پزشکیان د سیمې د سولې په برخه کې د پاکستان هڅې وستایلې
د ایران ولسمشر مسعود پزشکیان ویلي: «ایران او پاکستان په ارمانونو او هیلو کې ژورې ګډې موخې لري». هغه د سیمې د سولې په برخه کې د پاکستان هڅې ستایلې او دا یې د دغه هېواد د فرهنګ محصول ګڼلې دي.
پزشکیان په خپله اېکس پاڼه لیکلي «پاکستان ته د خپل سفر په لړ کې مې د پاکستان د منځګړیتوب د هڅو د ستاینې په موخه، له خپلو وروڼو اصف علي زرداري، شهباز شریف او عاصم منیر سره د اړیکو د پراختیا په اړه خبرې وکړې.»
د ایران ولسمشر او د دغه هېواد د بهرنیو چارو وزیر پرون د پاکستان په بلنه دغه هېواد ته تللي وو.
پاکستان په وروستیو میاشتو کې د ایران او امریکا ترمنځ د اټومي لانجې په تړاو د ډیپلوماټیکو هڅو ملاتړ کړی او د دواړو لورو ترمنځ یې د خبرو اترو او هوکړې لپاره د اسانتیا برابرولو غوښتنه کړې ده.
