د پاکستان د انفلاسیون کچه ۵،۶ سلنې ته راټېټه شوې
د وروستیو معلوماتو لهمخې، د پاکستان د انفلاسیون کچه په ډسمبر میاشت کې ۵،۶ سلنې ته راټیټه شوې، د انفلاسیون یاده کچه په نوامبر میاشت کې ۶،۱ سلنه وه.
د وروستیو معلوماتو لهمخې، د پاکستان د انفلاسیون کچه په ډسمبر میاشت کې ۵،۶ سلنې ته راټیټه شوې، د انفلاسیون یاده کچه په نوامبر میاشت کې ۶،۱ سلنه وه.
د پاکستان اقتصاد په ۲۰۲۳ کال کې د ۳۰ سلنې پړسوب په پام کې نیولو سره ښه فعالیت ښودلی دی.
د پاکستان د احصايي ادارې ویلي، چې په ډسمیر میاشت کې د خوړو بیې په ځانګړي ډول مېوو او سبزیو بیې راټیټې شوې، چې له امله یې د انفلاسیون پر کچې هم اغېز کړی دی.
د راپور لهمخې، په ډسمبر میاشت کې د خوراکي توکو بیې په منځني ډول ۱،۷ سلنه راټیټې شوې او دا تمایل په ښاري او کلیوالي دواړو سیمو کې لېدل شوي دي.
دا ارقام وروسته له هغه خپرېږي، چې د پاکستان مرکزي بانک تېره میاشت په ناڅاپي ډول د بنسټیزې سود کچه ۵۰ واحده راټیټه کړه او ۱۰،۵ سلنې ته یې راورسوله. یاده پرېکړه د بازار د تمې خلاف وه، ځکه د هغه ټولو شنونکو وړاندوینې یې برعکس کړې، چې له رویټرز سره یې په خبرو کې ویلي وو، چې مرکزي بانک به سود کچه راکمه نه کړي.
د پاکستان د مالیې وزارت مخکې ویلي وو، چې تمه لري چې د ډسمبر د میاشتې د انفلاسیون کچه به د ۵،۵ تر ۶،۵ سلنې په شاوخوا کې وي.
په ورته مهال د پیسو نړۍوال صندوق خبرداری ورکړی، چې د سود او کچې ژر او بېوخته راکمول کېدای شي د پاکستان د ۷ میلیارده ډالرو د پور پروګرام د موخو لپاره خطرونه پیدا کړي.
