سېنټکام: د ټرمپ په امر مو د ایران پر پوځي موخو د بریدونو نوې څپه پیل کړې

دا طرحه د ۲۱۶موافقو او ۲۱۴مخالفو رایو په ترلاسه کولو تصویب شوه. د راپورونو له مخې، ټولو ډیموکراټ استازو له دې بودیجې سره مخالفت کړی دی.

د تصویب شوې طرحې له مخې، ۶۰میلیارد ډالر د امریکا د دفاع وزارت، ۱۳میلیارد ډالر د ملي امنیت د نورو اړتیاوو، ۱۲میلیارد ډالر هغو بزګرانو ته د ملاتړ لپاره چې د ټرمپ د تعرفو له امله زیانمن شوي، او ۱۰میلیارد ډالر د ټاکنیزو قوانینو د وړاندیز شویو بدلونونو د پلي کولو لپاره ځانګړي شوي دي. په دغو بدلونونو کې د رایې ورکولو پر مهال د تابعیت د ثبوت وړاندې کول هم شامل دي.

جمهوري غوښتونکو د دې بودیجې د تصویب لپاره د «بودیجې د تطبیق» ځانګړی میکانیزم کارولی، چې له مخې یې طرحه د ساده اکثریت په رایو تصویبېدای شي او په سنا کې د اوږدو پارلماني خنډونو (فیلیباسټر) مخه نیول کېږي.

سره له دې، د دې بودیجې برخلیک لا هم د امریکا په سنا جرګه کې روښانه نه دی، ځکه یو شمېر جمهوري غوښتونکي سناتوران هم د دې طرحې په اړه شکونه لري.

ډیموکراټانو پر دې طرحه نیوکه کړې او ویلي یې دي چې مالي سرچینې باید د خلکو د ژوند د لګښتونو د کمولو لپاره ولګول شي. په مقابل کې جمهوري غوښتونکي استدلال کوي چې دا بودیجه د امریکا د وسله‌والو ځواکونو د چمتووالي، د پوځیانو د معاشونو او د هېواد د امنیت د ساتنې لپاره اړینه ده.

دا بودیجه اوس د وروستۍ ارزونې او پرېکړې لپاره د امریکا سنا جرګې ته استول شوې ده.

د پیرو د پولیسو یوه جګپوړي قوماندان اسکار اریولا خبريالانو ته وویل، چې دغه اور لګېدنه د چهارشنبې په ورځ وختي په یوه استوګنیز کور کې پیل شوه. د هغه په وینا، په مړو شویو کسانو کې پنځه تنه یې ماشومان دي چې په دغه کور کې یې ژوند کاوه.

قوماندان اسکار اریولا زیاته کړه، چې د پېښې ځای ته د عدلي طب متخصصین او څېړونکي رسېدلي دي. د پیرو د پولیسو دغه چارواکي وویل چې د پېښې په اړه جدي پلټنې پیل شوې دي.

تراوسه پورې د دغې خونړۍ اور لګېدنې اصلي لامل نه دی روښانه شوی. پولیس او د پېښو د څېړنې ډلې هڅه کوي معلومه کړي چې اور د کومې ستونزې له امله لګېدلی او څنګه یې ټول کور په غېږ کې اخیستی دی.

د امریکا ولسمشر، ډونالډ ټرمپ، د چهارشنبې په ورځ (د چنګاښ ۳۱مه) د ایران په جګړه کې د وژل شویو امریکایي سرتېرو د جسدونو د لېږد په رسمي مراسمو کې له ګډون وروسته یادې څرګندونې کړې دي.

له دې سره سم، د ایران سپاه پاسداران سمندري ځواکونو خبرداری ورکړی، چې د هرمز تنګي د بدیلو لارو کارول نه جبرانېدونکې پایلې لري.

د سپاه پاسداران د سمندري ځواکونو قوماندانۍ، د چهارشنبې په ورځ (د چنګاښ ۳۱مه) په یوې اعلامیې کې وویل: «د هرمز تنګي ورودي او خروجي برخې روښانه دي او زموږ تر بشپړ کنټرول لاندې دي. بدیلې لارې ناامنې او خطرناکې دي؛ خبرداری ورکوو چې ترې ګټه وانه‌خیستل شي، ځکه د پام وړ او نه جبرانېدونکې پایلې به ولري».

سنټکام د چهارشنبې په ورځ، د چنګاښ په ۳۱مه، په اېکس خواله رسنۍ کې ویلي چې د امریکا د توغندیو وېشتونکې جنګي بېړۍ یو‌اېس‌اېس مایکل مورفيعمله د عرب سمندر له لارې د تېرېدو پر مهال له خپل جنګي معلوماتي مرکز څخه عملیات څاري.

د امریکا مرکزي قوماندانۍ زیاته کړې چې امریکايي ځواکونه هم‌مهاله د ایران پر وړاندې د سمندري محاصرې د پلي کولو په عملیاتو بوخت دي.

د سېنټکام د معلوماتو له مخې، تر چنګاښ ۳۱مې پورې د دې محاصرې د بشپړ تطبیق لپاره د نهو سوداګریزو بېړیو مسیر بدل شوی او یوه بېړۍ هم له فعالیته ایستل شوې ده.

سېنټکام د یادو بېړیو د هویت، د مسیر د بدلون د علت او د بې‌فعاله شوې بېړۍ په اړه نور جزییات نه دي خپاره کړي.

نیویارک پوسټ د خپلو سرچینو په حواله لیکلي چې ټرمپ اینفانتینو په نړۍ کې د درناوي وړ شخصیت بولي او په باور یې، نوموړی د خلکو د یو بل ته نږدې کولو ځانګړې وړتیا لري.

۵۶ کلن اینفانتینو په سویس کې زېږېدلی او له ټرمپ سره یې اړیکې د سږني نړیوال جام پر مهال نږدې شوې دي. هغه تېر کال ټرمپ ته د فیفا د سولې لومړنۍ جایزه هم ورکړې وه.

د ملګرو ملتونو راتلونکی سرمنشي سږکال ټاکل کېږي او انتونیو ګوترېش به د ۱۴۰۵ کال په مرغومي میاشت کې له خپلې دندې ګوښه شي. نوماند باید لومړی د امنیت شورا او وروسته د ملګرو ملتونو د عمومي اسمبلې ملاتړ ترلاسه کړي.

لا روښانه نه ده چې اینفانتینو دې څوکۍ ته لېوالتیا لري او که نه. نوموړی د فیفا د راتلونکو ټاکنو نوماند هم دی او په دغه سازمان کې هر کال شاوخوا شپږ میلیونه ډالره عاید لري.