د امریکا د ولسمشر مرستیال: د ایران د سوله‌ییزو لاریونونو ملاتړ کوو

د براتي‌زاده په وینا، تېره شپه علي‌اکبر حسین‌زاده، چې د اسفراین د څارنوال په توګه یې د عامه مدعي دنده پر غاړه لرله، د میداني څارنې او وضعیت د نږدې څېړلو لپاره له پولیسو او امنیتي ځواکونو سره په ښار کې ګرځیده.

نوموړي ویلي، د اعتراضونو پر مهال هغه کانکس چې یاد ځواکونه پکې ځای پر ځای وو، د «لاریونوالو» له لوري اور ته اچول شوی دی. د راپور له مخې، په دې پېښه کې د اسفراین څارنوال او څو تنه امنیتي ځواکونه وژل شوي دي.

تر اوسه د وژل شویو امنیتي کسانو دقیق شمېر او د پېښې نور جزییات په رسمي ډول نه دي خپاره شوي.

د مقاومت جبهې نن جمعه، د مرغومي پر ۱۹ پر اېکس خواله رسنۍ لیکلي، چې دا عملیات د چهارشنبې ماښام په ۶:۵۰ بجو د کندز ښار د طالبانو د لومړۍ امنیتي حوزې په سیمه کې د حاجي ناظم د استوګنې ځای مخې ته د چوک سره نږدې ترسره شول، چې په کې د طالبانو دوه پوځي موټرونه هم ویجاړ شوي.

د ملي مقاومت جبهې په اعلامیه کې راغلي، چې دا ډله د هیواد په بیلابیلو برخو کې هدفمند بریدونه ترسره کوي ترڅو خلک او هیواد د طالبانو له ناروا واکمنۍ څخه ازاد کړي.

ددې برید په اړه طالبانو کوم غبرګون نه دی ښودلی.

د راپورونو او د ملګرو ملتونو د څارنو له مخې، مقاومت جبهه لا هم فعال حضور لري او پر طالبانو دوامداره بریدونه کوي.

دغه سیاسي خوخښت د جمعې په ورځ، په یوه اعلامیه کې د چاه‌اب ولسوالۍ د اوسېدونکو او د طالبانو له قراردادي شرکتونو ترمنځ د نښتو په اړه غبرګون ښودلی دی. په اعلامیه کې ویل شوي، چې د قانوني نظام د نشتون په شرایطو کې د کانونو خپل‌سري او غیرمسوولانه استخراج، بحران او بې‌ثباتي لا ژوره کړې ده.

یاد سیاسي خوځښت وایي، د دې وضعیت دوام له یوې خوا د افغانستان د طبیعي سرچینو او عامه شتمنیو د چور او تالان لامل شوی او له بلې خوا یې د وسلوالو ډلو ترمنځ سیالي زیاته کړې ده.

په اعلامیه کې راغلي، د کانونو او طبیعي سرچینو «نامنظم او غاصبانه» استخراج د سیمې په کچه تاوتریخوالی زیات کړی، باج‌اخیستنې او مرموزو وژنو، د جګړې اقتصاد پیاوړی کړی او همداراز یې چاپېریال او کرنیز فعالیتونه له جدي زیان سره مخ کړي دي.

دوی ټینګار کوي، چې د افغانستان طبیعي سرچینې د اوسنیو او راتلونکو نسلونو ګډ ملکیت دی او د طالبانو تر ملاتړ لاندې د مافیایي کړیو له لوري د دغو سرچینو «لوټل» یو تاریخي جرم او خیانت بلل کېږي.

په همدې حال کې، د تخار ولایت د چاه‌اب ولسوالۍ اوسېدونکو په وروستیو ورځو کې د طالبانو پورې تړلو شرکتونو له خوا د سرو زرو د کان د استخراج پر ضد پراخ اعتراضونه کړي دي. طالبانو دغه اعتراضونه په زور وځپل، چې د معترضانو او طالبانو ترمنځ د نښتو پر مهال یو شمېر ملکي وګړي وژل شوي او ټپیان شوي دي.

د طالبانو د کورنیو چارو وزارت ویاند پرون ویلي، چې په یادو نښتو کې څلور کسان وژل شوي او پنځه نور ټپیان دي.

د طالبانو د کډوالو او راستنېدونکو چارو وزارت نن جعمه، د مرغومي پر ۱۹مه پر اېکس خواله رسنۍ لیکلی، چې د یا وزارت وزیر مولوي عبدالکبیر خوست ولایت ته د سفر په ترڅ کې د جهادي مدرسې د دستار بندۍ په غونډه کې ګډون او وینا وکړه.

عبدالکبیر وویل، چې ددې ډ‌لې له بریا سره سم په هېواد کې د اقتصاد او سیاست تر څنګ په علمي ډکر کې ګڼ پرمختګونه شوي دي.
نوموړي له سیمې او نړۍ سره د طالبانو اړیکې ګټورې او مهمې وبللې او په وینا یې افغانستان له ګڼو هېوادونو سره مثبتې اقتصادي او سیاسي اړیکې لري.

د طالبانو د کډوالو وزیر د کوم هېواد نوم اخیستو پرته له افغان کډوالو سره پر ناسم چلند نیوکه وکړه او پر کوربه هېوادونو یې غږ وکړ چې له کډوالو سره نرم چلند وکړي.

نوموړي ډاډ ورکړی، چې په ټولو ولایتونو کې زرګونو اړمنو راستنو شوو کورنیو ته د نقدي او خوراکي توکو د مرستو پلان جوړ کړی او ژر به پلي شي
په دې وروستیو کې هندي رسنیو راپور ورکړی، چې ترکيې د طالبانو او پاکستان ترمنځ د ډېپلوماټيکو هڅو تر ناکامۍ او د بنسټيزو اختلافاتو د لا ژورېدو وروسته په رسمي ډول د اسلام‌اباد او کابل ترمنځ له خپل منځګړيتوب څخه لاس واخيست.

علي خامنه‌ یي نن د جمعې په ورځ په خپلو څرګندونو کې وویل، هغه کسان چې د ده په وینا «د پردیو لپاره کار کوي»، د ایران ملت او اسلامي نظام له لوري رد شوي دي.

نوموړي پرته له دې چې د کوم مشخص هېواد نوم واخلي، ادعا وکړه چې ځینې اعتراضونه د بهرنیو لاسوهنو پایله ده.

د ایران مذهبي مشر دا څرګندونې په داسې حال کې کوي چې په وروستیو اونیو کې د ایران په ګڼو ښارونو کې ولسي اعتراضونه شوي، چې پکې زرګونه کسان د اقتصادي ستونزو، سیاسي محدودیتونو او ټولنیزو حقونو په اړه خپلې نیوکې څرګندوي.

چارواکي وایي، امنیتي ځواکونه به د عامه نظم د ټینګښت لپاره خپلې دندې ته دوام ورکړي، خو د بشري حقونو فعالان او د ایران حکومت منتقدان د اعتراض کوونکو پر وړاندې د زور کارولو په اړه اندېښنه ښيي.