د امریکا استازو جرګې د ایران پر ضد د جګړې د لګښت لپاره د ۹۵ میلیارد ډالرو بودیجه تصویب کړه

د پیرو د پولیسو یوه جګپوړي قوماندان اسکار اریولا خبريالانو ته وویل، چې دغه اور لګېدنه د چهارشنبې په ورځ وختي په یوه استوګنیز کور کې پیل شوه. د هغه په وینا، په مړو شویو کسانو کې پنځه تنه یې ماشومان دي چې په دغه کور کې یې ژوند کاوه.

قوماندان اسکار اریولا زیاته کړه، چې د پېښې ځای ته د عدلي طب متخصصین او څېړونکي رسېدلي دي. د پیرو د پولیسو دغه چارواکي وویل چې د پېښې په اړه جدي پلټنې پیل شوې دي.

تراوسه پورې د دغې خونړۍ اور لګېدنې اصلي لامل نه دی روښانه شوی. پولیس او د پېښو د څېړنې ډلې هڅه کوي معلومه کړي چې اور د کومې ستونزې له امله لګېدلی او څنګه یې ټول کور په غېږ کې اخیستی دی.

د امریکا ولسمشر، ډونالډ ټرمپ، د چهارشنبې په ورځ (د چنګاښ ۳۱مه) د ایران په جګړه کې د وژل شویو امریکایي سرتېرو د جسدونو د لېږد په رسمي مراسمو کې له ګډون وروسته یادې څرګندونې کړې دي.

له دې سره سم، د ایران سپاه پاسداران سمندري ځواکونو خبرداری ورکړی، چې د هرمز تنګي د بدیلو لارو کارول نه جبرانېدونکې پایلې لري.

د سپاه پاسداران د سمندري ځواکونو قوماندانۍ، د چهارشنبې په ورځ (د چنګاښ ۳۱مه) په یوې اعلامیې کې وویل: «د هرمز تنګي ورودي او خروجي برخې روښانه دي او زموږ تر بشپړ کنټرول لاندې دي. بدیلې لارې ناامنې او خطرناکې دي؛ خبرداری ورکوو چې ترې ګټه وانه‌خیستل شي، ځکه د پام وړ او نه جبرانېدونکې پایلې به ولري».

سنټکام د چهارشنبې په ورځ، د چنګاښ په ۳۱مه، په اېکس خواله رسنۍ کې ویلي چې د امریکا د توغندیو وېشتونکې جنګي بېړۍ یو‌اېس‌اېس مایکل مورفيعمله د عرب سمندر له لارې د تېرېدو پر مهال له خپل جنګي معلوماتي مرکز څخه عملیات څاري.

د امریکا مرکزي قوماندانۍ زیاته کړې چې امریکايي ځواکونه هم‌مهاله د ایران پر وړاندې د سمندري محاصرې د پلي کولو په عملیاتو بوخت دي.

د سېنټکام د معلوماتو له مخې، تر چنګاښ ۳۱مې پورې د دې محاصرې د بشپړ تطبیق لپاره د نهو سوداګریزو بېړیو مسیر بدل شوی او یوه بېړۍ هم له فعالیته ایستل شوې ده.

سېنټکام د یادو بېړیو د هویت، د مسیر د بدلون د علت او د بې‌فعاله شوې بېړۍ په اړه نور جزییات نه دي خپاره کړي.

نیویارک پوسټ د خپلو سرچینو په حواله لیکلي چې ټرمپ اینفانتینو په نړۍ کې د درناوي وړ شخصیت بولي او په باور یې، نوموړی د خلکو د یو بل ته نږدې کولو ځانګړې وړتیا لري.

۵۶ کلن اینفانتینو په سویس کې زېږېدلی او له ټرمپ سره یې اړیکې د سږني نړیوال جام پر مهال نږدې شوې دي. هغه تېر کال ټرمپ ته د فیفا د سولې لومړنۍ جایزه هم ورکړې وه.

د ملګرو ملتونو راتلونکی سرمنشي سږکال ټاکل کېږي او انتونیو ګوترېش به د ۱۴۰۵ کال په مرغومي میاشت کې له خپلې دندې ګوښه شي. نوماند باید لومړی د امنیت شورا او وروسته د ملګرو ملتونو د عمومي اسمبلې ملاتړ ترلاسه کړي.

لا روښانه نه ده چې اینفانتینو دې څوکۍ ته لېوالتیا لري او که نه. نوموړی د فیفا د راتلونکو ټاکنو نوماند هم دی او په دغه سازمان کې هر کال شاوخوا شپږ میلیونه ډالره عاید لري.

دا خبرې داسې مهال کېږي چې دواړو لورو په سویلي لبنان کې د اسراییلي ځواکونو د وتلو او پر ځای یې د لبنان د پوځ د ځای پر ځای کېدو پلان عملي کول پیل کړي دي.

اسراییلي ځواکونه روانه اوونۍ د ازمایښتي سیمو د پروګرام له مخې د سویلي لبنان له زوتر الغربیه ښارګوټي ووتل او لبناني پوځ هلته خپل ځواکونه ځای پر ځای کړل. چارواکو له اوسېدونکو غوښتي چې له ناچاودو مهماتو څخه د سیمې تر پاکېدو پورې خپلو کورونو ته ستانه نه شي.

د لبنان لومړي وزیر نواف سلام د چهارشنبې په ورځ دې ښارګوټي ته د سفر پر مهال د اسراییل وتل یو مهم لومړی ګام وباله، خو ټینګار یې وکړ چې بیروت د لبنان له ټولې خاورې د اسراییلي ځواکونو بشپړ وتل غواړي.

لبنان او اسراییل، چې لا هم په رسمي ډول د جګړې په حالت کې دي، له څه باندې درېیو میاشتو راهیسې د سفیرانو په کچه مخامخ خبرې کوي. د امریکا په کوربه‌توب د دوی پنځو غونډو تېره میاشت د یوه چوکاټي تړون زمینه برابره کړه.

په دغه تړون کې د حزب‌الله بې‌وسلې کول، له سویلي لبنان څخه د اسراییلي ځواکونو پړاویز وتل او په دغو سیمو کې د لبناني ځواکونو ځای پر ځای کېدل شامل دي.

اسراییل اوس هم د لبنان د پولې په اوږدو کې شاوخوا لس کیلومتره پراخه سیمه تر ولکې لاندې لري او هغه حایله سیمه بولي. اسراییلي چارواکي وايي، تر هغه چې حزب‌الله وسله ولري، ځواکونه به یې په سویلي لبنان کې پاتې وي.

خو حزب‌الله له اسراییل سره د لبنان د حکومت مستقیمې خبرې رد کړې او په بشپړ ډول یې له بې‌وسلې کېدو انکار کړی دی.

د لبنان ولسمشر جوزف عون واشنګټن ته د خپل لومړي رسمي سفر پر مهال ویلي، له لبنان څخه د اسراییل وتل کولای شي هغه اصلي لامل له منځه یوسي چې حزب‌الله له اوږدې مودې راهیسې د وسلو د ساتلو لپاره د توجیه په توګه یادوي.