بېنېټ په ډنمارک کې د افغان توکمه ښځې وزیره کېدل الهام بښونکي بللي
د افغانستان د بشري حقونو په برخه کې د ملګرو ملتونو ځانګړي راپور ورکوونکي ریچارډ بېنېټ په ډنمارک کې د یوې افغان توکمې ښځې وزیره کېدل الهام بښونکي بللي. بېنېټ دا په عامه ژوند کې د ښځو د ونډې او برابرۍ د ارزښت ښکارندویه بللي.
بېنېټ پر اېکس پاڼه لیکلي چې د سمیرا نوا ټاکل کېدل په عامه ژوند کې د ښځو د برابرې ونډې اهمیت او هغه ګټې په ډاګه کوي چې ټولنې یې له ټولشموله مشرتابه ترلاسه کوي.
هغه زیاته کړې چې سمیرا نوا د نورو لپاره الهام بښونکې ده.
د بېنېټ په وینا، د ښځو مساوي ګډون نه یوازې د ټولنو د پرمختګ لپاره مهم دی، بلکې د اغېزناک او ټولشموله مشرتابه په پیاوړتیا کې هم مهم رول لري.
