هبت الله اخوندزاده د طالبانو دوه وزیران او څو معینان په نویو دندو وګومارل

په خبرپاڼه کې راغلي، چې یاد ښارګوټي کې به هرې کورنۍ ته د کور جوړولو لپاره پنځه پنځه بسوې ځمکه ورکړل شي او همدا راز به د سرپناوو جوړولو په برخه کې ورسره مرستندویه ادارې هم همکاري وکړي. خبرپاڼه زیاتوي، دغه ښارګوټی ټول ټال ۳زره جریبه ځمکه لري چې ۵زره کورنۍ به ‌په‌کې له استوګنې برخمنې شي.

په ننګرهار کې طالبان وایي، د خانکي ښارګوټي لپاره پراختیایي پلانونه هم شته چې په‌کې د عمومي او فرعي سړکونو جوړېدنه، پارکونه، ښوونځي، جوماتونه، دارالعلوم، دیني مدرسه، کلینیک، د اوبو رسولو شبکې او مخابراتي سایټونه هم شامل دي.

د ملګرو ملتونو په ګډون یو شمېر نړۍوالو سازمانونو اندېښنه څرګنده کړې، چې افغانستان ته د بېرته ستنېدونکو لړۍ له بشري ناورین سره هم‌مهاله پیل شوې او په کور دننه دغه ستنېدونکي د سرپناوو له جدي ستونزو سره هم مخ کېږي. راپورونه وایي، له پاکستان او ایران نه یو شمېر ستنې شوې کورنۍ د هېواد په بېلابېلو ولایتونو کې د ژمي به دې سوړ موسم کې له سرپناوو پرته خورا سخت ژوند تېروي.

د یادې پروژې ټولیز ارزښت ۲,۶۷ مېلیارده افغانۍ ښودل شوی، چې موخه یې د کابل ښار د برېښنا ستونزې کمول او د برېښنا رسولو سیستم پیاوړتیا ښودل شوې ده. د یاد شرکت اجرایوي مشر عبدالباري عمر د یادو پروژو په پرانیستې مراسمو کې ویلي، چې د دغه پروژو په بشپړېدو سره به د کابل د شنو صنایعو پارک د صنعت کارانو ستونزې حل شي.

هغه ویلي، د دغه پروژو له لارې به له ۵۰۰ څخه زیاتو کسانو ته د کار زمینه برابره شي او همدارنګه به سلګونه نورو کسانو ته په نامستقیم ډول کاري فرصتونه برابر شي.

د هغه په وینا؛ دغه پروژه به د کابل ولایت د برېښنا د تولید او لېږد په برخه کې مهم رول ولوبوي او د خلکو پر ورځني ژوند به مثبت اغېز ولري. د یادونې ده، چې څو ورځې وړاندې طالبانو د نغلو ۲۲.۷۵مطګاواټه لمریزې برېښنا د تولید دستګاه هم ګټې اخیستنې ته وسپارله.
ورته مهال د کابل ښار اوسېدونکي د بريښنا له پراخې پرچاوۍ سخت اندېښمن دي او وايي، چې په ځينو سیمو کې ان په ۲۴ساعتونو کې په پرله‌پسې توګه څو ساعته د برېښنا له پرچاوۍ سره مخ دي.

د یادې محکمې په خبرپاڼه کې راغلي، چې په میدان وردګ ولایت کې د طالبانو ابتدایه محکمې له دې ډلې «يو مجرم ته د يو کال، دويم مجرم ته څلور میاشتې او درېيم مجرم ته د ۱۲ کلن تنفيذي بند او له ۳۰ تر ۳۹ دُرو سزا ورکړې ده».

د طالبانو سترې محکمې د خپرو شویو شمېرو له‌مخې؛ دغه ډلې د خپلې واکمنۍ له پیل راهیسې ۱۸۴۸ کسانو ته په عام محضر کې سزاوې ورکړې دي. په دغه کسانو کې ۲۵۰ مېرمنې هم شاملې دي.

یادې ډلې په ۲۰۲۵کال کې بیا لږ تر لږه ۱۰۳۰ کسان د بېلابېلو تورونو په تور په عام محضر کې په دُرو وهلي دي. د افغانستان انټرنشنل - پښتو د څېړنو له‌مخې؛ په ۲۰۲۵کال کې په افغانستان کې بدني سزاوې د تېر کال پرتله دوه برابره زیاتې شوې وې.

نیوز ۱۸ټلوېزیوني شبکې د لوړپوړو امنيتي او ډېپلوماټيکو سرچينو په حواله راپور کې لیکلي، انقرې هغه مهال دغه پرېکړه وکړه چې طالبانو د پاکستان بنسټیزې امنيتي غوښتنې ونه منلې. د دغو لوریو ترمنځ د ترکیې، قطر او سعودي عربستان په منځګړتوب څو پړاوه خبرې اترې وشوې؛ خو بې له کومې څرګندې پايلې پای ته ورسېدې.

پر کابل واکمنو طالبانو د اسلام‌اباد له لوري وړاندې شوي شرطونه «نامشروع» وبلل او په ټينګه يې رد کړل او ټينګار يې وکړ، چې دغه ډول غوښتنې د يوې پراخې سولې د هوکړې بنسټ نه‌شي کېدای. په همدې لړ کې ترکي چارواکو په رسمي ډول اسلام‌اباد ته خبر ورکړی، چې طالبان د پاکستان محوري امنيتي غوښتنو منلو ته لېوالتيا نه‌لري او همدا موضوع بالاخره د انقرې د منځګړيتوب د هڅو د درولو لامل شوه.

د اوسني بن‌بست اصلي محور د هغو غوښتنو ټولګه ده، چې پاکستان یې له افغان طالبانو څخه لري؛ په دغه غوښتنو کې د تحريک طالبان پاکستان (TTP) د سخت‌دريځو غړو اسلام‌اباد ته سپارل، د ډيورنډ کرښې په اوږدو کې د پنځه کيلومتره حايل سيمې جوړول، د افغانستان پر ترانزيټي سوداګرۍ او د توکو پر لېږد رالېږد سخت کنټرول، پر کابل د اسلام‌اباد د امنيتي برلاسۍ په رسميت پېژندل او له پاکستان نه د افغان کډوالو بېړنۍ ستنېدنه شامله ده.

افغان طالبانو دغه ټولې غوښتنې په کلکه رد کړې او وايي، چې دغه ډول شرطونه د افغانستان ملي حاکميت او خپلواکۍ ته زيان رسوي. د ترکيې له لوري له منځګړيتوبه په شا کېدنه د دواړو ګاونډيو هېوادونو ترمنځ د کړکېچ د ژورتيا او پېچلتيا څرګنده نښه بلل کېږي؛ هغه کړکېچ سره له دې چې د حل لپاره یې بېلابېلې سيمه‌ييزې او څو اړخيزې هڅې شوې دي، خو لا هم بې له روښانه حل لارې یې پایله نه‌ده ورکړې او د تاوتريخوالي د کمېدو هيلې يې لا پسې تتې کړې دي.

د مېلک-زرنج سرحدي لاره د ایران د سیستان او بلوچستان او د افغانستان د نیمروز ولایت ترمنځ موقعیت لري. د مېلک پوله افغانستان ته د ايران د تېلو او نورو توکو د صادراتو يو له اصلي لارو څخه ده.

د طالبانو د صنعت او سوداګرۍ وزیر نورالدین عزیزي په لړم میاشت کې د ایراني پلاوي سره د مېلک پولې ته لاړ. له هغې وروسته ایراني چارواکو له طالبانو سره د مېلک په پوله کې د دویمې ځمکنۍ لارې د جوړولو لپاره د یوې هوکړې خبر ورکړ.

نورالدین عزیزي د دغه نوې لارې جوړول د طالبانو د ادارې او ایران په ګټه اقدام وباله، چې د هغه په ​​وینا له دې سره به د سوداګرۍ حجم زیات شي.