نن سهار د تهران، کرج، بندر عباس، اصفهان او قشم په سیمو کې د چاودنو غږونه اورېدل شوي

علي خېل د سې شنبې په ورځ (د کب ۱۹مه) پر خپله اېکس پاڼه لیکلي، چې په دوحه کې د امریکا او طالبانو له تړون څخه واشنګټن یوازې غوښتل «د یوې بې موخې جګړې څخه چې بریا یې ناشونې» وه ووځي. د نوموړي په خبره له افغانستان نه د بهرنیو پوځیانو دا ډول وتل د کوم منظم پلان له مخې نه و، بلکه د ناکامۍ او ماتې په مانا وه.

هغه زیاته کړې: «کله چې د دوحې تړون ته اشاره کېږي او د افغانستان د مسایلو لپاره یې اړین بولي، صرف د وخت ضایع کول دي.»

علي خېل اندېښنه ښودلې، چې په ایران کې خطرناکه جګړه ییز وضعیت او د پاکستان سره کړکېچ د افغانستان په اقتصادي، امنیتي شرايطو، بشري ناورین او د افغان کډوالو پر ژوند به مستقیم اغېز ولري.

د ایران انټرنشنل د راپور له مخې، چې د ایران د فوټبال فدراسیون د ټرمپ څرګندونې «بې حسه» وبللې او هغه یې «په فوټبال کې ښکاره سیاسي لاسوهنه» وګڼله.

د فدراسیون په اعلامیه کې راغلي دي: «د فوټبال نړیوال چارواکي باید د امریکا د ولسمشر مستقیمو سیاسي مداخله کوونکو څرګندونو ته ځانګړې پاملرنه وکړي، ځکه دا په فوټبال کې د سیاسي لاسوهنې ښکاره بېلګه ده. هغوی باید ژر اقدام وکړي څو دا بهیر دوام ونه مومي».

د ایران انټرنشنل د راپور له مخې، عاطفه رمضاني‌ زاده، زهرا سربالي، مونا حمودي، فاطمه پسندیده او زهرا قنبري چې د ایران د ښځینه فوټبال ملي لوبډلې پنځه لوبغاړې دي د دوشنبې په ورځ (د کب ۱۸مه) د لوبډلې له کمپ څخه تر وتلو وروسته یې په اسټرالیا کې د پناه غوښتنه وکړه.

ډونالډ ټرمپ د دوشنبې په ورځ وویل: «اسټرالیا د ایران د ښځینه فوټبال ملي لوبډلې بیرته خپل هیواد ته د ستنیدو په مجبورولو سره یوه لویه انساني تېروتنه کړې ده».

ټرمپ دا هم وویل چې هغه د ایران د ښځینه فوټبال لوبډلې ​​د وضعیت په اړه د اسټرالیا له لومړي وزیر انتوني البانیز سره خبرې کړې دي.

ټرمپ په خپله «ټروټ سوشل» شبکه کې لیکلي چې هغه دغه مسله تعقیبوي او زیاته یې کړه:«تر اوسه د پنځو کسانو وضعیت ته رسېدنه شوې ده او پاتې نور په لاره کې دي.»

علي میثم نظري په خپل ایکس پیغام کې ویلي چې د امریکا د بهرنیو چارو وزیر مارکو روبیو وروستۍ پرېکړه پر وخت او مهم ګام دی. د هغه په وینا، افغانستان اوس د طالبانو تر واک لاندې دی او دا ډله هېواد د سیمه‌ییزو او نړیوالو ترهګرو شبکو لپاره په پټنځای بدل کړی دی.

نظري ادعا کړې چې طالبان بهرني وګړي او مسافر په خپلسري ډول نیسي او بیا یې د نړیوالې ټولنې پر وړاندې د سیاسي فشار د وسیلې په توګه کاروي. د هغه په وینا، دا ډول کړنې ښيي چې د طالبانو واکمني له قانوني چوکاټه بهر ده.

هغه زیاته کړې چې تر هغه وخته چې افغانستان د طالبانو له واکه خلاص نه شي او پر ځای یې یو مشروع او مسول حکومت رامنځته نه شي، هېواد د نړیوالو سفرونو لپاره خوندي ځای نه شي ګڼل کېدای. د نظري په خبره، یوازې هغه مهال به نړیوال وکولای شي افغانستان ته په ازاد او خوندي ډول سفر وکړي چې هېواد د یو قانوني او حساب ورکوونکي نظام له لوري اداره شي.

ډونالډ ټرمپ ویلي: «که ایران داسې کوم کار وکړي، چې د هُرمز په تنګي کې د تېلو جریان ودروي، متحده ایالات به پر دوی تر اوسه د شویو بریدونو پرتله شل برابره سخت بریدونه وکړي».

ټرمپ په خپلو ګواښونو کې ویلي، په داسې حالت کې به په ایران کې دننه داسې ځایونه په نښه کړي، چې د «یوه ملت په توګه د ایران بیا رغونه» به عملا «ناشونې» کړي او پر دوی به «مرګ، اور او قهر» حاکم شي.

نوموړي همدارازهیله څرګنده کړې، چې اړ نه‌شي داسې پرېکړه وکړي: «هیله لرم او دعا کوم چې دا کار ونه‌شي. دا د متحده ایالاتو له لوري چین او ټولو هغو هېوادونو ته ډالۍ ده، چې د هُرمز له تنګي څخه ډېره ګټه اخلي. هیله لرم چې دا حرکت به د ډېرې ستاینې وړ وي».

د ایران د سپاه پاسداران ویاند تر دې مخکې خبرداری ورکړی، که د امریکا او اسراییل بریدونه دوام وکړي،نو تهران به اجازه ورنه‌کړي چې له سیمې څخه «یو لیټر تېل» هم صادر شي.

هغه همدا راز ټینګار کړی، چې د ټرمپ د خبرو پر خلاف، د امریکا سوداګریزې بېړۍ او پوځي کښتۍ د هُرمز له تنګي څخه نه‌شي تېرېدلی.

نوموړي ګواښ وکړ، که د امریکا او اسراییل بریدونه دوام وکړي، تهران به اجازه ورنه‌کړي چې له سیمې څخه «یو لیټر تېل» هم صادر شي.

نوموړي همدارنګه پر خپلو پوځي تاسیساتو له درنو بریدونو وروسته د ایران د حکومت د پوځي ځواک د کمزوري کېدو په اړه د ډونالډ ټرمپ ادعا رد کړه او ویې ویل، د دغو څرګندونو پر خلاف د اسلامي جمهوریت د توغندیو د توغولو کچه نه‌ده کمه شوې، بلکې تر په‌خوا زیاته شوې ده.

هغه همدا راز ټینګار وکړ، چې د ټرمپ د خبرو پر خلاف، د امریکا سوداګریزې بېړۍ او پوځي کښتۍ د هرمز له تنګي څخه نه‌شي تېرېدلی.