په غزه کې د حماس نیمایي تونلونه د اسراییل تر کنټرول لاندې سیمه کې ویجاړ شوي دي
اسراییلي رسنیو راپور ورکړی چې د امنیتي ادارو د اټکلونو لهمخې، تر اوسه د غزې په تړانګه کې د «ژېړې کرښې» په اسراییلي برخه کې د حماس نیمایي تونلونه ویجاړ شوي دي.
اسراییلي رسنیو راپور ورکړی چې د امنیتي ادارو د اټکلونو لهمخې، تر اوسه د غزې په تړانګه کې د «ژېړې کرښې» په اسراییلي برخه کې د حماس نیمایي تونلونه ویجاړ شوي دي.
د والانیوز خبري وېبپاڼې د پنجشنبې په ورځ (د مرغومي ۱۱مه) راپور ورکړ، چې د اسراییل دفاع وزیر یسراییل کاټز په یوه غېرعلني غونډه کې پوځ ته لارښوونه کړې، چې د «ژېړې کرښې» په سیمه کې د دغو تونلونو د موندلو او ویجاړولو عملیاتو کچه او چټکتیا زیاته کړي.د کاټز په وینا، د دغو عملیاتو موخه دا ده چې ټول تونلونه د درنو ماشینونو او انجینري ټیمونو د پراخ کارولو له لارې لهمنځه یووړل شي، هغه ټیمونه چې په پرلهپسې او شپهورځ فعالیت کوي.د دغه راپور لهمخې، په دې بهیر کې د تونلونو د له کاره غورځولو لپاره نوې طریقې کارول کېږي؛ چې پهکې د بېلابېلو لارو د چاودېدونکو توکو کارونه او همداراز د داسې موادو تزریق شامل دي چې د تونلونو د بیا کارونې مخه نیسي.سربېره پر دې، د استخباراتي معلوماتو پراخ اقدامات د پلټنو او میداني تلاشیو تر څنګ روان دي، تر څو د تونلونو خولې وپېژندل شي او له هغوی بشپړه نقشهبرداري ترسره شي.
