عبدالرشید دوستم: د خامنه‌ یي مرستې او ملاتړ به «د افغانانو په حافظه» کې پاتې وي

په خپره شوې اعلامیه کې ویل شوي، چې د بیان او رسنیو ازادي د بشري حقونو له بنسټیزو اصولو څخه ده او د هرې ټولنې اساسي ستنه بلل کېږي.

د دغه سازمان په وینا، د رسنیو د فعالیتونو محدودول او د هغوی د نشراتو مخنیوی د ملي او نړیوالو منل شویو معیارونو خلاف عمل دی او د بیان ازادۍ ښکاره سرغړونه ګڼل کېږي.

اعلامیه زیاتوي چې رسنۍ د عامه پوهاوي، شفافیت او ځواب‌ویلو په پیاوړتیا کې مهم رول لري او پر هغوی هر ډول فشار یا جبري بندول د خلکو د معلوماتو د لاسرسي حق زیانمنوي.

یاد سازمان له طالب واکمنانو غوښتي چې د بیان ازادۍ او د معلوماتو د لاسرسي حق ته په درناوي سره پر خپلې پرېکړې له سره غور وکړي او د راه فردا ټلوېزیون د فعالیت د بیا پیل زمینه برابره کړي.

همداراز، له ملي او نړیوالو بنسټونو غوښتنه شوې چې په افغانستان کې د رسنیو د ازادۍ د ملاتړ لپاره جدي اقدامات وکړي. سازمان یو ځل بیا ټینګار کړی چې د بیان ازادۍ او د رسنیو د خپلواکۍ دفاع ته ژمن دی.

د یادولو وړ ده، چې تېره ورځ سرچینو افغانستان انټرنشنل ـ پښتو ته وویل، چې طالبانو په کابل کې د وحدت ګوند د مشر محمد محقق اړوند «راه فردا» ټلوېزیون پر خپرونو بندیز ولګاوه. طالبانو ویلي، چې محقق د طالبانو او پاکستان ترمنځ د شخړې په تړاو د طالبانو ضد څرګندونې کړې دي.

د احمدي نژاد د دوو ساتونکو مړینه هم تایید شوې ده.

د ایران چارواکو تر اوسه په رسمي ډول د احمدي نژاد د وژل کېدو اعلان نه دی کړی.

هغه له ۲۰۰۵ څخه تر ۲۰۱۳ پورې د ایران د ولسمشر په توګه دوه دورې پاتې شوی دی.

د ولسمشر کیدو دمخه، احمدي نژاد د تهران ښاروال و.

د پاکستان د اطلاعاتو وزیر عطاالله تارړ نن د یکشنبې په ورځ د کپ پر ۱۰مه اعلان وکړ، چې هیواد یې په افغانستان کې په ۴۶ هدفونو بریدونه کړي دي.

هغه وویل چې د طالبانو ۱۸۲ پوستې ویجاړې شوې او ۳۱ نیول شوي دي.

دغه پاکستاني چارواکي ویلي، چې د طالبانو ۱۸۵ ټانکونه، پوځي موټر او تجهیزات هم ویجاړ شوي دي.

خو د طالبانو دفاع وزارت ویلي چې د پاکستان پر وړاندې په ځوابیه بریدونو کې یې شاوخوا ۲۰۰ پاکستاني نظامیان وژلي، ګڼې پوستې یې نیولې او له منځه وړې دي او په مختلفو سیمو کې یې ډرون بریدونه کړي دي.

د طالبانو د سرحدي پوليسو وياندعابدالله فاروقي د یکشنبې په ورځ وویل، چې د شنبې په شپه یې ځواکونو په غچ اخېستونکو عملياتو کې په تورخم کې پر ډیورنډ کرښه د پاکستان پر يوې امنيتي پوستې بريد کړی او لږ ترلږه لس پوځیان یې وژلي دي.

نوموړی ویلي، چې په برید کې د پاکستان کميساري، د اېف‌سي ځواکونو قومانداني، امنيتي پوستې او ټانکونه هم ويجاړ شوي دي.

پاکستاني اړخ په خپله اعلامیه کې ویلي، چې په مختلفو ولایتونو کې یې د طالبانو د قول اردوګانو اړوند کنډکونه، تجهیزات او موټر په نښه کړي دي.

د طالبانو بهرنیو چارو وزارت څخه په خپره شوې اعلامیه کې راغلي چې وروستیو سیاسي او امنیتي بدلونونو په بې‌ساري ډول «پارونې رامنځته» کړې چې د اوږدمهاله منفي اغېزو لامل به شي او ټوله سیمه به ترې اغېزمنه شي.

دوی زیاته کړې چې پر ایران پیل شوي بریدونه او ورپسې د خلیجي هېوادونو په نښه کېدلو، وضعیت لا پېچلی کړی دی.

طالبانو ټینګار کړی چې د هېوادونو د ملي حاکمیت، ځمکنۍ بشپړتیا او ملي حریم نقض او د بې‌ګناه ملکي وګړو وژل د غندلو وړ دي.

طالبانو له ټولو ښکېلو اړخونو غوښتي چې د یو بل ملي حاکمیت ته درناوی وکړي، سملاسي پوځي اقدامات ودروي او ستونزې له ډیپلوماټیکو لارو حل کړي، څو د کړکېچ د لا پراختیا مخه ونیول شي.

حمد الله فطرت زیاته کړه چې پاکستاني بې پیلوټه الوتکو د ننګرهار په غني خیلو ولسوالۍ کې د ملکي خلکو کورونه په نښه کړل چې څلور کورونه یې ویجاړ کړل.

د طالبانو مرستیال ویاند یکشنبې په ورځ د کب پر ۱۰مه اېکس کې لیکلي چې دوهم برید د پکتیا په ډنډ پټان کې وشو او یو راکټي برید و.

د هغه په ​​وینا، د دې برید قربانیان هم ملکي وګړي وو.

د طالبانو تر کنټرول لاندې ملي تلویزیون د شنبې په شپه راپور ورکړ، چې د پاکستان په بریدونو کې د ښځو او ماشومانو په ګډون ۵۲ ملکي وګړي وژل شوي او ۶۶ کسان هم ټپیان شوي دي.

یوناما او نورو ادارو تر اوسه د ملکي وګړو د مرګ ژوبلې په اړه رپوټ نه دی ورکړی.