په سوډان کې د ډرون برید له امله د ماشومانو په ګډون لږترلږه ۱۳ کسان وژل شوي دي. دغه برید د سوډان د «العبید» ښار په یوې استوګنیزې ودانۍ شوی دی. راپورونه ښیي، چې په وژل شویو کسانو کې اته ماشومان هم شامل دي او ډېری قربانیان د یوې کورنۍ غړي دي.
دغه برید د چټک ملاتړ ځواکونو (RSF) له لوري د پوځ تر کنټرول لاندې سیمه کې شوی دی. تر اوسه کومې ډلې د یاد برید مسوولیت نهدی منلی؛ خو په سوډان کې د پوځ او چټک ملاتړ ځواکونو (RSF) ترمنځ له تېرو څو کلونو راهیسې تاوتریخوالی روان دی، چې په ترڅ کې یې زرګونه کسان وژل شوي او مېلیونونه نور بېځایه شوي دي.
په سوډان کې روانې درې کلنې جګړې شاوخوا ۱۴ مېلیونه خلک بېځایه کړي او او ۲۱ مېلیونه یې له سختې لوږې سره مخ کړي دي. د راپورونو له مخې؛ د جګړې د دوام له امله مرستو ته د اړمنو خلکو لاسرسی خورا محدود شوی دی.
