ټاکل شوې ده، چې افغان لوبغاړي به د جاپان په ناګویا کې د اسیایي لوبو لپاره په غوراوي سیالیو او د سعودي عربستان په ریاض کې اسیایي لوبو کې برخه واخلي. دغه سیالۍ به د لویانو په کټګورۍ کې د ازاده سیالیو په اماتور برخه کې د روان کال د مئ له ۲۲مې تر ۲۵مې نېټې ترسره شي.
یوشمېر افغان پناهغوښتونکو د ترکيې سرحدي ځواکونه تورن کړي، چې د ایران او ترکیې پر پوله یې د دوی پر وړاندې له وهلو او ربړونې کار اخیستی. د افغانستان انټرنشنل لهخوا په ترلاسه شوې ویډیو کې دغه کډوال وايي، چې د ترکيې سرحدي ځواکونو «د کډوالو غوږونه پرې کړي دي».
د پاکستان د خلکو ګوند(پي پي پي) مشر ادعا لري، چې پاکستان کې د ترهګریزو بریدونو ريښه افغانستان کې شته سازمانونو ته رسېږي او په باور یې یاد سازمانونه د هند له ملاتړ هم برخمن دي. طالبانو او هند په وار وار د پاکستان دغه ډول ادعاوې رد کړي او امنیتي مسایل یې د پاکستان کورنۍ مساله بللې.
سي این این شبکې د یوې سیمهییزې سرچینې له قوله راپور ورکړی، چې تمه ده ایران به د پنجشنبې په ورځ د جګړې د پای ته رسولو لپاره د امریکا وړاندیز ته خپل ځواب د منځګړو له لارې وړاندې کړي.
په فرانسه کې مېشتو یو شمېر جلاوطنه افغان خبریالانو د «نیمروز» په نوم نوې ټلوېزیوني شبکه جوړه کړې ده. د دې رسنۍ مسوولان وايي، چې د دغه ټلوېزیون تمرکز به د افغانستان، سیمې او نړۍ د مهمو پېښو پر پوښښ وي.
هلمند کې د فاطمه بیات د نسايي ولادي ۵۰ بستریز روغتون مسوولین وايي، دمګړۍ د طبي وسایلو او متخصص ډاکټرانو له کمښت، د درملو له نشتوالي او بودجوي محدودیتونو سره مخ دي. د هلمند لپاره طالب مسوولینو د یادو ستونزو په تایید سره ویلي، چې د یاد روغتون د سمبالښت لپاره به یوه موسسه ومومي.
د سعودي عربستان د حج مراسمو امنیتي ځواکونو اعلان کړی، چې پنځه افغانان یې د حج د اصولو د سرغړونې په تور نیولي دي. دغو کسانو هڅه کوله چې د حج له قانوني جواز پرته، په پلي ډول مکې مکرمې ته ننوځي.
د امریکا ولسمشر ډونالډ ټرمپ د امریکا له اېبيسي نیوز شبکې سره د هُرمز تنګي د وروستیو نښتو په اړه ویلي، چې «اوربند پای ته نه دی رسېدلی او لا هم پر خپل ځای پاتې دی». ټرمپ پر ایران د امریکا وروستي بریدونه «یوازې یو سپک ګوزار» بللی دی.
د هرات ولایت لپاره د طالبانو د رسنیو دفتر وایي، د دغه ولایت د درملیزو او روغتیايي محصولاتو د کیفیت ازمویلو لابراتوار لپاره د شاوخوا ۵ میلیونه ډالرو په ارزښت پرمختللي وسایل پېرل شوي دي. خو د دغو ۵ میلیونه ډالرو د بودجې د څرنګوالي په تړاو یې هېڅ هم نهدي ویل شوي.
رسمي روغتیايي سرچینو د پنجشنبې په ماښام افغانستان انټرنشنل - پښتو ته ویلي، چې د هرات ـ کندهار پر لویه لاره د یوه مساپر وړونکي بس د چپه کېدو له امله «لږ تر لږه دوه تنه وژل شوي او ۳۰ نور ټپیان دي». د یوې سرچینې په وینا، په دې پېښه کې د ۱۰ ټپیانو روغتیايي وضعیت نازک ښودل شوی دی.
د جمهوري نظام پر مهال د ملي امنیت ادارې مشر رحمت الله نبیل ویلي، افغانستان د تېرو څه باندې څلورو لسیزو جګړو، بهرنیو لاسوهنو او نیابتي جګړو سره سره لا هم پر خپل ځای ولاړ دی او د هغه په وینا د طالبانو واکمني به هم یوه ورځ پای ته ورسېږي، خو افغانستان به تلپاتې وي.
د جمهوري نظام پر مهال په پاکستان کې د افغانستان پخواني سفیرعاطف مشعل ویلي، د افغانستان د حاکمیت درناوی او د دغه هېواد په کورنیو چارو کې نه لاسوهنه د سیمې د ثبات، اقتصادي همکاریو او ګډې هوساینې لپاره تر ټولو عملي او اغېزمنه لاره ده.
د سپاه پاسداران د خاتمالانبیا د مرکزي قرارګاه ویاند امریکا تورنه کړه چې د هُرمز تنګي کې یې د ایران د تېلو یوه بېړۍ او یوه بله کښتۍ په نښه کړې او په دې سره یې اوربند مات کړی دی.
د جمهوري نظام پر مهال د ولسي جرګې پخوانۍ غړې انارکلي هنریار ویلي، افغانستان د طالبانو تر واکمنۍ لاندې د ښځو لپاره په «وینې تویونکي زندان» بدل شوی او د ښځو پر وړاندې تاوتریخوالی ورځ تر بلې زیاتېږي.
د لغمان ولایت په لرې پرته او غرنیزه ولسوالۍ دولت شاه کې اوسېدونکي وایي، چې د طالبانو د واکمنۍ له پیلېدو وروسته د بنسټیزو پراختیايي پروژو نشتوالي او د اقتصادي فرصتونو کمښت د دوی ژوند له جدي ستونزو سره مخ کړی او دا سیمه له پرمختیايي پاملرنې لرې پاتې شوې ده.
د ايران د پلازمېنې تهران او د دغه هېواد د سوېلي سيمو څخه رسېدلي راپورونه ښيي، چې د جمعې ورځې په سهار وختي د ایران په ځینو ښارونو کې بيا هم د چاودنو غږونه اورېدل شوي او د هوايي دفاع سيستمونه فعال پاتې دي.
د کاناډا لومړي وزیر یو ځل بیا په غزه کې د روان بشري ناورین په اړه ژوره اندېښنه څرګنده کړه او په لویدیځه غاړه کې یې د اسراییلي ښارګوټو له پراخولو سره خپل مخالفت تکرار کړ. نوموړي دغه څرګندونې د فلسطین له ولسمشر سره په ټېلیفوني خبرو کې کړې دي.
د افغانستان رزمي لوبغاړی فريد بشارت يو ځل بيا د «يو اېف سي» سياليو ته د چمتووالي په حال کې دی. ټاکل شوې، چې نوموړی به د امريکا له ځواکمن مبارز اټين اوينګ سره مخامخ شي.
له قطر څخه کانګو ته د افغان پناه غوښتونکو د احتمالي لېږلو په درشل کې د ملګرو ملتونو سرمنشي انټونیو ګوترېش ویلي، کډوالي بحران نهدی، بلکې بحران د کډوالۍ د مدیریت څرنګوالی دی. بل لور ته امریکا غواړي چې شاخوا ۱۱۰۰ افغان پناه غوښتونکي له قطر څخه کانګو ته ولېږدوي.
ځايي باخبره سرچينو افغانستان انټرنشنل ته ويلي، طالبانو د پنجشنبې په ورځ د (غویي ۱۰مه) د پخواني جمهوري نظام يو پوځي افسر عبدالقدير سکندري د پنجشير ولايت د مسګرانو په سيمه کې نيولی دی.
د سياېای پخوانۍ مامورې سارا اډمز ویلي، د افغانستان په ننګرهار ولایت کې د داعـ. ـش خراسان څانګې د مالي کمېسیون په جوړښت او فعالیتونو تر اوسه د طالبانو د عملیاتو کوم څرګند اغېز نه دی لیدل شوی او د دغه ډلې مالي شبکه لا هم د ننګرهار په اچین ولسوالۍ کې فعاله ده.