د اسلاماباد یوې محکمې د سهیل اپریدي د نیولو امر صادر کړی دی
د اسلاماباد یوې محکمې پر دولتي ادارو د بېبنسټه تورونو لګولو په قضیه کې د خېبرپښتونخوا د اعلی وزیر سهیل اپریدي د نه حاضرېدو له امله د هغه د نیولو امر صادر کړی دی.
د پاکستان جيونیوز راپور ورکړی، چې د اسلاماباد ولسوالۍ محکمې نن د چهارشنبې په ورځ امر کړی، چې د خېبرپښتونخوا اعلی وزیر سهیل اپرېدي دې ونیول شي او محکمې ته وړاندې کړل شي.
د پلټنو فدرالي ادارې د سایبري جرمونو د مخنیوي قانون لهمخې پر سهیل اپرېدي د دولتي ادارو پر ضد د بېبنسټه تورونو د لګولو قضیه ثبت کړې وه، خو نوموړی نن یادې محکمې ته حاضر نهشو.
محکمې امر کړی دی، چې سهیل اپریدي دې ونیول شي او د فبروري پر ۱۰مه دې محکمې ته حاضر کړای شي.
د خېبرپښتونخوا اعلی وزیر سهیل اپریدي او د هغه رسنیز دفتر د هغه د نیولو د امر صادرولو په تړاو تر اوسه څه نه دي ویلي.
