سرچینو افغانستان انټرنشنل- پښتو ته ویلي، د خیبرپښتونخوا د کُرمې ولسوالۍ د منځنۍ برخې په تړالي سیمه کې ناپېژاندو وسلهوالو د پولیسو اېساېچاو محمدي خان نن له یوه جومات څخه تښتولی او نامعلوم ځای ته یې بیولی دی.
د ملګرو ملتونو په جنیوا دفتر کې د افغانستان استازي نصیر احمد اندېشه د کمبرېج ناستې په تړاو په یوه پیغام کې ویلي، چې د طالبانو له «ظالمانه واکمنۍ» څخه د خلاصون لپاره په هېواد کې دننه او بهر د مدني ټولنې او ډیموکراټیکو ځواکونو پیاوړتیا خورا مهمه او حیاتي ده.
د ایران د پارلمان مشر محمد باقر قالیباف د ګډ امنیت پر پیاوړتیا د چین د ولسمشر شي جینپینګ له څرګندونو هرکلی کړی او ویلي یې دي، چې تهران په سیمه کې د نوي او سیمهییز امنیتي جوړښت رامنځته کېدو ته چمتو دی.
د مقاومت او د ازادۍ جبهو په دې غونډه کې پر دې ټینګار کړی، چې د طالبانو پر وړاندې د سیاسي، مدني او وسلهوالو مخالفو ډلو ترمنځ دې یو ګډ اېتلاف یا ګډه تګلاره جوړه شي. د کمبریج غونډې جوړوونکي وايي، هڅې روانې دي چې د طالبانو د مخالفو ډلو ترمنځ بنسټیز اختلافونه د خبرو له لارې راکم شي.
د بادغیس د برېښنا امریت وايي، د دغه ولایت د مرکز قلعهنو ښار برېښنا په سبستېشن کې د تخنیکي عارضې له امله نن ماښام پرې شوې ده. دغه امریت ډاډ ورکړی، چې ډېر ژر به عارضه رفع او برېښنا به بېرته وصل شي.
جرمني، اتریش، یونان، ډنمارک او هالند غواړي د روان میلادي کال تر پایه له اروپايي ټولنې بهر هېوادونو سره داسې تړونونه وکړي چې له قانوني استوګنې پرته کډوالو لپاره کمپونه جوړ او بیا پهکې یاد ناقانونه کډوال د بېرته ستنولو لپاره وساتي.
د ملګرو ملتونو د خوړو او کرنې سازمان وايي، چې د اګست میاشت کې د خوړو نړیوالې بیې د ۲۰۲۲ کال له نومبر راهیسې تر ټولو لوړې کچې ته رسېدلې دي. خراب موسم، جګړو او سوداګریزو ګډوډیو د خوراکي توکو د عرضې په اړه اندېښنې زیاتې کړې دي.
د روسیې د امنیت شورا مرستیال منشي الکسي شېوتسوف ویلي، چې لویدیز هېوادونه د افغانستان د ګواښ په پلمه په منځنۍ اسیا کې د پوځي زېربنا د ځای پر ځای کولو هڅې کوي او ادعا یې کړې چې لویدیز د افغانستان ګواښ د خپلو موخو لپاره تر اندازې ډېر لوی ښيي.
د پاکستان د پنجاب ایالت په چکوال ولسوالۍ کې د افغان کډوالو تړل شوې شاوخوا ۲۰ هټۍ نن، د جمعې په ورځ په بولۍ کې وپلورل شوې. دغه هټۍ د افغان کډوالو له ايستلو يا بېرته ستنېدو وروسته، څو مياشتې مخکې تړل شوې وې.
د ملګرو ملتونو له لوري په خپره شوې اعلامیه کې ویل شوي، چې ددغه سازمان کارپوهانو په بلوچستان کې د بلوڅ محصل عمران علي پر جبري لادرکۍ، شکنجې او وژلو سخته اندېښنه ښودلې ده. دوی له پاکستان نه وغوښتل، چې د دغې پېښې سملاسي او بې پرې پلټنه وکړي.
د طالبانو د پېښو پر وړاندې د مبارزې ادارې ویلي، چې د سمنګان په فیروز نخچیر ولسوالۍ کې دوه ۵۰۰ کیلويي ناچاوده بمونه د ماین پاکۍ موسسې په مرسته کشف او په خوندي ډول شنډ کړای شوي دي.
د امریکا مرستیال ولسمشر جيډي وېنس وايي، واشنګټن به تر هغه له تهران سره خبرې ونه کړي چې ایران پر سوداګریزو بېړیو بریدونه نه وي درولي. هغه وویل، چې د ایران د فعالیتونو د مخنیوي لپاره اقتصادي، پوځي، ډیپلوماتیک او پټ فشارونه ټول د امریکا په اختیار کې دي.
د افغانستان لپاره د چین ځانګړي استازي یو شیاویون د اګسټ له ۳۱مې د سپټمبر تر ۴مې نېټې پورې په سفر کې د افغانستان لپاره د پاکستان له ځانګړي استازي محمد صادق او د سعودي عربستان د بهرنیو چارو له مرستیال سعود الساتي سره د افغانستان په اړه خبرې کړې دي.
افغانه سندرغاړې اریانا سعید وايي، د افغان ښځو د ملاتړ، د هغوی د حقونو لپاره د غږ پورته کولو او په افغانستان کې د روانو بېعدالتیو پر وړاندې یې په اروپا کې د پوهاوي رامنځته کولو په موخه د کنسرټونو لړۍ پیل کړې ده.
د جرمني د شلسویګ هولشتاین په ایتڅهو ښار کې فدرالي پولیسو ته د یوه اورګاډي د چلوونکي له خوا خبر ورکړل شوی و، چې په اورګاډي کې یو سړی له وسلې سره ناست دی. پولیسو د چورلکې په ګډون د هوا او ځمکې له لارې عملیات کړي او یو شل کلن افغان یې د ماشومانو د لوبو له پلاستیکي ټوپک سره نیولی.
د طالبانو د عامې روغتیا وزارت په کابل کې د نړیوالو سازمانونو او همکارو موسسو له استازو سره د همغږۍ په ګډه غونډه کې ویلي، چې دغه وزارت د نوې پالیسۍ له مخې د ځان بسیاینې او پایداره روغتیایي سیستم د جوړولو لپاره هڅې کوي.
د ملګرو ملتونو سرمنشي انتونیو ګوترېش وايي، د ښځو او نجونو پر وړاندې تاوتریخوالی یوه دوامداره او پراخه نړیواله ستونزه ده او د دغه ناورین پای ته رسول د دوامدار پرمختګ او بشري حقونو د خوندي کولو لپاره اړین دي.
د پاکستان پوځ ادعا کړې، چې د بلوچستان ايالتپه مستونګ، کوټه، کلات او سیبي ولسوالیو کې یې په یو لړ استخباراتي عملیاتو کې ۳۶وسلهوال وژلي دي. په ورته وخت کې بلوڅ ازادي غوښتونکې ډلې (بي ايل اې) د ۲۵ پاکستاني پوځیانو د وژلو ادعا کړې ده.
افغان سوداګر میرویس عزیزي وايي، په دوبۍ کې یې د چین د «رون پاور» شرکت له انجنیرانو او د برېښنا له متخصصینو سره لیدلي چې د شنبې په ورځ افغانستان ته ولاړ شي او د ډبرو سکرو له لارې د برېښنا تولید په اړه تخنیکي څېړنې وکړي.
د طالبانو د خوست والي دفتر وايي، چې ددغه ولایت والي عبدالرحمن حقاني د طالبانو له مشر مولوي هبتالله سره لیدلي او د دغه ولایت د وضعیت په اړه یې ورته معلومات ورکړي. یاد دفتر وايي، په دې لیدنه کې د خوست د طالبانو او عامو ولسونو ستونزې، غوښتنې او اړتیاوې مطرح شوې دي.
د هلمند د مارجې ولسوالۍ یو شمېر زدهکوونکي او کورنۍ شکایت کوي چې د ځینو ښوونیزو مرکزونو ترمنځ رقابت د زدهکوونکو پر ازموینو، نمرو او له هغوی سره پر مساوي چلند منفي اغېز کړی دی.