د لویدیځ زون لپاره طالب مسوولینو دیني او عصري زده‌کړو ته د زمینې برابرولو په اړه خبرې کړي

د څېړنو له مخې، دا شبکه له ۲۰۲۵ کال راهیسې فعاله وه او په ځانګړي ډول یې افغان وګړي له ترکیې، بلغاریا او سربیا څخه د لوېدیزې اروپا پر لور قاچاق کول. ویل کېږي چې یوازې د ۲۰۲۶ کال د جنورۍ او جولای ترمنځ دې ډلې ګڼ شمېر کډوال انتقال کړي دي.

د عملیاتو پر مهال پلټونکو پنځه کورونه او ځایونه تلاشي کړي دي.

چارواکو درې موټر نیولي چې د کډوالو د انتقال لپاره ترې کار اخیستل کېده.

همدارنګه وسلې، مرمۍ، مخابره‌يي دستګاه، ګرځنده ټیلیفونونه او شاوخوا ۵۷۰۰ یورو او ۴۰ زره سربیايي کرنسي هم ترلاسه شوې دي.

د دې قضیې اهمیت ځکه زیات شوی چې دوه پولیس افسران هم د دې قاچاقي شبکې په فعالیتونو کې د ښکېلتیا په تور نیول شوي دي.

د یورو سکیوریټي او بلغاریايي رسنیو د رپوټونو له مخې، کډوال لومړی له ترکیې څخه بلغاریا ته انتقالېدل، وروسته هغوی د بلغاریا او سربیا ترمنځ د «شنې پولې» سیمې ته رسول کېدل او له رسمي سرحدي لارو پرته به پلي تېرېدل. وروسته د قاچاق شبکې غړو هغوی د مخکې ټاکل شویو جي پي اېس نښو له مخې په سربیا کې ترلاسه کول.

د څېړونکو په وینا، دې ډلې کډوالو ته لنډمهاله استوګنځایونه برابرول او بیا یې د سربیا له لارې د هنګري تر پولې او له هغه ځایه د اروپايي ټولنې لوېدیزو هېوادونو ته د تګ زمینه برابروله.

ویل کېږي چې کډوالو د بلغاریا او سربیا له پولې څخه تر بلګراد پورې د انتقال لپاره شاوخوا زر یورو ورکول او د سربیا ـ هنګري پولې ته د رسېدو لپاره یې نور ۳۰۰ یورو ورکول.

د پلټونکو په وینا، ډېری پیسې د حوالې له لارې لېږدول کېدې، چې له بانکي سیستم پرته د پیسو د انتقال لپاره کارول کېږي.

دا عملیات د یوروپول د ځانګړې عملیاتي ډلې له لارې ترسره شوي چې د بالکان پر مسیر د انسانانو د قاچاق د شبکو پر ضد مبارزه کوي.

یوروپول د اړوندو هېوادونو ترمنځ د معلوماتو تبادله او د عملیاتو همغږي برابره کړې ده. د اروپايي ټولنې په مالي ملاتړ، دغه سازمان څلور بلغاریايي څېړونکي سربیا ته استولي وو چې د عملیاتو پر مهال له ځایي چارواکو سره مرسته وکړي.

د عملیاتو په ورځ د یوروپول یو متخصص هم په ساحه کې موجود و چې د اروپا د معلوماتي سیستمونو له لارې یې د معلوماتو ارزونه او څېړونکو ته عملیاتي ملاتړ برابر کړی و.

دغه ځانګړې کاري ډله د ۲۰۲۳ کال په سپټمبر کې جوړه شوې وه، چې د بالکان پر مسیر د نړیوالو قاچاقي شبکو پر وړاندې ګډه مبارزه پیاوړې کړي. سربیا هم په دې وروستیو کې له دې نوښت سره یوځای شوې ده.

یوروپول وايي، د کډوالو قاچاق په اروپايي ټولنه کې د منظمو جرمونو له مهمو بڼو څخه دی او د دې شبکو د له منځه وړلو لپاره د هېوادونو ترمنځ نږدې همکارۍ ته اړتیا ده.

د دې ادارې په وینا، د قاچاق شبکې د کډوالو له جذب څخه نیولې، تر انتقال، مالي جریانونو او لوژستیکي چارو پورې په منظم ډول فعالیت کوي.

د «جیکو نو اتلیه نیګاتا» نندارتون‌ځای، چې د فرنیچر د وارداتو او پلور شرکت «سانپوشا» له خوا اداره کېږي، د افغانستان د لاسي غالیو دغه ګرځند نندارتون په بېلابېلو جاپاني ښارونو کې ګرځوي.

د یاد شرکت استازي ویلي چې غواړي خلک د افغان غالیو له لارې د افغانستان د کډوالو د وضعیت په اړه فکر ته اړباسي.

راپور زیاتوي چې د غالیو د پلور د عوایدو یوه برخه د کډوالو ماشومانو لپاره د مرستو په موخه کارول کېږي.

د نندارتون په ترڅ کې د هغو ماشومانو لپاره بکسونه هم برابر شوي چې د مرستو له لارې یې ترلاسه کوي.

دغه نندارتون به د جولای تر ۲۱مې نېټې پورې دوام وکړي.

د ترلاسه شویو معلوماتو له مخې، په غزني کې د یوه قومي مشر قادرعلي رفعت جسد هم تر یوې شپې او ورځې بې‌درکه کېدو وروسته موندل شوی دی.

سرچینو د هغه په بدن کې د شکنجې او ټپونو د نښو لیدلو خبر ورکړی دی.

د سیمې د اوسېدونکو په وینا، پخواني نظامي محمدعلي توپان له هېچا سره شخصي دښمني نه درلوده او د پخواني حکومت تر سقوط وروسته، د طالبانو د ټولبښنې له اعلان وروسته په هېواد کې پاتې شوی و.

د معلوماتو پر بنسټ، د طالبانو استخباراتو شاوخوا دوه کاله وړاندې هغه د مقاومت جبهې سره د همکارۍ په تور نیولی و.

هغه یو څه وخت د کابل په پلچرخي او په پروان کې د بګرام په زندانونو کې تېر کړ او شاوخوا پنځه میاشتې وړاندې خوشې شو او دایکندي ولایت ته راستون شو او په کرنه بوخت شو.

هغه ۶ اولادونه لري چې تر ټولو مشر یې یو ۲۷ کلن زوی دی.

په یوه بله پېښه کې، په غزني کې سیمه‌ییزو سرچینو وویل چې د قره‌باغ ولسوالۍ یو قومي مشر قادرعلي رفعت، د پنجشنبې په سهار د چنګاښ په ۲۴مه له خپل کور څخه په موټرسایکل د «علي‌اباد تمکي» بازار په لور روان او بې‌درکه شوی و.

د دغو سرچینو په وینا، د سیمې اوسېدونکو تر یوې شپې او ورځې لټون وروسته، د هغه جسد وموند.

ویل کېږي بریدګرو لومړی هغه شکنجه کړی او بیا یې په ډزو وژلی دی.

د دغو دوو وژنو انګېزه او عاملین تر اوسه نه دي څرګند شوي او طالبانو هم په دې اړه څه نه دي ویلي.

په تورخم کې د ګمرک سرچینو افغانستان انټرنشنل ته ویلي، چې په تېره یوه اونۍ کې د خوراکي توکو ۷۳ کانتینر افغانستان ته اوښتي دي او د ۱۳ نورو کانټینرو د ګمرګي تصفیې بهیر روان دی.

د دې مرستو په لېږد کې د ملګرو ملتونو اړوندې ادارې، په ځانګړي ډول د خوړو نړیوال پروګرام او نور بشري بنسټونه شامل دي.

د ګمرک د معلوماتو له مخې، ملګرو ملتونو د بشري مرستو په موخه پرېکړه کړې چې افغانستان ته د خوراکي توکو ۱۰۰۰ کانتینر ولېږي.

د پاکستان حکومت او د طالبانو ادارې ددغو کانټینرونو له لېږد سره هوکړه کړې ده.

دغه کانټینر لیږدووونکي موټر د جولای له ۱۴مې نېټې راهیسې افغانستان ته د بشري مرستو اړوند توکي لېږدوي.

د پاکستان او افغانستان ترمنځ لارې د دواړو هېوادونو ترمنځ د ترینګلتیا له امله د ۲۰۲۵کال د اکتوبر له ۱۲مې راهیسې تړل شوې دي.

دغه مرستې به د افغانستان بېلابېلو زیانمنو سیمو، په ځانګړي ډول ننګرهار او کونړ ولایتونو او شاوخوا سیمو کې اړمنو کورنیو ته ورسول شي.

په دغو مرستو کې د خوارځواکۍ له خطر سره مخ ماشومانو او میندو لپاره ځانګړي غذایي مواد، غذایي مکملونه، نباتي غوړي او بډایه شوي بسکټ شامل دي.

د طالبانو د اطلاعاتو او کلتور وزارت د خپرونو چارو معیین حیات‌الله مهاجر فراهي د چنګاښ پر ۲۶مه په اېکس کې یو پوسټ خپور کړی او وايي، چې د دغه ستراتیژیک دهلېز د امنیت ساتنه د دوی د ځواکونو په لومړیتوبونو کې ده او په دې برخه کې به هېڅ ډول غفلت ونه شي.

د طالبانو دغه جګپوړي چارواکي همدارنګه زیاته کړې، «هغه کړۍ او ډلې چې د افغانستان اقتصادي پرمختګ نشي زغملی او په دې لاره کې خنډونه جوړوي، د ترحم وړ نه دي».

هغه په ډاګه کړې چې د هېواد د اقتصادي پروژو او پرمختګونو پر وړاندې به د هر ډول اخلال او ورانکارۍ مخه په کلکه او په سختو اقداماتو ونیول شي.

د واخان دهلېز د افغانستان یو له خورا مهمو او ستراتیژیکو سیمو څخه دی چې هېواد له چین سره نښلوي او په وروستیو کې د ترانزیت او اقتصادي نښلونې لپاره پرې ځانګړی تمرکز شوی دی.

پر دې سربېره دا سیمه د چین لپاره هم مهمه ده او تاجکستان هم چې په بدخشان کې له افغانستان سره پوله لري، د افغانستان له اړخه وخت ناوخته د امنیتي اندېښنو څرګندونې کوي.

د طالبانو د کلتور وزارت د معیین دغه غبرګون داسې مهال دی، چې تازه د سپاهیان میهن په نامه یوې نوې وسله والې ډلې د بدخشان د کوز یفتل ولسوالۍ ودانۍ د څو ساعتونو لپاره ونیوله.

دې ډلې د خپل برید او فعالیت لامل د طالبانو له خوا له خلکو سره بې عدالتي ښودلې ده.