د هند لومړي وزیر نرېندرا مودي د نوي ډیلي په کوربهتوب د برېکس په سرمشریزه کې وویل، چې د نړیوالې سوداګرۍ د ودې او د مالونو د لېږد رالېږد لپاره د سمندري لارو امنیت او د کښتیو د کارکوونکو خوندیتوب ډېر مهم دی.
د ایران ولسمشر وايي، چې د ایران ولس به وسله پر ځمکه کېنږدي او هېڅکله به امریکا او اسراییل ته تسلیم نهشي. نوموړي په نوي ډیلي کې د برېکس غونډې په څنډه کې په یوې غونډه کې د ایران پر یوه ښوونځي د امریکا او اسراییل د هغو بریدونو یادونه هم وکړه، چې پهکې ۱۶۸ ماشومان ووژل شول.
په تاجکستان کې د افغانستان د جمهوري نظام سفیر ظاهر اغبر دغه هېواد کې د سامانیان د عمومي تعلیماتو د ښوونځي د نوي تعلیمي کال د پیل مراسمو کې په افغانستان کې له زدهکړو د نجونو پر محرومیت له اندېښنې څرګندولو سربېره ټينګار وکړ، چې د افغانستان راتلونکی د ځوان نسل تعلیم پورې تړلی دی.
رویټرز راپور ورکړی، چې روسي ځواکونو د جمعې په ورځ (د وږي ۲۰مه) د اوکراین د پلازمېنې کېیف د تېلو پر دوو زېرمو جېټ ته ورته بېپیلوټه الوتکو په وسیله بریدونه کړي او په پایله کې یې دوه کسان هم وژل شوي دي. د اوکراین ولسمشر ولادیمیر زیلېنسکي بیا د روسیې دغه بریدونه «ترهګریز» بللي دي.
د امریکا د ملي امنیت پخواني سلاکار جان بولټن د سپټمبر د ۱۱مې د بریدونو د ۲۵مې کلیزې په مناسبت خبرداری ورکړی، چې د ترهګرۍ ګواښ لا هم پر ځای دی. په افغانستان کې د اروپايي ټولنې پخوانی ډېپلوماټ مایکل سمپل بیا وايي، افغان طالبان اوس تر القـ.ـاعده شبکې لوی ګواښ دی.
فرانس پرېس خبري اژانس راپور ورکړی، چې حوثيانو له يوې اونۍ پرمختګ وروسته د بابالمندب تنګي يمني برخه، د سره سمندرګي په اوږدو کې د دې هېواد ټولې ساحلي سيمې او درې ستراتيژیک ټاپوګان نیولي دي. د امریکا د سینټکام قومندان بیا په یمن کې د حوثیانو د پرمختګ څېړلو لپاره سعودي ته سفر کړی.
د افغانستان لپاره د پاکستان پخوانی ځانګړی استازی اصف دُرانی ادعا کوي، چې له القـاعده او داعـش سربېره افغانستان کې بېلابېلې ترهګرې ډلې فعالې او د طالبانو له ملاتړه هم برخمنې دي. هغه زیاتوي، چې د پاکستان ضد ډلې ټيټيپي او بلوڅ بېلتونپال هم افغانستان کې پناه ځایونه لري.
په افغانستان کې د اروپايي ټولنې پخوانی ډېپلوماټ مایکل سمپل له افغانستان انټرنشنل سره په مرکه کې ویلي، که څه هم اوس مهال د القـاعدې شبکې غړي په افغانستان کې شته، خو دا ډله اوس له زوره لوېدلې او دومره لوی ګواښ نهدی. هغه زیاتوي، چې افغان طالبان اوس تر القـاعده شبکې لوی ګواښ دی.
په امريکا کې د دايمي استوګنې لرونکې افغانه نذيره حاجيزاده له داعـ.ـش څخه په الهام اخیستنې د یوه برید له طرحې سره داړیکو تور له منلو وروسته، د محکمې په حکم له امريکا واېستل شوه. دا په تېرو شاوخوا درېیو لسيزو کې له امريکا څخه د يوه «بهرني ترهګر» د اېستلو لومړی قضايي حکم دی.
د پاکستان د طبیعي پېښو او ژغورنې اداره وایي، چې د کراچۍ په اورنګي ټاون مومن اباد سیمه کې د یوه دولتي ښوونځي د زاړه دېوال د نړېدو له امله ۵ کسان مړه شوي او ۲ نور ټپیان دي. ځايي پولیس وايي، د دغه دېوال سیخونه د روږدو کسانو له لوري اېستل شوي او دېوال هم د کمزورۍ له امله رالوېدلی دی.
د تورخم لپاره طالب مسوولین وايي، د افغان کډوالو د کډې د یوه لېږدونکې ۱۰ ټایره موټر په پلټنه کې یو شمېر وسلې، مهمات او نشهيي توکي ترلاسه کړي دي. د مسوولینو په وینا، د یادو توکو د لېږد په تړاو د موټر چلوونکی نیول شوی دی.
د هلمند لپاره د طالبانو د عامې روغتیا ریاست مسوولین وايي، د دغه ولایت په بهرامچې ولسوالۍ کې یې ۱۳۷۳ کیلوګرامه تاریخ تېر درمل او خوراکي توکي راټول او نن (جمعه د وږي ۲۰مه) لهمنځه یووړل. د مسوولینو په وینا، دغه توکي په تېرو ۲ ورځو کې د بهرامچې ولسوالۍ له بېلابېلو سیمو راټول شوي وو.
د جمهوریت پر مهال د ارګ د دفتر رییس عبدالکریم خُرم په پاکستان کې د افغان محصلینو د درسونو د بندولو پرېکړې په غبرګون کې ویلي، په همدې تړاو د پاکستاني محصلینو، مدني فعالانو او ځینو سیاسي شخصیتونو مخالفت وښوده، چې د دواړو هېوادونو ولسونه په سوله او دوستۍ کې ژوند کول غواړي.
د بښنې نړیوال سازمان له پاکستاني چارواکو غوښتي چې په اسلاماباد کې د تري تم شوي افغان خبریال سید قاسم هاشمي او هنرمند حامد احساس د قضیه په بېړني ډول وڅېړي او د هغوی د ځای او برخلیک په اړه دې معلومات ورکړي.
د انرژۍ نړیواله اداره وايي، د سعودي عربستان د تېلو صادرات په څه باندې درېیو لسیزو کې تر ټولو ټیټې کچې ته رسېدلې او د اګسټ میاشتې کچه د ریاض له اعلان شوې شمېرې هم کمه وه.
د امریکا د دفاع وزیر پیټ هېګست وایي، هېواد یې د هرمز تنګی کنټرولوي او له ایران سره روانه جګړه به پای ته ورسوي. هېګست یو ځل بیا په تینګار سره ویلي چې ایران ته هېڅکله د اټومي وسلو جوړولو اجازه ور نه کړي.
په فاریاب کې د طالبانو د امینه قومندانۍ ویاند عبدالله مرادي ویلي، چې ددغه ولایت په اندخوی او قیصار ولسوالیو کې په دوو جلا ترافیکي پېښو کې دوه کسان مړه او پنځه نور ټپیان شوي دي.
د طالبانو د مخالفې متحدې جبهې مشر سمیع سادات د سپټمبر د ۱۱مې بریدونو د ۲۵مې کلیزې په مناسبت وايي، د دې جبهې ځواکونه د طالبانو پر وړاندې د مبارزې لپاره بهرنیو سرتېرو ته اړتیا نه لري.
د خیبر پښتونخوا په سوات ولسوالۍ کې د نارینهوو په ګډون یو شمېر ښځو پر یوې نهه کلنې ماشومې د جنسي تېري او وژنې پر ضد لاریون وکړ. لاریون کوونکي له حکومت څخه د تورن کس ته د سزا ورکولو غوښتنه کړې ده.
«زه لا هم افغانستان ته هیله من یم»؛ دا خبره خبریال پیتر جوونال کوي. هغه له څلورو لسیزو ډېر وخت په افغانستان کې جګړې، د حکومتونو نسکورېدل او د بېلابېلو واکمنیو راټوکېدل او له منځه تلل له نږدې لیدلي دي.
امریکا نن د جمعې پر ورځ د درې زره قربانیانو په یاد د سپټمبر ۱۱مې بریدونو ۲۵مه کلیزه په داسې حال کې نمانځي، چې ډونالډ ټرمپ په پنټاګون او مرستیال یې جيډي وېنس په نیویارک کې د قربانیانو د یاد په ځانګړو مراسمو کې ګډون او ویناوې کوي.