د امریکا عدلیې وزارت اعلان کړی، چې یو کس یې د داعش سره د همکارۍ په تور نیولی دی. د امریکا د بهرنیو چارو وزارت په یوه بیان کې ویلي، چې د ټېکساس ۲۱ کلن اوسېدونکی جان مایکل ګارزا د یوې بهرنۍ «ترهګرې» ډلې د ملاتړ یا مالي سرچینو برابرولو په تور نیول شوی دی.
د نوموړي د قضیې اورېدنه د ډسمبر ۳۰مه نېټه ښودل شوې ده.
د پاکستان دفاع وزیر خواجه محمد اصف ویلي، دوی خبرو اترو ته چمتو دي؛ خو د تحریک انصاف ګوند ورسره ناوړه چلند کوي. د هغه په وینا؛ سره له دې چې د پاکستان لومړي وزیر شهباز شریف درې، څلور ځلې د خبرو اترو بلنه ورکړې؛ خو د تحریک انصاف ګوند له خبرو اترو انکار کوي.
تر دې وړاندې د پاکستان لومړي وزیر شهباز شریف د تحریک انصاف ګوند ته د خبرو اترو بلنه ورکړې وه. نوموړي د کابینې غونډې ته په وینا کې ویلي و، چې تر دې وړاندې یې هم د تحریک انصاف ګوند ته د خبرو اترو بلنه ورکړې وه او اوس د هېواد د پرمختګ لپاره یو وار بیا د خبرو بلنه ورکوي.
هغه زیاته کړې وه:« ما تحریک انصاف ګوند ته تر دې وړاندې هم د مذاکراتو بلنه ورکړې وه او اوس یو ځل بیا د مذاکراتو بلنه ورکوم؛ خو دغه مذاکرات یوازې د مشروع غوښتنو پربنسټ کېدای شي.»
د هغه په وینا؛ د پاکستان د پرمختګ او سوکالۍ لپاره باید د سیاسي ګوندونو ترمنځ همغږي رامنځته شي او د پاکستان حکومت د دې لپاره هر ډول ګام پورته کولو ته چمتو دی. خو د تحریک انصاف ګوند له حکومت سره له خبرو اترو انکار وکړ.
د پاکستان حکومت او تحریک انصاف ګوند ترمنځ اړیکې هغه مهال ترینګلې شوې، چې د دغه ګوند مشر او پخوانی لومړی وزیر عمران خان د پولیسو لهخوا ونیول شو. یاد ګوند تر دې وړاندې له پاکستان حکومت سره څو ځلې خبرې اترې پیل کړې؛ خو دغه خبرې بېپایلې پای ته ورسېدې.
په ایران کې د ډالر پر وړاندې د تومان ارزښت د رالوېدو په تړاو د اعتراضونو په دویمه ورځ د دغه هېواد ولسمشر ویلي، چې کورنیو چارو وزیر ته یې سپارښتنه کړې چې د معترضینو له استازو سره خبرې وکړي. د ایران په بېلابېلو ښارونو کې له دوو ورځو راهیسې پراخ اعتراضونه دوام لري.
مسعود پزشکیان د دوشنبې په ورځ (د مرغومي ۷مه) په خپله اېکسپاڼه لیکلي: «کورنیو چارو وزیر ت مې ماموریت ورکړی چې د خبرو له لارې د معترضینو له استازو سره د هغوی برحقه مطالبات واوري، څو دولت په خپل ټول توان سره د ستونزو د حل او مسوولان چلند لپاره ګام واخلي».
پزشکیان زیاته کړې: «د خلکو د معیشت په اړ هره ورځ فکر کوم».
هغه همداراز څرګنده کړې: «د پولي او بانکي نظام د اصلاح او د خلکو د پېرلو قدرت د ساتنې لپاره اساسي اقدامات په خپلو کاري لومړیتوبونو کې لرو».
دغه اعتراض او کاري اعتصاب د یکشنبې په ورځ (د مرغومي ۶مه) په تهران کې د ډالر پر وړاندې د تومان د ارزښت له رالوېدو سره سم پیل شو او د دوشنبې په ورځ (د مرغومي ۸مه) پراخ او نورو ښارونو ته هم وغځېد.
د امریکا د بهرنیو چارو پخواني وزیر مایک پمپیو په ایران کې د اعتراضونو او اعتصابونو په دوام ویلی، د ایران ولس د داسې یوه دولت وړ دي چې «ګټې یې تامین کړي، نه د ملایانو او ملګرو یې». په ایران کې له دوو ورځو راهیسې د تومان ارزښت د رالوېدو په غبرګون کې اعتراضونه روان دي.
مایک پمپیو د دوشنبې په ورځ (د مرغومي ۷مه) په خپله اېکسپاڼه لیکلي: «دا د تعجب خبره نهده چې د ایران خلک د اقتصاد د پاشل کېدو په غبرګون کې سړکونو ته راوځي».
هغه زیاته کړې: «د ایران حکومت په سختدریځۍ او فساد سره هغه هېواد ویجاړ کړ، چې کولای یې شوای هوسا ژوند ولري».
په ایران کې د تومان پر وړاندې د ډالر ارزښت د لوړېدو او ناسم اقتصادي وضعیت له امله د دغه هېواد په بېلابېلو ښارونو کې له یکشنبې ورځې راهیسې پراخ اعتراضونه، لاریونونه او اعتصابونه روان دي. یوه میاشت مخکې په ایران کې د یو ډالر بیه ۱۱۴ زره تومان و، خو نن (دوشنبه د مرغومي ۷مه) د یو ډالر بیه ۱۴۴ زره تومان ته لوړه شوې ده.
په ایران کې د تومان پر وړاندې د ډالر بیې د لوړېدو او ناسم اقتصادي وضعیت له امله د دغه هېواد په بېلابېلو ښارونو کې له یکشنبې ورځې راهیسې پراخ اعتراضونه او لاریونونه روان دي. یوه میاشت مخکې ایران کې د یو ډالر بیه ۱۱۴ زره تومان و، خو نن یو ډالر بیه ۱۴۴ زره تومان ته لوړه شوې ده.
دغه راټولېدنې، اعتراضونه او لاریونونه د پلازمېنې تهران په ګډون په ګڼو ښارونو کې روان دي او پولیس هم د دغو اعتراضونو د راکابو کولو لپاره له اوښکې بهوونکو ګازو استفاده کوي.
برېتانوۍ فایننشیلټایمز ورځپاڼې په ایران کې د تازه اعتراضونو اصلي لامل د ډالر پر وړاندې د تومان د ارزښت رالوېدل په ګوته کړي او په وینا یې ایراني چارواکي د فشارونو د کمولو په موخه کم عاید لرونکو ته د کوپونونو د ورکړې او همداراز د ښځو پوښښ ته د نسبي ازادۍ ورکړې له لارې هڅې کوي عامه رضایت خپل کړي.
دغه اعتراض او کاري اعتصاب د یکشنبې په ورځ (د مرغومي ۶مه) په تهران کې د ډالر پر وړاندې د تومان د ارزښت له رالوېدو سره سم پیل شو او د دوشنبې په ورځ (د مرغومي ۸مه) پراخ او نورو ښارونو ته هم وغځېد.
د ایراني رسنیو د راپور لهمخې، دغه معترضین د بهرنیو اسعارو پر وړاندې د تومان د ارزښت د ثبات ساتنې او همداراز د خلکو د اقتصاد د رغونې غوښتونکي دي.
د یو شمېر لوېدیځو هېوادونو مشرانو د ایران له دغو تازه اعتراضونو ملاتړ څرګند کړی دی.
د ملګرو ملتونو سرمنشي انتونیو ګوترېش د ۲۰۲۶ کال په تړاو په خپل پیغام کې په نړۍ کې د جګړې پر ځای پر سولې ټينګار کړی او ویلي یې دي، چې په دې کال کې سوله باید واکمنه شي.
انتونیو ګوترېش په دې پیغام کې چې د دوشنبې په ورځ (د مرغومي ۸مه) خپره شوې په ډاګه کړې، نړۍ د یوه تاریخي څلور لارې پر سر ولاړه ده؛ وېش، تاوتریخوالی، د اقلیم بدلون او له نړۍوالو قوانینو سیستماتیکې سرغړونې.
ګوترېش په دې پیغام کې تېر کال (۲۰۲۵) یو «ګډوډ» کال بللی او زیاته کړې یې ده، چې په دې کال کې په ټوله نړۍ کې د نظامي لګښتونو کچه ۲ اعشاریه ۷ ټریلیونه ډالرو ته لوړه شوه چې د وړم کال پر تله د لس سلنې زیاتوالي ښکارندويي کوي.
نوموړي ویلي: «دا اندازه له ټولو پرمختیایي مرستو څخه ۱۳برابره زیاته ده او د ټولې افریقا له ناخالص کورني تولید (GDP) سره برابره ده».
هغه سپارښتنه کړې، چې نړۍال باید په دې نوي کال کې خپل لومړیتوبونه سم او مشخص کړي او څرګنده کړې یې ده: «یوه خوندي نړۍ هغه وخت رامنځته کېږي چې موږ د جګړو پر ځای د بېوزلۍ پر ضد مبارزې ته زیاتې پیسې ځانګړې کړو.سوله باید واکمنه شي».
د ملګرو ملتونو د سرمنشي په وینا، نړۍ کې لا هم داسې سرچینې شته چې د انسانانو ژوند ښه کړي، «سیاره بیا ورغوي» او سولهییزه راتلونکې تضمین کړي.
انتونیو ګوترېش په دې نوي کال کې د نړۍ له ټولو مشرانو غوښتي: «جدي شئ.خلک او سیاره له کړاو او درد نه مهم وګڼئ او زه له هر هغه چا چې دا پیغام اوري غواړم:خپل رول ادا کړي».
ګوترېش د خپل پیغام په پای کې ویلي: «په دې نوي کال کې راځئ د عدالت، انسانیت او د سولې لپاره یوځای پورته شو».
