د روسیې او مصر د ترهګرۍ ضد مبارزې په اړه د کاري ډلې په پنځمه غونډه کې د نړیوال او سیمهییز ترهګریز ګواښونه او په ځانګړې توګه د افغانستان وضعیت ارزولی دی. په دې غونډه کې د منځني ختیځ، مرکزي اسیا او افریقايي هېوادونو وضعیت هم ارزول شوی دی.
د قطر د بهرنیو چارو وزارت په ګډون د سعودي عربستان، اردن، متحده عربي اماراتو، اندونیزیا، پاکستان، مصر او ترکیې د بهرنیو چارو وزیرانو په یوه ګډه اعلامیه کې د اشغال شوې لوېدیځې غاړې پر فلسطینیانو د اسراییلي مېشتکوونکو د تاوتریخوالي د زیاتېدو سخته غندنه کړې ده.
د طالبانو مخالفې ډلې، مقاومت جبهې د ښځو د برخې مشرې زهره کاظمي ویلي چې دغه جبهه یوازې یو سیاسي یا پوځي بهیر نه دی، بلکې د هغو خلکو د تاریخي ارادې ښکارندویي کوي چې د استبداد، سختدریځّۍ او د ملي هویت د له منځه وړلو پر وړاندې درېدلي دي.
د کرکې خپرولو پر ضد نړېوالې ورځې په مناسبت ملګري ملتونه ویلي، چې کرکه فطري نه ده، بلکې د ټولنیزو شرایطو او زدهکړې له لارې زده کېږي او د همدغو لارو له لارې یې له منځه وړل هم ممکن دي.
د طالبانو د کرنې وزارت وايي، د کندهار په څلورو ولسوالیو کې د ۱،۳ میلیونه ډالرو په ارزښت د کوکنارو بدیل کښتونو د پراختیا، د بزګرانو او مالدارانو د ملاتړ دوه کلنه پروژه بشپړه شوه. د دغې پروژې مالي مسوولیت د ملګرو ملتونو د نشهیي توکو او جرمونو پر وړاندې د مبارزې ادارې پر غاړه وه.
د افغانستان کرکټ بورډ اعلان کړی، چې د «الف لوبډلو درې اړخیزې سیالۍ» په لړ کې به افغان ابدالیان سبا د سریلانکا الف لوبډلې پر وړاندې ډګر ته ښکته شي. د افغانستان کرکټ بورډ د معلوماتو له مخې، دغه لوبه به د جون په ۱۹مه د سریلانکا د ډمبولا نړیوال کرکټ لوبغالي کې ترسره شي.
د ملګرو ملتونو د وګړو صندوق (یو این ایف پي ای) وایي چې په افغانستان کې له ګاونډي ایران څخه د جبري ویستنې وروسته نیمروز ولایت ته ستنې شوې ښځې د ملاتړ د خدماتو او د حفظالصحت د کټونو په ترلاسه کولو سره د ژوند د بیا رغونې هڅه کوي.
د افغانستان د بشري حقونو د خپلواک کمیسیون پخوانۍ مشرې شهرزاد اکبر پر اروپايي ټولنې توندې نیوکې کړې او ویلي یې دي چې دغه ټولنه چمتو ده د افغان کډوالو د بېرته شړلو د تضمین لپاره د طالبانو له حکومت سره تعامل وکړي.
د طالبانو تر کنټرول لاندې د افغانستان برېښنا شرکت له اېمپیسه خدماتي مرکز سره شوی تړون فسخ کړی دی. دغه شرکت له اېمپیسه سره د تړون د فسخ کېدو د لامل په تړاو هېڅ وضاحت نهدی ورکړی. اېمپیسه خدماتي مرکز تر دې وړاندې د برېښنا د بېلونو او نورو مالي لګښتونو د راټولولو مسوولیت درلود.
له ۴۰ څخه زیاتو مدني او د بشري حقونو بنسټونو په یوه پرانیستي لیک کې د اروپايي ټولنې له لوړپوړو چارواکو غوښتي چې افغانستان ته د افغان کډوالو ستنول سمدستي ودروي او له هغو تګلارو ډډه وکړي چې د طالبانو د ادارې د مشروعیت سبب ګرځي.
د ملګرو ملتونو د بشري حقونو کارپوهانو له طالبانو غوښتي چې د زوجینو د تفریق په اړه خپله نوې اصولنامه بېرته واخلي او د ښځو او ماشومانو د خوندیتوب لپاره نړیوالو مکلفیتونو ته غاړه کېږدي.
د طالبانو د کانونو او پټرولیم وزارت د خوست ولایت د شمل ولسوالۍ د سورکاڼي په سیمه کې د سرو زرو د یوه کان د استخراج پنځه کلن تړون لاسلیک کړ. دغه تړون د روان ۱۴۰۵ لمریز کال د غبرګولي په ۲۸مه نېټه د یاد وزارت طالب وزیر هدایتالله بدري او د یوه خصوصي شرکت ترمنځ کابل کې لاسلیک شو.
د ملګرو ملتونو د خوړو او کرنې سازمان او د خوړو نړیوال پروګرام د پنجشنبې په ورځ غوښتنه وکړه چې ۲۰۲ میلیونه ډالر دې ورکړل شي، څو په افغانستان او ۲۱ نورو لوړ خطر لرونکو هېوادونو کې شاوخوا ۸،۸ میلیونه خلک له اقلیمي خطرونو او د تودوخې له څپو خوندي شي.
د طالبانو د بهرنیو چارو وزارت مرستیال ویاند ویلي چې د کویت دولت ۲۰ تنه افغان بندیان خوشې کړل او یاد بندیان به نن شپه دوبۍ او وروسته کابل ته ولېږدول شي.
د اوکراین ولسمشر ولادیمیر زېلېنسکي ویلي چې اوکراین او جرمني د بالستیک توغندیو پر ضد د دفاعي وړتیاوو د پراختیا یو تړون لاسلیک کړی او له لوېدیزو متحدانو یې غوښتي چې له دې نوښت سره یوځای شي، څو د ژمي تر رارسېدو مخکې عملي پایلې ترلاسه شي.
د امریکا مرستیال ولسمشر جي ډي وېنس د امریکا او ایران ترمنځ د شوې هوکړې په اړه د اسراییل سخت غبرګون «عجیبه وارخطایي» بللې او ویلي یې دي چې دا دریځ پر امریکا د باور نه درلودو له امله دی.
د روسیې د دولتي اټومي شرکت مشر د پنجشنبې په ورځ ادعا وکړه چې د اوکراین د ډرون برید په ترڅ کې د زاپوریژیا اټومي بټۍ یو مهم کارکوونکی وژل شوی.
په مشهد کې د طالبانو کونسل نورمحمد متوکل د ایران د سویلي خراسان له والي سید محمد رضا هاشمي سره په لیدنه کې د سوداګریزو اړکو پر پیاوړتیا، روغتیايي سیاحت او د بندیانو د لېږد د پروسې په اړه خبرې کړې دي.
د امریکا ولسمشر ډونالډ ټرمپ ویلي، ښايي د اسراییل په راتلونکو ټاکنو کې د دغه هېواد د لومړي وزیر بنیامین نتنیاهو ملاتړ وکړي، خو ټینګار یې کړی چې لومړی باید وګوري چې نور نوماند څوک دي.
د امریکا او ایران ترمنځ د هوکړې سند له ریموټ لاسلیک کېدا وروسته، سویس ته د پاکستان د لومړي وزیر شهباز شریف پلان شوی سفر لغوه شوی دی. د شریف سفر په داسې حال کې لغوه کیږي، چې د پاکستان لوړپوړي ډیپلوماټان، د دولتي ټلویزیون ټیمونه او یو شمېر خبریالان مخکې له مخکې جنیوا ته رسېدلي.
د جرمني د دفاع وزیر بوریس پیستوریوس ویلي چې هېواد یې په هرمز تنګي کې د احتمالي پوځي ماموریت لپاره سره سمندرګي ته دوه بېړۍ لېږلې دي. دا ګام د امریکا د ولسمشر او ایران ترمنځ د هوکړې له لاسلیکېدو سملاسي وروسته د ماین پاکۍ د غوښتنو په ځواب کې پورته شوی دی.