د پکتیکا د برمل ولسوالۍ یو اوسېدونکی:د پاکستان په ډرون برید کې مې د کورنۍ ۱۴ غړي وژل شوي

د متحده عربي اماراتو د دفاع وزارت په خپل بیان کې وویل، چې د امریکا او اسراییل له‌خوا د ایران پروړاندې د برید له پیل راهیسې ۱۷۴ بالسټیک توغندي د دې هېواد پر لور توغول شوي چې له دې ډلې ۱۶۱ توغندي له منځه تللي او ۱۳ نور توغندي په سمندر کې غورځېدلي دي.

ایران مخکې امریکا ته خبرداری ورکړی و، چې که پرې برید وشي نو جګړه به سیمه‌ییز ابعاد پیدا کړي. ایران نه یوازې د فارس خلیج په هېوادونو کې د امریکا پر پوځي مرکزونو بریدونه کړي، بلکې د دې هېوادونو اقتصادي او تېل جوړونکو تاسیساتو باندې یې هم بریدونه کړي.

د قطر او متحده عربي اماراتو د نن ورځې بیان څرګندوي، چې دغه هېوادونه د ایران د توغندیو او جنګي الوتکو د پېژندلو او ویشتلو په جګړه کې ښکېل دي.

پزشکیان د ناروغانو او ماشومانو په نښه کېدو ته په اشارې سره زياته کړه، چې دا ډول کړنې د ټولو انساني ارزښتونو څرګنده ماتونه ده او نړۍواله ټولنه بايد دا ډول کړنې په ښکاره توګه وغندي.

هغه له زيانمنو شويو ایرانیانو سره خواخوږي څرګنده کړې او ویلي یې دي، چې د ټپيانو او زيانمنو شويو تر څنګ ولاړ دی. نوموړي زیاته کړې، چې د ایران حکومت به د دغسې «جنايتونو پر وړاندې چوپ پاتې نه‌شي او نه به هم ورته سر ټيټ کړي».

دغه څرګندونې په داسې حال کې کېږي، چې د ایران پر ملکي بنسټونو او عامه تاسيساتو بريدونه د هېواد دننه او بهر له پراخو غبرګونونو سره مخ شوي دي.

راجنات سېنګ د پاکستان پر ضد د «سندور» په نوم تېرو عملیاتو ته په اشارې ویلي: «دا ځل به [پاکستان ته] داسې ځواب ورکړو چې نړۍ به یې ننداره وکړي». هغه په خپله وینا کې همداراز په ډاګه ویلي: «دا ځل به هېڅ ډول بښنه ونه‌شي».

هند د روان کال د غويي میاشتې په ۱۷مه د هند تر کنټرول لاندې د کشمیر په پهلګام کې له یوه برید چې په‌کې ۲۶ سیلانیان ووژل شول د پاکستان پر ضد د «سندور» په نوم عملیات پیل کړل او یاده جګړه بیا د امریکا په مداخلې سره پای ته ورسېده.

پاکستان بیا تر اوسه د نوموړي د دغو څرګندونو په اړه غبرګون نه دی ښودلی.

هغه زياته کړه: «هغوی داسې توغندي لرل چې کولای يې شول اروپا په نښه کړي او غوښتل يې داسې توغندي هم جوړ کړي، چې زموږ ښکلې امريکا ته هم ورسېږي».

ټرمپ د ایران په اړه زياته کړه: «د هغوی موخه دا وه چې خپل اټومي پروګرام مخته يوسي. نورو هېوادونو زموږ ملاتړ کاوه، خو د څرګندولو جرات يې نه‌درلود. زه ډېر خوښ يم، چې هغه اټومي هوکړه مو له‌منځه يووړه چې بارک اوباما کړې وه. ما پرېنښودل چې هغوی اټومي وسلې ته لاسرسی ومومي».

هغه همداراز د خپلې ولسمشرۍ د لومړۍ دورې پر مهال د قاسم سلیمانی د وژلو يادونه وکړه او ټينګار يې وکړ: «دې رژيم ۴۷ کاله پر امريکايانو بريدونه کړي دي؛ له سړک غاړې بمونو نيولې چې جنرال سليماني برابرول او ما په خپله لومړۍ دوره کې هغه له منځه يووړ. دا زموږ لپاره وروستی ښه فرصت و چې بريد وکړو. دا يو بد او ناروغ رژيم دی او بايد له‌منځه لاړ شي».

د امريکا د ولسمشر په وينا، د ایران اسلامي جمهوريت د نویو توغنديو د جوړولو وړتيا له‌منځه ځي. هغه وويل: «تر دې دمه مو د هغوی ۱۰ بېړۍ هم ډوبې کړې دي او هغوی به هېڅکله اټومي وسله ونه‌لري».

هغه د دوشنبې په ورځ وویل چې اوکراین کولی شي د ایران د اسلامي جمهوریت د ډرونونو پر ضد د مبارزې په برخه کې خپلې تخنیکي وړتیاوې او تجربې له نورو هېوادونو سره شریکې کړي.

سیبیها زیاته کړه چې اوکراین په تېرو کلونو کې د روسیې له لوري د کارېدونکو ایراني جوړو شوو ډرونونو پر ضد عملي تجربه ترلاسه کړې او اوس کولای شي دا تجربه د سیمه‌ییز امنیت د پیاوړتیا لپاره وکاروي.

کارپوهان باور لري چې که دا وړاندیز عملي شي، نو کېدای شي د منځني ختیځ په امنیتي معادلو کې نوی بدلون راولي.