سید عباس عراقچي: په جګړه کې د ابوظبي د مستقیمې ښکېلتیا په اړه شواهد موجود دي
د ایران د بهرنیو چارو وزیر عباس عراقچي ادعا کړې چې د متحده عربي اماراتو د ابوظبي له لوري په ځینو پوځي عملیاتو کې د مستقیمې ښکېلتیا شواهد موجود دي.
عراقچي د المیادین ټلوېزیوني شبکې سره په مرکه کې ویلي چې داسې شواهد شته چې امریکا او اسراییل د ایران پر ضد عملیاتو کې د متحده عربي اماراتو له هوايي حریم او خاورې څخه استفاده کړې ده.
هغه ویلي: «د ابوظبي د مستقیمې ښکېلتیا په اړه په ځینو عملیاتو کې شواهد زموږ په لاس کې دي.»
د ایران د بهرنیو چارو وزیر همدارنګه د تهران او ابوظبي ترمنځ د اړیکو د ترینګلتیا یو لامل په متحده عربي اماراتو کې د اسراییل حضور او له تل ابیب سره د دغه هېواد نږدې اړیکې بللې دي.
عراقچي زیاته کړې چې دا ډول پرمختګونه د سیمهییزو اړیکو پر ثبات منفي اغېز لري او د تاوتریخوالي د زیاتېدو لامل کېدای شي.
