د امریکا د حکومت خبرداری: د ایران اسلامي جمهوریت ښايي خپلې پټې ترهګرې ډلې فعالې کړي

د امریکا د بهرنیو چارو وزیر مارکو روبيو وویل: «امریکا همدا اوس هم پر همداسې عملیاتو بوخته ده. امریکا په نړۍ کې د ترهګرۍ او برمته نیونې تر ټولو لوی ملاتړی په نښه کړی دی».

هغه پر ایران په بریدونو کې د ۷ وژل شویو امریکايي سرتېرو کورنیو ته له تسلیت ویلو سربېره زیاته کړه: «موخه مو دا ده، چې د ایران رژیم وړتیاوې له‌منځه یوسو. موږ به د هغوی د توغندیو د توغولو وړتیاوې، کارخونې او سمندري ځواکونه له‌منځه یوسو».

مارکو روبیو ایران سیمې او نړۍ ته یو ګواښ وباله او په وینا یې، دغه هېواد ټوله نړۍ برمته کړې او پر خپلو ګاونډیانو هم بریدونه کوي او زیاتوي: «ایران یو ترهګریز رژیم دی او چارې یې ترهګریزې دي. زموږ موخه دا ده، چې د هغوی وړتیاوې له‌منځه یوسو».

هغه خبرداری ورکړ، چې امریکا به د برمته نیونې پالیسۍ ونه‌زغمي او په باور یې په ایران کې د امریکا د ماموریت په پای ته رسېدو به نړۍ خوندي وي.

هغه زیاته کړه: «په تېرو ورځو کې په قبرس کې د فرانسوي ځواکونو ځای پر ځای کول، د توغندیو او بې‌پیلوټه الوتکو له بریدونو وروسته د فرانسې د بشپړ پیوستون او ملاتړ ښکارندويي کوي.

مکرون دا څرګندونې په داسې حال کې وکړې، چې تر دې مخکې داسې راپورونه خپاره شوي وو چې د جګړې له پیل وروسته د ایران اسلامي جمهوریت له لوري د فارس خلیج د سیمې له هېوادونو سربېره، قبرس هم د بریدونو هدف ګرځول شوی دی.

د فرانسې ولسمشر ټینګار وکړ، چې په سیمه کې د فرانسې د الوتکو وړونکې بېړۍ ځای پر ځای کول به د دفاعي عملیاتو په ترسره کولو کې مرسته وکړي. هغه زیاته کړه، چې دوه جنګي بېړۍ به د اروپا د «اسپیدز» ماموریت د ملاتړ لپاره سور سمندر ته واستول شي.

امانوېل مکرون اعلان وکړ، چې فرانسه د نفت‌وړونکو بېړیو د بدرګې لپاره د یوه سمندري ماموریت پلان جوړوي، څو د کړکېچ له کمېدو وروسته د هرموز تنګي لاره په تدریجي ډول بېرته پرانیستل شي.

د فرانسې ولسمشر زیاته کړه، چې د مدیترانې په سمندرګي، د سره سمندرګي په سیمه او د هرمز په تنګي کې د دوی د ځواکونو په پوځي اقداماتو کې اته جنګي بېړۍ، د الوتکو وړونکې یوه بېړۍ او دوه هغه بېړۍ شاملې دي چې چورلکې لېږدوي.

په ننګرهار کې د طالبانو ولایتي رسنیز دفتر په یوې خبرپاڼه کې ویلي، چې په جلال‌اباد ښار کې یې یو شمېر هټۍ د نرخ‌نامو د نشتوالي او لوړو بیو له امله تړلې دي. د طالبانو یاد کمېسیون زیاتوي، هټیوالو ته په وار وار سپارښتنه شوې چې نرخ‌نامې په ښکاره ځایونو کې وځړوي، خو یو شمېر هټیوالو دغه سپارښتنې نه دي عملي کړي.

په خبرپاڼه کې راغلي، چې د نرخ‌نامو د ځړولو موخه د احتکار مخنیوی او د نرخونو کنټرول دی. هم‌مهاله، په ننګرهار کې د طالبانو رسنیز دفتر خبر ورکړی، چې د بهسودو ولسوالۍ په «بلند غرو» بازار کې هم د چرګانو یو شمېر هټۍ د لوړو بیو له امله تړل شوې دي. د ډیورنډ کرښې د لارو د تړل کېدو له امله په افغانستان کې د خوراکي توکو بیې وار له مخه لوړې شوې وې، خو پر ایران د امریکا او اسراییل له برید وروسته دغه بیې په بې‌سارې توګه لوړې شوې دي.

اوس نیوکې کېږي چې طالبان د خوراکي او نورو لومړنیو توکو د بیو په کنټرول کې پاتې راغلي او لویو سوداګرو احتکار ته مخه کړې ده. له بل لوري، سوداګر نیوکه کوي چې د ټرانزیټي لارو د بندېدو له امله د خوراکي توکو د کمښت ناورین رامنځته کېدونکی دی.

دغه ښوونکي د مالمو ښار په څو لومړنیو ښوونځیو کې تدریس کاوه.

سویډني رسنیو ویلي، چې هغه څو ځله په افغان رسنیو کې په سیاسي او خبري بحثونو کې د طالبانو د ملاتړ په اړه نظرونه څرګند کړي دي.

سویډني رسنیو د تورن کس نوم نه دی افشا کړی.

رسنیو موندلې چې دغه ښوونکي په افغانستان کې د لویدیځ کلتور او سیاسي سیسټم د پلي کولو له امله د پخواني افغان حکومت پر هڅو نیوکه کړې وه.

د ۲۰۲۶ کال په جنوري کې په یوه مرکه کې هغه وویل چې پخوانیو افغان حکومتونو د ډیموکراټیکې دورې په جریان کې تېروتنه وکړه چې دوی نجونې ښوونځي ته د تګ لپاره اړ ایستلې.

هغه په ​​یوه بله مرکه کې دا هم ویلي، چې طالبانو د ځینو رسنیو په تړلو سره سم کار وکړ او په افغانستان کې رسنۍ باید د هیواد د مذهب، کلتور او د ټولنې له وضعیت سره سمې وي.

د مالمو ښار شورا د ښوونځیو مشرې سارا ویټرګرین وویل چې دا به "په بشپړ ډول د منلو وړ نه وي" چې ښوونکي خپلو زده کوونکو ته داسې نظرونه وړاندې کړي.

هغې زیاته کړه، چې یاد ښوونکی په څرګنده توګه د طالبانو سره خواخوږي لري، چې د ښځو اساسي حقونه تر پښو لاندې کوي.

د مالمو د لومړني ښوونځي رییس پیټر لینډبرګ هم وویل، چې هغه د ښوونکي د مرکې ویډیو له لیدلو وروسته ژوره اندېښمنه شوه او پوهنې وزارت د دې موضوع په اړه تحقیقات پیل کړي دي.

د ښار چارواکو اعلان وکړ، چې د یاد ښوونکي دنده د پلټنې تر بشپړیدو پورې ځنډول شوې ده.

ملالې یوسفزۍ دا څرګندونې د ملګرو ملتونو د ښځو وضعیت د اویایم کمېسیون د پرانیستې غونډې پر مهال وکړې.

هغې په خپله وینا کې وویل چې نن ورځ د جګړو او تاوتریخوالي له امله د نړۍ په بېلابېلو سیمو کې ماشومان له سختو کړاوونو سره مخ دي.

هغې د ایران، غزې او افغانستان د هغو کورنیو یادونه وکړه چې ماشومان یې د تاوتریخوالي قربانیان شوي دي.

د هغې په وینا، رښتینی عدالت دا نه دی، چې د نړۍ په یوه ځای کې د ماشومانو انسانیت دفاع وکړي او په بل ځای کې یې له پامه وغورځوي.

ملالې وویل چې له ۲۰۲۱ کال راهیسې په افغانستان کې د طالبانو له واکمنېدو وروسته ښځې او نجونې له زده‌کړو، کار او عامه ژوند څخه محرومې شوې دي. د هغې په وینا، نجونې نه شي کولای ثانوي ښوونځیو او پوهنتونونو ته ولاړې شي او ښځې هم له ګڼو ټولنیزو او مسلکي فعالیتونو څخه منع شوې دي.

هغې ټینګار وکړ چې دا وضعیت باید د جنسیتي اپارتاید په توګه وپېژندل شي او د نړیوال قانون له مخې د جرم په توګه ثبت شي.

ملالې له نړیوالو مشرانو وغوښتل چې د افغان ښځو او نجونو د حقونو د خوندیتوب لپاره عملي ګامونه واخلي او زیاته یې کړه: «ویناوې نجونې نه شي ساتلی، خو قانون، حساب ورکونه او سیاسي جرئت کولی شي.»