د تېر جمهوري نظام پرمهال د اطلاعاتو او کلتور وزیر عبدالکریم خُرم د پاکستان د دفاع وزارت د پخوانۍ سلاکارې ماریا سلطان د وروستیو څرګندونو په غبرګون کې ویلي، چې پاکستان هڅه کوي د افغان هویت او تاریخ پرضد تبلیغات وکړي.
د خیبر پښتونخوا سر وزیر سهیل اپریدي د مولانا ادریس وژنه یوه لویه ضایعه ګڼلې او ټينګار یې کړی، چې سولې ته د رسېدو لپاره یووالي ته اړتیا ده. هغه ویلي چې په تېرو څه باندې دوو لسیزو کې دیني عالمان، قبایلي مشران، ځوانان او اغېزمن شخصیتونه په پرلهپسې توګه په نښه شوي دي.
د جمعیت علمای اسلام ګوند د مولانا ادریس د وژنې په اړه د پولیسو پلټنو له بهیر څخه ناخوښي څرګنده کړه او ویلي یې دي، چې د دریېو ورځو په تېریدو لاهم د یادې پېښې په پلټنه او څېړنه کې کوم پرمختګ نهدی شوی.
په داسې حال کې چې افغانستان له اقتصادي ناورین، اداري کمزورتیا او د عامه خدمتونو له جدي ستونزو سره مخ دی، د طالبانو د لوړو زدهکړو وزیر ندامحمد ندیم له کندهار پوهنتون څخه د لیدنې پرمهال اعلان کړی چې د پوهنتون یوشمېر محصلین به دولتي ادارو ته د مامورینو په توګه معرفي شي.
ګارډین ورځپاڼې د بشري حقونو سازمانونو او ځایي خلکو ته د نږدې سرچینو په حواله راپور ورکړی، چې ایران نږدې هره ورځ په پټه او ښکاره بندیان اعداموي. د راپور له مخې؛ تېرکال په ایران کې لږترلږه ۱۶۰۰ اعدامونه ثبت شوي، چې ځینې یې د لاریونونو پرمهال یا د امنیتي تورونو له امله ترسره شوي دي.
د افغانستان د غېږنیونې فدراسیون اعلان کړی، چې د بلخ ولایت په مزارشریف ښار کې د بېلابېلو عمرونو او وزن په کټګوریو کې د «ګل سرخ» جام د غېږنیونې سیالۍ ترسره شوې. د غېږنیونې فدراسیون د خبرپاڼې له مخې؛ په دغه سیالیو کې د کابل، پروان او بلخ ولایتونو ۸۰ لوبغاړو برخه اخیستې وه.
په لوګر کې د طالبانو د امنیې قوماندانۍ رسنیر دفتر ویلي، چې په دغه ولایت کې د دوو ټرافیکي پېښو له امله ۱۳ کسان ټپیان شوي. یاد دفتر زیاته کړې، لومړۍ پېښه د دغه ولایت مرکز پل علم اړوند په کمبزي سیمه کې شوې چې له امله یې ۱۲ کسان ټپيان شوي دي.
د افغانستان په چارو کې د ازبکستان د ولسمشر ځانګړي استازي عصمتالله اېرګاشف د پنجشنبې په ورځ (د غویي ۱۷مه) د جایکا ادارې د سویلي اسیا برخې له عمومي مشر تتسویا یامادا سره لیدلي. دواړه خواوو په دغه لیدنه کې په افغانستان کې د ټولنیزې او اقتصادي پراختیا پر ګډو پروژو خبرې کړې.
د طالبانو د کډوالو د دایمي مېشتېدنې او د ځمکو وېش کمېټې خبر ورکړی، چې د تېرې یوې اونۍ په ترڅ کې یې د هېواد په یوشمېر ولایتونو کې پر ۹زره او ۳۵۲ راستنو شویو کډوالو کورنیو د استوګنې نمرې وېشلې دي.
په بلوچستان ایالت کې د درېیو جلا ټرافیکي پېښو له امله د ښځو او ماشومانو په ګډون ۹ کسان مړه او ۳۳ نور ټپیان شوي دي. دغه پېښې د بلوچستان په خضدار، کلات او مراد جمالي سیمو کې شوې دي.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، تېره ورځ (د غویي ۱۷مه) ۸۷۰ کډوالې کورنۍ چې ټولټال ۴زره او ۵۶۷ کسان کېږي؛ له ایران او پاکستان نه افغانستان ته ستنې شوې دي.
د سعودي عربستان رسنیو خبر ورکړی، د دغه هېواد امنیتي ځواکونو هغه پنځه افغانان نیولي چې غوښتل یې په ناقانونه توګه مکې ته داخل شي. راپورونه زیاتوي، چې نیول شویو کسانو د حج د مقرراتو خلاف د یوې صحرايي سیمې له لارې مکې ته د ننوتو هڅه کوله.
د پېښور سترې محکمې هغه پاکستاني وګړي ته د برېښنایي پېژندپاڼې د ورکړې امر کړی، چې کلونه وړاندې یې د مرستو ترلاسه کولو په موخه جعلي افغان تابعیت کارت جوړ کړی و. دغه کس په ۱۹۸۰کال کې د افغان کډوالو لپاره د نړۍوالو مرستو ترلاسه کولو په موخه جعلي افغان تابعیت کارت جوړ کړی و.
د پاکستان د پنجاب ایالت په ډېره غازي خان سیمه کې د یوه خصوصي ښوونځي د ټولګي چت پرېوتو له امله لږترلږه څلور ماشومان مړه او شاوخوا ۲۰ نور ټپیان شوي دي. پاکستاني رسنیو راپور ورکړی، په ټپیانو کې ۱۶ زدهکوونکي، دوه ښوونکي او دوه کارګر شامل دي.
د خیبر پښتونخوا په باجوړ ولسوالۍ کې د پنجشنبې په ماښام د پاکستان امنیتي ځواکونو او وسلهوالو ترمنځ په نښته کې دوه ماشومان وژل شوي او څلور نور ټپیان دي. دغه پېښه هغه مهال رامنځته شوه، چې د پاکستان امنیتي ځواکونو په سیمه کې د شکمنو وسلهوالو پر وړاندې عملیات ترسره کړل.
د امریکا مرکزي قوماندانۍ وايي، چې امریکایي ځواکونو د هرمز تنګي له لارې په عمان سمندر کې د درېیو امریکایي جنګۍ بېړیو پرمټ د ایران د توغندیزو، ډرون او کوچنیو کښتیو بریدونه شنډ کړي او بیا یې په یاد هېواد کې د دغه بریدونو پر اصلي سرچینو هم بریدونه کړي دي.
د «افغان ښځو د تاریخ بدلون غورځنګ» د یوې اعلامیې په خپرولو سره په افغانستان کې د ښځو پر وړاندې د تاوتریخوالي، هدفي وژنو او د بشري حقونو د پراخې او سیستماتیکې سرغړونې په اړه ژوره اندېښنه څرګنده کړې ده.
ټاکل شوې ده، چې افغان لوبغاړي به د جاپان په ناګویا کې د اسیایي لوبو لپاره په غوراوي سیالیو او د سعودي عربستان په ریاض کې اسیایي لوبو کې برخه واخلي. دغه سیالۍ به د لویانو په کټګورۍ کې د ازاده سیالیو په اماتور برخه کې د روان کال د مئ له ۲۲مې تر ۲۵مې نېټې ترسره شي.
یوشمېر افغان پناهغوښتونکو د ترکيې سرحدي ځواکونه تورن کړي، چې د ایران او ترکیې پر پوله یې د دوی پر وړاندې له وهلو او ربړونې کار اخیستی. د افغانستان انټرنشنل لهخوا په ترلاسه شوې ویډیو کې دغه کډوال وايي، چې د ترکيې سرحدي ځواکونو «د کډوالو غوږونه پرې کړي دي».
د پاکستان د خلکو ګوند(پي پي پي) مشر ادعا لري، چې پاکستان کې د ترهګریزو بریدونو ريښه افغانستان کې شته سازمانونو ته رسېږي او په باور یې یاد سازمانونه د هند له ملاتړ هم برخمن دي. طالبانو او هند په وار وار د پاکستان دغه ډول ادعاوې رد کړي او امنیتي مسایل یې د پاکستان کورنۍ مساله بللې.
سي این این شبکې د یوې سیمهییزې سرچینې له قوله راپور ورکړی، چې تمه ده ایران به د پنجشنبې په ورځ د جګړې د پای ته رسولو لپاره د امریکا وړاندیز ته خپل ځواب د منځګړو له لارې وړاندې کړي.