ایراني چارواکو ۲۹ کلن معلول افغان زنداني ولی جان نورزی د کرمان ولایت په رفسنجان مرکزي زندان کې په داسې حال کې اعدام کړی، چې په ویلچیر کې ناست و. هغه د قتل په قضیه کېد ښکیلتیا له امله په اعدام محکوم شوی و.
د طالبانو لوړو زدهکړو وزارت د کابل پولي تخنیک پوهنتون په اډانه کې د هوافضا او پرمختللو سیستمونو د انجنیري پوهنځی اعلان کړ، چې اویونیک انجنیري، هوايي رادار او د ډرون پروګرامونه پکې شامل دي. وزارت ۲۴ نوي پوهنځي اعلان کړي او د شته پوهنځیو په اډانه کې یې ۲۹ څانګې اضافه کړې دي.
د طالبانو د ریاست الوزرا د دفتر رییس د یوناما د سیاسي برخې له مشر سکاټ سمېټ سره په لیدنه کې له یوناما غوښتي، چې د افغانستان موجود واقعیتونه په «ښه ډول» منعکس کړي او اړو افغانانو ته مرسته رسول په لومړیتوبونو کې راولي.
د صدف افغان په نوم یوې نجلۍ په کابل کې د موټرو د انلاین ټکټونو د پلور او کورونو ته د رسولو کاروبار پیل کړی او د دغو خدماتو د وړاندې کولو لپاره یې په لومړي ځل ښځینه موټر سایکل چلوونکي هم په کار ګومارلي دي.
په ننګرهار کې د طالبانو د پوهنې ریاست کې سرچینو افغانستان انټرنشنل ته وویل، چې طالبانو د ننګرهار مرکز ښوونځیو ښځینه ښوونکې له جلال اباد څخه ولسوالیو او له ولسوالیو مرکز ته تبدیلې کړې دي. ځینې ښوونکې شکایت کوي، چې د طالبانو په دې پرېکړې سره اړ وځي، چې خپلې دندې پرېږدي.
د روسیې د بهرنیو چارو وزیر سرګي لاوروف وايي، لوېدیز هېوادونه چې مسکو د جرمني د لایپزیګ هوايي ډګر د ډرون پېښې په تړاو تورنوي، دا په لویه کچه د «واقعي جګړې د پیل» په معنا دي. په ورته وخت جرمني د روسیې د احتمالي ډرون بریدونو پر وړاندې خپله دفاعي پیاوړتیا پلانوي.
د طالبانو د بلخ ولایت د سوداګرۍ خونه وایي، چې روسي سوداګر غواړي د اورګاډي له لارې د تازه مېوو صادرات، افغان ځوانانو ته انلاین زده کړې او له روسیې څخه بلخ او کابل ته د روسي توکو د صادراتو لړۍ پیل کړي.
د جرمني په ختیز زاکسن انهالت ایالت کې د یکشنبې په ورځ ټاکنې پیل شوې. وړاندوینې ښيي، چې ښايي د «جرمني لپاره بدیل» یا اې اېف ډي ګوند له دویمې نړیوالې جګړې وروسته د لومړي ځل لپاره د یوه ښيافراطي ګوند په توګه د یوه ایالت د حکومت مشري وکړي.
امرالله صالح وايي، د ۲۰۲۶ کال د سپټمبر په ۴مه، د سپټمبر د ۱۱مې پېښې له کلیزې یوازې اووه ورځې مخکې، د امریکا «ډیپ سټېټ» طالبانو ته د بشري مرستو په نوم ۲۰ میلیونه ډالر انتقال کړي دي. هغه ادعا کوي چې دا پیسې دا ځل د سویفټ له لارې انتقال شوې دي.
سرچینو افغانستان انټرنشنل ته وویل چې طالبانو د یکشنبې په ورځ په کابل کې د راه فردا خصوصي ټلوېزیون دفتر وتاړه او د همدې ودانۍ ترڅنګ یې د اهل تشیع د عامه اړیکو د دفتر یو شمېر غړي نیولي دي.
د طالبانو د بهرنیو چارو وزیر د ملګرو ملتونو د کډوالو عالي کمیشنرۍ د افغانستان د دفتر له مشر عرفات جمال سره لیدلي دي. متقي د افغان کډوالو د خوندي او باعزته راستنېدو، د راستنېدونکو د ملاتړ او د اړوندو هېوادونو او بنسټونو ترمنځ د هڅو د همغږۍ په اړه خبرې کړې دي.
د طالبانو د کار او ټولنیزو چارو وزارت ویلي چې د روان کال په لومړۍ نیمايي کې یې ۵۱۴ دولتي او غیردولتي ادارې پلټلې، چې په ترڅ کې یې له ۱۶ زرو ډېر بې جوازه کورني او بهرني کارګران تشخیص کړي دي.
سرچینو افغانستان انټرنشنل ته ویلي چې په افغانستان کې د ملګرو ملتونو دفترونو له خپلو کارکوونکو غوښتي چې د پنځو ورځو لپاره کاري دفترونو ته لاړ نه شي او له کورونو کار وکړي. د سرچینو په وینا، دا کار د ملګرو ملتونو په دفترونو کې د ښځو پر کار د بندیز د لومړۍ کلیزې په مناسبت شوی.
د افغانستان د سوداګرۍ خونې ویلي، چې په بامیان ولایت کې یې د بند امیر دویم ملي نندارتون د کورنیو تولیداتو، لاسي صنایعو او د خصوصي سکتور د ملاتړ په موخه پرانیستی. د یادې خونې په وینا، دغه نندارتون به د درېیو ورځو لپاره دوام وکړي.
سرچینو افغانستان انټرنشنل ته وویل، چې د طالبانو ځواکونو د یکشنبې په ورځ په کابل کې د اهل تشیع د مشرانو د ولسي اړیکو دفتر محاصره کړی دی. د سرچینو په وینا، طالبانو د دغه دفتر مسوول او د محمد محقق پخوانی همکار سید صوفي ګردیزی نیولی او له ځان سره یې وړی دی.
په افغانستان کې د ملګرو ملتونو دفتر ویلي چې په ګرم سیر ولایتونو کې د نوي ښوونیز کال له پیلېدو سره لا هم میلیونونه افغانې نجونې له زده کړو محرومې دي. یادې ادارې ټینګار کړی چې هېڅ هېواد له نجونو پرته پرمختګ نه شي کولی.
د حزب اسلامي د رهبري شورا غړي جمعه خان همدرد له غبرګون وروسته د یاد ګوند مشر ګلبدین حکمتیار د هغه څرګندونو ته په غیر مستقیم ډول غبرګون ښودلی دی. حکمتیار ویلي، چې په «څو تابعیت لرونکو او کرایي غړو» نه ګوند جوړېدای شي او نه هم سالم سیاست کېدای شي.
د کندهار د سپین بولدک ولسوالۍ اوسېدونکو افغانستان انټرنشنل ته ویلي، چې ډیورنډ کرښې ته څېرمه د عبدالله کنډک له سیمې ښکته، د کرښې دواړو غاړو ته مسافر د پیسو په بدل کې اړول کېږي. محلي سرچینې وايي، له مسافرو نه سړي سر له ۶۰ زرو تر ۱۰۰ زرو پورې پاکستانۍ روپۍ اخېستل کیږي.
اصلاح راډیو د یوې اعلامیې په خپرولو سره ویلي چې د طالبانو عدلیې وزارت د یادې راډیو پر فعالیت بندیز لګولی او دفتر یې مهرولاک کړی دی. د اصلاح غږ راډیو ادارې ویلي، چې یاده راډیو د هېڅ سیاسي ګوند او جریان اړوند نه ده، بلکې یوه خپلواکه او بې پرې راډیو ده.
د طالبانو د بهرنیو چارو وزیر د ملګرو ملتونو د سرمنشي له سیاسي او د سولې چارو مرستیالې روزمري ډیکارلو سره ټیلیفوني خبرې کړې دي. د طالبانو د بهرنیو چارو وزارت وايي، په دې خبرو کې دواړه لوري د همکاریو د پیاوړتیا او د دوحې پروسې په تړاو د راتلونکي تعامل پر څرنګوالي غږیدلي دي.
د پاکستان بلوچستان ایالت په مستونګ ولسوالۍ کې د ملي لویې لارې پر دوو بېلابېلو ځایونو کې په ډزو ویشتل شوي شپږ جسدونه موندل شوي دي.