په بنګلهدېش کې د شري ناروغۍ د پراخې وبا له امله د ماشومانو د مړینې شمېر نږدې زر ته رسېدلی. د دغه هېواد د روغتیا وزارت د وروستیو شمېرو له مخې، له مارچ راهیسې لږ تر لږه ۹۸۶ ماشومان مړه شوي او د شکمنو او تایید شویو پېښو شمېر له ۱۸۰ زرو اوښتی دی.
د هوسټن کرونیکل د یوه راپور له مخې، یو شمېر هغه افغان ښځې چې د ۲۰۲۱ کال د کابل له سقوط وروسته امریکا ته ولېږدېدې، په هوسټن کې یې د زدهکړییز ژوند نوي فرصتونه وموندل. هغه فرصتونه چې په افغانستان کې د طالبانو د محدودیتونو له امله له ډېرو افغان ښځو او نجونو اخیستل شوي دي.
نزدې ۲ اونۍ وړاندې د پاکستان جمهور رییس اصف علي زرداري له کوم رسمي اعلان پرته په مرموز ډول له پاکستان نه بهر لاړ. دغه کار د ژورنالېسټانو له ډېرو پوښتنو سره مخ شو. د اګست په ۲۷مه د جمهوري ریاست له دفتر نه اعلان وشو چې زرداري د یوې اونۍ لپاره په یوه شخصي سفر اتریش (اسټریا) ته لاړ.
فرانس۲۴ په یوه تازه راپور کې وايي، په افغانستان کې د ښځو د ځانوژنې پېښې د اندېښنې وړ کچې ته رسېدلې دي. د دغه راپور له مخې، په هرو ۱۲ تر ۲۴ ساعتونو کې د یوې ښځې د ځانوژنې راپور ورکول کېږي.
په ننګرهار کې د طالبانو د کرنې او مالدارۍ ریاست وایي چې سږ کال د دغه ولایت په مرکز او ولسوالیو کې د ممپلیو کښت زیات شوی دی. د یاد ریاست په وینا، سږ کال پر ۲۱۵۳ جریبه ځمکه ممپلي کرل شوي چې شاوخوا ۱۱۱۵ مټریک ټنه ممپلي به تر لاسه کړي.
د ټایمز اف سنټرل ایشیا په راپور کې راغلي، د طالبانو د واکمنۍ پنځه کاله ښيي چې له افغانستان سره د رسمي ډیپلوماتیکې پېژندنې پرته هم د منځنۍ اسیا هېوادونه له کابل سره خپلې سوداګریزې، ترانسپورټي او اقتصادي اړیکې پراخوي.
ملګري ملتونه وايي، په نړۍ کې ۲۵۸ میلیونه ماشومان او تنکي ځوانان د کړکېچونو له امله له زدهکړو اغېزمن شوي او د دوی لپاره ۶۰۰ میلیونه ډالرو ته اړتیا ده. په افغانستان کې بیا شاوخوا ۳،۷ میلیونه ماشومان له ښوونځي بهر دي چې ۶۰ سلنه یې نجونې دي.
رویټرز خبري اژانس راپور ورکړی، چې امریکا او چین به د روانې سپټمبر میاشتې په نیمايي کې د مصنوعي ځیرکتیا د خوندیتوب او د هغې د احتمالي خطرونو په اړه د دوه اړخیزو همکاریو په تړاو غونډه وکړي.
د جمهوري نظام پر مهال د اطلاعاتو او کلتور پخواني وزیر عبدالباري جهاني په هېواد کې د ژبنیو اختلافونو پر زیاتېدو سخت غبرګون ښودلی دی. هغه وايي، د ژبو پر سر ناندرۍ کولای شي د قومونو ترمنځ شته ورورګلوي په دښمنۍ بدله کړي او هغوی چې دا هڅې کوي «خاینان» او یا هم «احمقان» دي.
د خیبرپښتونخوا مرکز پېښور په لاس جوړېدونکو دودیزو او لاسي پکو تر ټولو لوی بازار بلل کېږي. یو وخت به له دې بازار څخه په لاس جوړې شوې پکې نه یوازې د خیبر پښتونخوا بېلابېلو سیمو بلکې افغانستان او هند ته هم لېږل کېدل، خو د عصري وسایلو او تورخم بندېدو له امله یې کاروبار پیکه شوی دی.
د ملګرو ملتونو جنیوا دفتر کې د ایرلنډ استازی وايي، افغانستان کې د عدالت ټینګښت او د بشري حقونو د نقضکوونکو ځواب ورکړې ته اړ اېستل، د قربانیانو د غږونو له اورېدو پرته ناشوني دي.نوموړي په ټولو بهیرونو کې د افغان ښځو معنالرونکی ګډون د تلپاتې سولې د ټینګښت لپاره مخکینی شرط بللی دی.
د خیبرپښتونخوا په وزیرستان کې د امنیتي ځواکونو د عملیاتو له دوام سره هممهاله سبا (شنبه د وږي ۱۴مه) د سویلي او شمالي وزیرستان کوز او اپر وزیرستان په بېلابېلو سیمو کې له سهار شپږو بجو څخه د ماښام تر ۷ بجو پورې ګرځبندیز اعلان شوی دی.
د خوست د فوټبال غوره لیګ چې شاوخوا یوه میاشت مخکې په دغه ولایت کې پیل شوی وو، نن د کاروان لوبډلې په اتلولۍ سره پایته ورسېد. په دې لیګ کې د خوست له بېلابېلو سیمو څخه ۱۰ لوبډلو ګډون کړی وو.
د ولسي جرګې پخوانۍ غړې فوزیه کوفي له افغانستان انټرنشنل سره مرکه کې ویلي، نړیواله ټولنه پر دې نهده توانېدلې چې د افغانستان وضعیت د بدلون لپاره پر طالبانو اغېزناک سیاسي فشار راوړي. د نوموړې په وینا، تر هغې چې د هېواد سیاسي جوړښت بدل نشي، د بشري حقونو د وضعیت ښه کېدل ستونزمن دي.
د امریکا ولسمشر ډونالډ ټرمپ په سپینه ماڼۍ کې د خپلو خبرو پر مهال ادعا وکړه: «هغه کار چې موږ کړی خورا په زړه پورې دی. موږ د وینزویلا کنټرول په خپل لاس کې واخیست او د ایران کنټرول مو هم ترلاسه کړی او اوس څو ورځې کېږي چې هېڅ ډزې نهدي شوي».
د خیبرپښتونخوا والي فیصل کریم کنډي وايي، د پاکستان او افغانستان ترمنځ د سوداګریزو لارو د بیا پرانېستلو لپاره اغېزناک ګامونه پورته کېږي. د نوموړي په وینا، له تېرو ۱۱ میاشتو راهیسې چې دغه لارې تړل شوي، د دواړو خواوو سوداګرو ته ګڼ زیانونه اوښتي دي.
د افغانستان د بشري حقونو لپاره د ملګرو ملتونو ځانګړي راپور ورکوونکي ریچارډ بېنېټ وايي، چې نړیوالې ټولنې د افغان ښځو او نجونو پر وړاندې خپل مسوولیت نهدی ادا کړی. هغه له هېوادونو غوښتي چې یوازې پر لفظي ملاتړ بسنه ونهکړي او د افغان ښځو د ملاتړ لپاره لا ډېر عملي ګامونه واخلي.
د مقاومت جبهې د علماوو شورا مشر مولوي حبیب الله حسام په یوه هېواد کې د خلکو د غږونو پر ځپلو، سانسور او شدیدو ټولنیزو فشارونو سخته نیوکه کړې او دغه وضعیت یې د هدیرې له امنیت سره تشبیه کړی دی.
سرچینو افغانستان انټرنشنل- پښتو ته ویلي، د خیبرپښتونخوا د کُرمې ولسوالۍ د منځنۍ برخې په تړالي سیمه کې ناپېژاندو وسلهوالو د پولیسو اېساېچاو محمدي خان نن له یوه جومات څخه تښتولی او نامعلوم ځای ته یې بیولی دی.
د ملګرو ملتونو په جنیوا دفتر کې د افغانستان استازي نصیر احمد اندېشه د کمبرېج ناستې په تړاو په یوه پیغام کې ویلي، چې د طالبانو له «ظالمانه واکمنۍ» څخه د خلاصون لپاره په هېواد کې دننه او بهر د مدني ټولنې او ډیموکراټیکو ځواکونو پیاوړتیا خورا مهمه او حیاتي ده.
د ایران د پارلمان مشر محمد باقر قالیباف د ګډ امنیت پر پیاوړتیا د چین د ولسمشر شي جینپینګ له څرګندونو هرکلی کړی او ویلي یې دي، چې تهران په سیمه کې د نوي او سیمهییز امنیتي جوړښت رامنځته کېدو ته چمتو دی.