طالبان وایي، په تېرو ۴۸ ساعتونو کې په بېلابېلو ولایتونو کې د سختو بارانونو او سېلابونو له امله ۹ کسان مړه او ۱۱ نور ټپیان دي. بل لور ته زیانمن شوي خلک وایي، د طبیعي پېښو د مخنیوي لپاره د اساسي زیربناوو او وقایوي پروژو نشتوالی د دې تکراري مرګژوبلې او ویجاړیو اصلي لامل ګرځي.
د خيبرپښتونخوا اعلی وزير سهيل اپريدي، یو ځل بيا په پښتنه خاوره د «ډالري جګړې» خبره تکرار کړې او ويلي یې دي، د بنو په وسله وال بريد کې د وژل شوو د اولادونو د يتيمولو مسول هغه خلک دي چې په بندو کوټو کې پرېکړې کوي.
د ملګرو ملتونو د بشري مرستو د همغږۍ دفتر(اوچا) وایي، چې په بلخ او جوزجان ولایتونو کې یې له ۲۷زرو څخه ډېرو کسانو ته ژوند ژغورونکې بشري مرستې رسولې دي.
د اوکراین ولسمشر ولادیمیر زیلنسکي وایي، د روسیې له خوا د جګړې پر مهال روسیې او تر خپلې ولکې لاندې سیمو ته د لېږدول شویو اوکرایني ماشومانو د بېرته ستنولو لپاره جوړ نړیوال ایتلاف لا پراخ شوی او اوس نږدې ۵۰ هېوادونه پکې شامل دي.
د افغانستان د دموکراتیک او مدني ځواک غورځنګ مشر مسعود عامر ویلي، په افغانستان کې د بشري حقونو پراخ نقض او بېقانونۍ جدي اندېښنې رامنځته کړي او د اوسني وضعیت عادي کول د بېعدالتۍ د منلو په معنا ده.
د افغانستان د پخواني جمهوري نظام د ځانګړو ځواکونو قومندان سميع سادات وایي، طالبان افغانستان د نړۍ له رسنیو، انټرنېټي شبکو او نړیوالو اړیکو څخه د جلا کولو پر لور روان دي. د نوموړي په وینا په دې سره به طالبان هېواد د سیمې په «توره تشه» او د افراطیت او ترهګرۍ په خوندي مرکز بدل کړي.
د هند لومړی وزیر نریندرا مودي د مې له ۱۵مې تر ۲۰مې پورې د پنځو هېوادونو سفر پیلوي. د هند د بهرنیو چارو وزارت ویلي، مودي به لومړی د مې پر ۱۵مه متحده عربي اماراتو ته ولاړ شي او وروسته به هالنډ، سویډن، ناروې او ایټالیا ته سفر وکړي.
سپینې ماڼۍ د ټېسلا مشر ایلان ماسک او د اپل شرکت اجرایه رییس ټیم کوک ته بلنه ورکړې چې چین ته د ډونالډ ټرمپ په مشرۍ د تلونکي پلاوي ملتیا وکړي.
د امریکا ولسمشر ډونالډ ټرمپ ویلي چې په ایران کې «لیوني کسان» غواړي جګړه دوام ومومي، خو ټینګار یې کړی چې «ایران هېڅکله اټومي وسله نه شي لرلای، ځکه دا به ټول منځنی ختیځ او اسراییل له سخت ګواښ سره مخ کړي».
د طالبانو د لوړو زده کړو وزیر ندا محمد ندیم د روسیې او اسلامي نړۍ کنفرانس کې د ګډون لپاره د روسیې تاتارستان جمهوریت کازان ښار ته لاړ . د دې غونډې په څنډه کې به د طالبانو او روسیې ترمنځ د ګډ اقتصادي او سوداګریز کمېسیون لومړنۍ ناسته هم وشي.
د طالبانو د سوداګرۍ وزیر په مشرۍ یو پلاوی د روسیې د کازان فورم په څنډه کې د مسکو او کابل د سوداګریزو-اقتصادي همکاریو په لومړۍ کاري غونډه کې برخه اخلي، چې تمرکز یې پر اقتصادي اړیکو او ترانزیټي دهلېزونو دی. د طالبانو یو استازی قدرت الله زرمتی د سپورټي همکاریو په غونډه کې ګډون کوي.
د طالبانو د کور او ښارجوړونې وزیر نجیبالله حیات حقاني وایي، چې په کابل ښار کې د استقلال ښارګوټي د پاتې ۱۴۶ اپارتمانونو د بیارغونې چارې د تېر نظام «د ادارې فساد» له امله درېدلې وې. نوموړي ویلي، چې د کابل ماسټر پلان منظور شوی او د کابل پخواني پلانونه به هم بیا وڅیړل شي.
د طالبانو د بهرنیو چارو وزیر امیر خان متقي په کابل کې د چین له ځانګړي استازي یو شیاوینګ سره په لیدنه کې د ارومچي خبرو پر پرمختګ بحث کړی دی. د چین ځانګړي استازي ویلي، چې د دې بهیر راتلونکی پړاو باید عملي پایلې ولري او د باور جوړونې لپاره جدي ګامونه واخیستل شي.
طالبان وایي، چې د نورستان ولایت د نورګرام ولسوالۍ په یوه داوطلبۍ کې یې ۲۴۲ کیلوګرامه بېروچ ډبرې د نږدې ۲۵ میلیونه افغانیو په بدل کې پلورلې دي. خو د نړیوال بازار د قیمت له مخې، دا بیه د نړۍوال بازار له اوسط قیمت څخه نږدې ۴۵ تر ۵۰ سلنې کمه ده.
د لبنان ولسمشر له امریکا غوښتي چې پر اسراییل فشار زیات کړي چې اوربند مراعات وکړي او په جنوبي لبنان کې بریدونه او د کورونو نړول ودروي. د لبنان د روغتیا وزارت ویلي چې یوازې په تېرو درې ورځو کې د اسراییلي بریدونو له امله ۷۴ کسان وژل شوي.
د طالبانو د عامې روغتیا وزارت وايي، چې په کابل کې د سرطان د تشخیص ملي روغتون ته هره ورځ شاوخوا ۲۰۰ تنه ناروغان د درملنې او طبي مشورو لپاره مراجعه کوي. په دغه روغتون کې د جراحي، راډیولوژي او ارواپوهنې په ګډون بېلابېلې څانګې فعالیت کوي.
د ملګرو ملتونو د نشه يي توکو او جرمونو ضد دفتر ویلي چې د (جیکا) ادارې په ملاتړ یې د افغانستان د سوداګرو یو پلاوی ازبکستان ته لېږلی، چې د پنبې صنعت په برخه کې سوداګریزې اړیکې پیاوړې کړي او په افغانستان کې د کوکنارو د کښت پر ځای د پنبې کرنه د دوامدار بدیل په توګه وده وکړي.
د طالبانو د کانونو او پټرولیم وزارت وایي، چې د نورستان په نورګرام ولسوالۍ کې د داوطلبي له لارې ۲۴۲ کیلوګرامه بېروج ډبرې د نږدې ۲۵ میلیونه افغانیو په ارزښت پلورل شوې دي. طالبانو ویلي چې له دې درکه شاوخوا ۲،۴ میلیونه افغانۍ د دوی د حکومت عوایدو ته ځي.
د طالبانو او ایران اړیکه چې یو وخت پوځي تقابل ته رسېدلې وه، نن د غلي تعامل په چوکاټ کې تعریفېږي. طالبان، چې ځان د سني اسلام استازي ګڼي او د ایران نظام، چې د شیعه نړۍ له مهمو قدرتونو شمېرل کېږي، اوس داسې اړیکه پالي، چې د مذهبي اختلافونو پر ځای پکې دوه اړخیزې اړتیاوې غالبې دی.
ټرمپ د امریکا د سولې وړاندیز ته د ایران ورکړل شوی ځواب په چټکۍ رد کړی. ایران ویلي چې جګړه باید په ټولو جبهو کې پای ته ورسېږي او امریکا د جګړې د زیانونو جبران ور کړي. تهران په هرمز تنګي کې پر خپل حاکمیت ټینګار کړی او له امریکا یې غوښتي چې سمندري بندیز پای ته ورسوي.
د بښنې نړیوال سازمان د درې افغان خبریالانو پر غیرقانوني نیولو او جبري تري تم کېدو اندېښنه ښودلې ده. یاد سازمان وایي، چې دا ډول پېښې په افغانستان کې د خبریالانو او رسنیو پر وړاندې د وېرې اچونې او غچ اخیستنې د دوامدارې لړۍ برخه ښکاري.