او افغان لوبډلې ترمنځ لوبه د اورښت له کبله بې پایله اعلان شوه.

دغه لوبلړۍ د ۱۹ کلنو کم عمره کرېکټ نړۍوال جام د چمتووالي په موخه تر سره کیږي.

افغان لوبډلې دغه لوبه په داسې حال کې وبایلوده، چې د یادو سیالیو د ډله‌ییزو لوبو په پړاو کې یې بنګله‌دېش لوبډلې ته د ۳-۱ امتیازونو په توپیر ماتې ورکړې وه. د مرکزي اسیا د ښځینه‌و والیبال سیالۍ (د لېندۍ په ۲۹مه) د افغانستان، بنګله‌دېش، قرغزستان او مالدیف لوبډلو ترمنځ پیل شوې وې.

د افغانستان د ښځینه‌و والیبال لوبډلې ​​په ټولیزه توګه پنځه لوبې (درې لوبې په ډله‌ییز پړاو کې، یوه نیمه پای لوبه او یوه لوبه د درېیم مقام ترلاسه کولو لپاره) کړې دي، چې یوازې یوه لوبه یې ګټلې او پاتې درېیو کې یې ماتې خوړلې ده. د بنګله‌دېش لوبډلې بیا درېیم مقام خپل کړ.

د افغانستان د ښځینه‌و والیبال لوبډلې ​​په دغه سیالیو کې له درېیو روزونکو او لسو لوبغاړو سره ګډون وکړ.
د افغانستان د ښځینه‌و والیبال لوبډلې ​​لوبغاړي او روزونکي:

عزیزه فیضي – د لوبډلې مدیره

محمد اسدالهي – مشر روزونکی
زهرا احمدي – مرستیال روزونکې

لوبغاړې:

زینب نېکزاد، رقیه محمدي، زهرا هانيه افغان، مریم حیدري، فاطمه باقري، نرګس موسوي، فاطمه حیدري، محدثه امیري، زهرا هاشمي او زهرا مرادي.

فدراسیون د هغه د مړینې دقیق لامل نه‌دی څرګند کړی، خو په یوې اعلامیه کې یې ویلي، چې حامد میوند د افغانستان د فوټبال له «ځانګړو، صادقو او اغېزناکو څېرو» څخه و او د فوټبال د ودې او د روزونکو او داورانو په روزنه کې یې مهم رول درلود.

د طالبانو د المپيک، بدني روزنې، او سپورټ ادارې مشر احمدالله وثیق د پنجشنبې په ورځ (د مرغومي ۴مه) پر اېکس پاڼه د میوند پر مړینې خواشیني څرګنده کړې او لیکلي یي دي: «مرحوم محمد حامد میوند د هیواد د فوټبال له هڅاندو، زحمت کشو څېرو څخه و، کلونه ـ کلونه یې د فوټبال په برخه کې د هیواد بچیان او مربیان په صداقت سره روزلي دي او په دې برخه کې یې نه‌ستړې کېدونکې هلې ځلې کړې دي».

وثیق پرته له دې چې د میوند د مړینې د لامل په اړه څه ووايي، د هغه مړینه یې د افغانستان د فوټبال او د هیواد د سپورټ لپاره ستره ضایعه بللی ده.

سرچینو افغانستان انټرنشنل ته ویلي، میوند په خپل کور کې د ناپېژاندو کسانو له خوا په ډزو وېشتل شوی و. نوموړی تر دې مخکې په «کافا سیالیو» او د فدراسیون په ۲۳ ورځني لیګ کې د داورانو د کنټرول مسوول پاتې شوی و او کلونه یې په فدراسیون کې دنده ترسره کړې وه.

د سرچینو په وینا، د پېښې تر شا د کورنیو ناندریو موضوع یاده شوې، خو تر اوسه د افغانستان د فوټبال فدراسیون په ګډون هېڅ رسمي ادارې دا خبره نه‌ده تایید کړې.