د پاکستان پوځ ادعا کړې، چې د بلوچستان ايالتپه مستونګ، کوټه، کلات او سیبي ولسوالیو کې یې په یو لړ استخباراتي عملیاتو کې ۳۶وسلهوال وژلي دي. په ورته وخت کې بلوڅ ازادي غوښتونکې ډلې (بي ايل اې) د ۲۵ پاکستاني پوځیانو د وژلو ادعا کړې ده.
افغان سوداګر میرویس عزیزي وايي، په دوبۍ کې یې د چین د «رون پاور» شرکت له انجنیرانو او د برېښنا له متخصصینو سره لیدلي چې د شنبې په ورځ افغانستان ته ولاړ شي او د ډبرو سکرو له لارې د برېښنا تولید په اړه تخنیکي څېړنې وکړي.
د طالبانو د خوست والي دفتر وايي، چې ددغه ولایت والي عبدالرحمن حقاني د طالبانو له مشر مولوي هبتالله سره لیدلي او د دغه ولایت د وضعیت په اړه یې ورته معلومات ورکړي. یاد دفتر وايي، په دې لیدنه کې د خوست د طالبانو او عامو ولسونو ستونزې، غوښتنې او اړتیاوې مطرح شوې دي.
د هلمند د مارجې ولسوالۍ یو شمېر زدهکوونکي او کورنۍ شکایت کوي چې د ځینو ښوونیزو مرکزونو ترمنځ رقابت د زدهکوونکو پر ازموینو، نمرو او له هغوی سره پر مساوي چلند منفي اغېز کړی دی.
د چین ولسمشر شي جېن پېنګ واشنګټن ته د خپل رسمي سفر پر مهال د دغه هېواد د لویو سوداګریزو شرکتونو د مشرانو یو لوی پلاوی له ځان سره بیایي. د دې بېساري ګام موخه له امریکا سره د سوداګریزو اړیکو او پانګونې پیاوړي کول ښودل شوي.
پخوانی افغان ولسمشر حامد کرزی وایي، طالبانو ته یې ویلي چې تر هغه به د دوی په اړه مثبت نظر څرګند نه کړي، څو نجونو ته بېرته ښوونځیو ته د تګ اجازه نه وي ورکړل شوې. کرزي له فایننشل ټایمز سره په کابل کې په خپل کور کې د لیدنې پر مهال ویلي، چې طالبان د هغه پر څرګندونو ډېر غوسه کېږي.
د کابل ښار د پنځمې حوزې د رېګرېشن سیمې یو شمېر اوسېدونکي وايي، د طالبانو تر واک لاندې کابل ښاروالۍ د هغو کورونو نړول پیل کړي چې د دوی په وینا، څه باندې شل کاله وړاندې د پخواني حکومت پر مهال کډوالو ته د استوګنې لپاره ورکړل شوي وو.
پخواني ولسمشر حامد کرزي په یوه تازه مرکه کې ویلي، چې طالبان او د هغوی مخالفان دواړه افغانان او د افغانستان برخه دي او باید د ګډ ژوند لپاره د جوړجاړي لاره وموندل شي، څو افغانستان د ټولو افغانانو هېواد وي.
د بلخ د سوداګرۍ خونې مشر محمد ابراهیم غضنفر او د غضنفر بانک د مشر محمد اسماعیل غضنفر په مشرۍ افغان سوداګرو په ازبکستان کې د نمنګان له چارواکو سره د سوداګرۍ او مالي همکاریو پر پراختیا خبرې کړې دي. دوی له نمنګان څخه د ټوکر د واردولو او د اسلامي بانکدارۍ دجوړیدو فرصتونه لټوي.
د افغانستان د فوټبال د روشن غوره لیګ د شپږم فصل د لوبو د مهالوېش قرعهکشي په کابل کې د طالبانو تر واک لاندې د المپیک د مسوولینو او د لوبډلو د استازو په حضور کې وشوه. په دغه نوي فصل کې به د هېواد له بېلابېلو زونونو څخه ۱۰ پیاوړې لوبډلې برخه واخلي.
د خیبر پښتونخوا اعلی وزير سهيل اپريدی د سپټمبر پر ۲۷مه اسلام اباد ته د لاريون تنظیمولو لپاره د پاکستان سند ايالت ته په پنځه ورځني سفر تللی دی. هغه ويلي چې دغه سفر د سپټمبر د ۲۷مې لاریون لپاره د سیاسي صفبندۍ د چټکتیا لپاره مهم دی.
له هرات نه دوو باوري سرچینو افغانستان انټرنشنل ته ویلي چې طالبانو د پنجشنبې په ورځ د جبرییل سیمې او د هرات د صنعتي ښارګوټي د دروازې له شاوخوا څخه لږ تر لږه ۲۲ ښځې نیولې او نامعلوم ځای ته یې لېږدولې دي.
د امریکا د سولې مرکچیان سټیو وېټکاف او جېرډ کوشنر، چې د اوکراین د سولې هوکړې لپاره د هڅو مشري کوي، د شنبې او یکشنبې په ورځو کې روسیې او اوکراین ته سفر کوي.
د طالبانو مخالفې ډلې مقاومت جبهې په یوه اعلامیه کې ویلي چې د جبهې د رهبرۍ په امر قوماندان مختار د حسیب پنجشیري د ځایناستي په توګه ټاکل شوی دی.
د حزب اسلامي مشر ګلبدین حکمتیار د خپل ګوند پر غړو غږ کړی، چې د شاهي رژيم، داود خان، كمونستانو، جمعيت، شوراى نظار، طالبانو او هرې بلې سياسي ډلې د سياستونو له ملاتړو سره خپلې حزبي اړیکې پرې کړي. حکمتیار ویلي، چې دوی دې له همدې ډلو سره په اخلاص ودرېږي او نور دې د حزب نوم نه اخلي.
په غزني کې د طالبانو امنیه قوماندانۍ وایي، چې د جمعې په سهار (د وږي ۱۳مه) د دغه ولایت د جاغوري ولسوالۍ په سنګ ماشي بازار کې د اور لګېدنې له امله یو لس کلن ماشوم مړ شوی. طالبانو زیاته کړې، چې په دغه اورلګېدنه کې پنځه غرفې هم سوځېدلې دي.
خپاره شوي انځورونه ښيي، چې په قطر کې د طالبانو سفیر سهیل شاهین په دوحه کې د ازبکستان د یوه فرهنګي نندارتون د پرانیستې په مراسمو کې د ازبکستان او قطر له یوشمېر لوړپوړو ښځینه چارواکو سره یوځای ګډون کړی دی.
د افغانستان روغتیايي برخه چې د متخصصو روغتیاپالو له سخت کمښت سره مخ ده، دامهال په ختیځو ولایتونو کې د سختو، پېچلو جراحي او ان د ماشوم د زېږون لوی عملیاتونه روغتیاپالې او قابلې په ډېرې سختۍ او کمې تجربې سره ترسره کوي. په ننګرهار کې د ښځینه متخصصو شمېر کم او په نورستان کې صفر دی.
په برلین کې روسي ډیپلوماتانو خبرداری ورکړی، لکه څنګه چې په اروپا کې د پوځي کېدو لړۍ ګړندۍ کېږي؛ په جرمني کې د اوږد واټن وېشتونکو وسلو سیسټمونو ځای پرځای کېدو سیمې به د روسیې د پوځ لپاره مشروع پوځي موخې شي.
د ههنګاو په نوم د ایران د بشري حقونو څار سازمان خبر ورکړی، چې ایران د دوو افغانانو په ګډون درې کسان د مشهد په مرکزي زندان (وکیلاباد) کې د عمدي وژنې په تور اعدام کړي دي. یاد سازمان ویلي، چې دغه دوه افغانان په پټه او پرته له دې چې کورنۍ یې خبرې شي اعدام شوي دي.
په روزګان کې د طالبانو د کرنې ریاست د طبیعي سرچینو امر عبدالمنان فاروقي وايي، چې سږکال یې د دغه ولایت له ۶زره هکټاره باغونو څخه نږدې ۲۴زره ټنه بادام راټول کړي دي. د دغه ولایت بڼوال حاصلاتو ته د بازار موندنې غوښتنه کوي.