د نشنل انټرېسټ ویبپانې یوه مقاله کې راغلي، منځنۍ اسیا ته د امریکا د بهرنیو چارو وزیر مارکو روبیو وروستی سفر د سیمې له هېوادونو سره د سوداګرۍ او پانګونې پراخ فرصتونه رامنځته کوي، خو په افغانستان کې روان سیاسي او امنیتي کړکېچ د واشنګټن د ستراتیژیکو پلانونو پر وړاندې لوی خنډ دی.
د ترکیې، مصر، پاکستان او سعودي د بهرنیو چارو وزیرانو د جمعې په ورځ (د لړم لومړۍ) په استانبول کې د غونډې پر مهال، د سیمې او منځني ختیځ پر وضعیت خبرې کړې دي. دوی په یوې ګډې اعلامیې کې په غزه کې د اوربند او د هُرمز تنګي د پرانیستلو د غوښتنو ترڅنګ پر سعودي د حوثیانو بریدونه غندلي دي.
د افغانستان د کرېکټ ملي لوبډلې د یو ورځنیو درې اړخیزو نړۍوالو سیالیو په پایلوبه کې زېمبابوې ته د ۷ وېکټو په توپیر په ماتې ورکولو سره د دغې لوبلړۍ اتلولي وګټله. دا پایلوبه نن (جمعه د لړم لومړۍ) د متحده عربي امارات په شارجه کرېکټ لوبغالي کې ترسره شوه.
د «بشپړ او سراسري امنیت» د ټینګولو له ادعاوو سره- سره طالبانو په ارزګان کې د امنیتي اندېښنو له امله، د جمعې لمانځه لپاره اړوندو جوماتونو ته وسلهوال ساتونکي ګومارلي دي. په ارزګان کې د طالبانو امنیه قومندانۍ ویلي، چې د جمعې لمونځ هم د دوی د ساتونکو تر څارنې لاندې ترسره شوی دی.
د طالبانو په عایداتي ادارو کې د پراخ فساد د موجودیت له ادعاوو سره هممهاله؛ په هلمند کې طالب چارواکو په بانکي بڼه د ترانسپورټي عوایدو د راټولولو له هڅو خبر ورکړی دی. یو شمېر موټر چلوونکي خوښ دي، چې دا کار به ترې د طالب جنګیالیو د ناقانونه پیسو اخیستلو فشار را کم کړي.
په ملګرو ملتونو کې د افغانستان د دایمي استازولۍ سرپرست نصیر احمد فایق د عمومي اسامبلې د ۸۱مې غونډې د درېیمې کمېټې په ناسته کې وویل، چې د طالبانو تر واکمنۍ لاندې په افغانستان کې مذهبي ازادۍ له سختو او مخ پر زیاتېدونکو محدودیتونو سره مخ دي.
د پاکستان د بهرنیو چارو وزیر اسحاق ډار په استانبول کې د سعودي عربستان، ترکیې، مصر، بریتانیا او فرانسې د بهرنیو چارو له وزیرانو سره په جلا جلا لیدنو کې د منځني ختیځ د کړکېچ، سیمهییز امنیت او د سولې ټینګښت لپاره د ډیپلوماسۍ پر اهمیت ټینګار کړی دی.
په مسکو کې مېشت امریکایي شنونکی انډریو کورېبکو وایي، که واشنګټن د بګرام هوايي اډې کنټرول بېرته تر لاسه کړي، نو د مسکو، چین او ایران ستراتیژیکې ګټې به زیانمنې شي. د ده په وینا، په افغانستان کې د مخالفو وسلهوالو ډلو په ملاتړ د پاکستان نیابتي جګړه کولای شي منځنۍ اسیا بېثباته کړي.
د پاکستان ولسمشر جرمني ته د سفر پر مهال له خپل جرمن سیال سره لیدنه کې د افغانستان په تړاو هم خبرې کړې دي. هغه ادعا کړې، چې له افغانانو سره ستونزه نهلري، خو خاوره یې باید د پاکستان خلاف ونهکارول شي. د جرمني د ولسمشر دفتر نهده تایید کړې، چې د افغانستان په اړه خبرې شوې وي.
د سمیع سادات په مشرۍ متحدې جبهې ادعا کړې چې د کندهار ولایت د دامان ولسوالۍ د حجران کاریز په سیمه کې یې یو طالب وژلی دی.
د ۱۹۶۵ کال په اکټوبر کې، چې رقیه حبیب ابوبکر، اناهیتا راتبزاد، خدیجه احراري او معصومه عصمتي وردګ د افغانستان د ولسي جرګې غړې شوې، د هېواد په پارلماني تاریخ کې یې د ښځو لپاره یوه نوې دروازه پرانیسته.
د پاکستان د لومړي وزیر د سیاسي چارو سلاکار رانا ثناالله د دغه هېواد سیاسي ګوندونو ته خبرداری ورکړی چې که په پوره اخلاص له امنیتي ځواکونو سره ونه درېږي، له سیاسي صحنې به لرې کړل شي.
د طالبانو د المپیک او بدني روزنې اداره وايي، چې د یادې ادارې رییس احمدالله وثیق د روسیې په ۱۴م نړیوال ورزشي فورم کې ګډون کړی. دا غونډه د «روسیه، د ورزش هېواد» تر شعار لاندې جوړه شوې او هدف یې د هېوادونو ترمنځ د ورزشي اړیکو پیاوړي کول او د تجربو شریکول بلل شوي.
د اسراییل پوځ اعلان کړی چې د جمعې په ورځ، د لړم په لومړۍ نېټه د اردن سیند په لوېدیځه غاړه کې د الخلیل ښار ته نږدې په یوه وسلهوال برید کې دوه اسراییلي سرتېري وژل شوي او درې نور ټپیان شوي دي.
د افغانستان د ۱۹ کلنو کرېکټ لوبډلې د بنګله دېش لوبډلې ته د یو ورځنیو سیالیو په وروستۍ لوبه کې د څلورو ویکټو په توپیر ماتې ورکړه او د څلورو یو ورځینو سیالیو لوبلړۍ ۲ـ۲ مساوي پای ته ورسېده.
د طالبانو ویاند ذبیحالله مجاهد وايي، چې پاکستاني چارواکي د خپلو امنیتي مسوولیتونو د ناکامۍ پټولو لپاره پر افغانستان تورونه لګوي. مجاهد ویلي، د دې پر ځای چې پاکستاني چارواکي د خپل هېواد پر امنیت تمرکز وکړي، د افغانستان د ناامنه کولو په پروژو مصارف کوي.
د اُردن دولتي ټلویزیون راپور ورکړی، چې په کرک ښار کې په یوې کلیسا کې د جنازې د مراسمو پر مهال د وسلهوالو په برید کې لږ تر لږه ۷ کسان وژل شوي او ۳۴ نور ټپیان شوي دي.
د پاکستان د بهرنیو چارو وزارت ویاند وایي، دمګړۍ له افغان طالبانو سره د مذاکراتو په تړاو هیڅ نوی وړاندیز تر بحث لاندې نشته او تر هغې چې طالبان له خپلې خاورې د پېښېدونکو ګواښونو مخنیوی ونه کړي، نورې خبرې اترې به کومه عملي ګټه او مثبته پایله ونه لري.
په نیویارک کې د ملګرو ملتونو په مرکزي دفتر کې د افغانستان انټرنشنل خبریالې مریم رحمتي په ۲۰۲۶ کال کې د ملګرو ملتونو د خبریالانو د ټولنې د برنزو جایزه وګټله.
د فرانسې د کورنیو چارو وزیر لوران نونیز وايي، د شنبې ورځې د لاریونونو د امنیت لپاره به په ټول هېواد کې ۷۰ زره امنیتي ځواکونه ځای پر ځای شي. نوموړي د افراطي کیڼ اړخو له لوري د لوټمارۍ او تاوتریخوالي د زیاتېدو خبرداری ورکړی.
د روسیې دولتي اژانس د دغه هېواد د دفاع وزارت له قوله راپور ورکړی چې روسیې او اوکراین ۲۷۰ جنګ بندیان سره تبادله کړي دي.