د «دیار سنايي» غره ختونکو ۱۳ کسیزه ډله د غزني ولایت د خوګیاڼو په واورو پوښل شویو غرونو ته په ختلو بریالۍ شوه. د یاد غره څوکو ته د دغه غره ختونکو مزل یوه ورځ دوام وکړ او دوی وتوانېدل، چې د ۳۱۰۰ مترو لوړو څوکو ته وخېژي.
د افغانستان د غرنیو سیمو او د هېواد په ګڼو ولایتونو کې د غره ختلو د مناسبو شرایطو شتهوالي ته په پام، په وروستیو کلونو کې د ورزشکارانو او مینهوالو لهخوا د غره ختلو له ورزش څخه په پراخه کچه هرکلی شوی دی. په دې برخه کې په ډېرو ولایتونو کې د غره ختلو لوبډلې جوړې شوې، چې منظم ورزشي فعالیتونه څاري.
په افغانستان کې مسلکي روزنه او د غره ختلو تجهیزاتو ته لاسرسی هم ښه شوی او په دې برخه کې لوبغاړي د پخوا پرتله په خوندي حالت کې دي، چې دا د غره ختلو ورزش په ودې او پراختیا کې مهم رول لوبوي.
