د پاکستان د جمعیت علمای اسلام مشر مولانا فضل الرحمن په پېښور کې د خپل ګوند غونډې ته وویل، چې پاکستان په افغانستان کې د امریکا پخوانۍ تګلاره پر مخ وړي. هغه زیاته کړه چې دغه هېواد د ترهګرۍ ضد جګړې په نوم له امریکا څخه پیسې ترلاسه کوي، خو په خپله خاوره کې یې امنیت نه دی خوندي کړی.
د هلمند یو شمیر اوسېدونکي وایي، چې د افغانستان او پاکستان ترمنځ د سوداګریزو لارو له تړل کېدو سره سره، د خانشین ولسوالۍ له کانونو استخراج شوې رخام ډبرې د بهرامچې ولسوالۍ له لارې پاکستان ته قاچاق کېږي. ددې ډبرو د یوه کان د کارګرو په وینا، د ورځې درې تر پنځو لاریو ډبرې قاچاق کیږي.
یو شمېر افغان سوداګرو افغانستان انټرنشنل ته وویل، چې په اسلامکلا او ابو نصر فراهي بندرونو کې د لابراتوارونو نشتوالي له امله د دوی وارداتي توکي د ازموینې لپاره کندهار ته استول کېږي، خو د پایلو د ترلاسه کولو په بهیر کې د اوږد ځنډ له امله یې پانګه او توکي له جدي ستونزو سره مخ کیږي.
د طالبانو د بهرنیو چارو وزارت د لومړي سیاسي ریاست رییس او په مالیزیا کې د طالبانو سفیر نقیب الله احمدي د افغانستان لپاره د مالیزیا له ځانګړي استازي سره د سیاسي او اقتصادي اړیکو د پیاوړتیا په اړه غږېدلي دي.
پر ایران د امریکا د نوي او سخت اقتصادي فشار د اعلانېدو په درشل کې د افغانستان د اقتصاد او له ایران سره د سوداګرۍ پر وړاندې د احتمالي ستونزو په تړاو د افغان سوداګرو اندېښنې زیاتې شوې دي. افغان سوداګر زلمی عظیمي وايي، چې په دې کار سره به د افغانستان اقتصاد «فلج» شي.
د طالبانو تدارکاتو کمېسیون د ملا عبدالغني برادر په مشرۍ په خپله نوبتي غونډه کې د شاوخوا ۶،۵ میلیارده افغانیو په ارزښت ۲۱ پروژې منظورې کړې دي. یاد کمیسیون ویلي چې غونډې ته ۳۴ پروژې وړاندې شوې وې خو په ۱۲ پروژو کې د اصلاحاتو غوښتنه شوې.
د طالبانو چارواکو د افغانستان په جنوب کې خپلو امنیتي ځواکونو او پولیسو ته سپارښتنه کړې چې له سوداګرو څخه د شخصي مالي مرستو، د مدرسو او جوماتونو په نوم د پیسو او نورو امتیازاتو له غوښتلو ډډه وکړي. دا اقدام د سوداګرو د شکایتونو له ډېرېدو وروسته شوی.
د طالبانو ویاند ذبیح الله مجاهد ویلي، چې د افغانستان او پاکستان ترمنځ د پولې په اوږدو کې وضعیت تر کنټرول لاندې دی او هېڅ ټول نظامي خوځښتونو ته به اجازه ور نه کړل شي. مجاهد مني چې څو ورځې وړاندې د دواړو هېوادونو ترمنځ ځینې فعالیتونه شوي ول.
د ایران د بهرنیو چارو وزارت ویاند اسماعیل بقایي د یکشنبې په ورځ وویل، چې د پاکستان لوی درستیز عاصم د منیر ددوشنبې په ورځ تهران ته ځي. منیر به له ایراني چارواکو سره د ټرمپ د وروستي خبرداري او د پاکستان، ترکیې او سعودي عربستان د هوکړې په اړه خبرې وکړي.
ناپېژاندو وسله والو د خیبر پښتونخوا په جنوبي وزیرستان کې د ملا نذیر ډلې پخوانی قوماندان او مرستیال محمد خالد وزیر په ډزو وژلی دی. سیمه ییزو سرچینو افغانستان انټرنشنل ته وویل، چې پېښه د شنبې په ماښام د مرکز واڼه په ډاګ سیمه کې شوې.
ملګري ملتونه وایي، له پنځو کلونو راهیسې افغانې نجونې له زده کړو او ښځې له کاره محرومې دي چې له امله یې د افغانستان ټولنیز او اقتصادي پرمختګ زیانمن شوی دی. دغه سازمان یو ځل بیا د افغان نجونو د زده کړې پر حق ټینګار کړی.
ملي مقاومت جبهې له یوناما او د بشري حقونو له سازمانونو غوښتنه کړې چې د طالبانو له خوا د دغې جبهې د وژل شوي قوماندان مړي ته د سپکاوي د ادعا په اړه رسمي څېړنه وکړي. سرچینو افغانستان انټرنشنل ته ویلي، چې طالبانو د حسیب پنجشیري مړی تر دې مهاله د هغه کورنۍ ته نه دی سپارلی.
د طالبانو د لغمان ولایت امنیه قوماندانۍ وایي، د کابل ـ جلال اباد پر لویه لار د ورېښمو تنګي په سیمه کې یوه ریکشا له سړک څخه اوښتې او سیند ته لوېدلې ده چې له امله یې دوه کسان مړه او د یوې ښځې په ګډون درې نور ټپیان شوي دي.
د طالبانو د پروان ولایت امنیه قوماندانۍ وايي چې ددغه ولایت په غوربند دره کې یې چاودېدونکي توکي، مهمات او مخابراتي وسایل نیولي دي. د قوماندانۍ په وینا، دغه توکي د غوربند پر لویه لار د یوه کرولا موټر د تالاشۍ پر مهال نیول شوي.
د طالبانو د کندهار ولایت امنیه قومانداني وایي، د کندهار ښار په ۱۳مه حوزه کې یوه پلار خپل ۲۵ کلن زوی له لفظي شخړې وروسته په اوسپنیزې وسیلې وهلی او مړ شوی دی.
د عوامي نېشنل ګوند د مرکزي کمېټې غړي خان زمان کاکړ د افغانستان انټرنیشنل پښتو سره په خبرو کې ویلي، د افغان کډوالو په نوم د پاکستان د دولت روان اقدامات د امنیت یا قانون پلي کولو لپاره نه، بلکې د پښتنو د محکومیت د لا پراخولو لپاره ترسره کېږي.
د طالبانو تر واک د معیار او کیفیت اداره وایي، چې د شیخ ابونصر فراهي بندر له لارې یې له ۱۳۹ ټنو څخه د زیاتو غیرمعیاري ودانیزو او نساجي توکو د واردېدو مخه نیولې ده.
د روسیې د اورنبورګ سیمې والي وايي، د ډرونونو د پاتې شونو د لګېدو له امله د اوزون انلاین پلورنځي په یوه ګودام کې اور لګېدلی او دوه صنعتي تاسیسات زیانمن شوي دي.
د پاکستان د پارلمان پخوانۍ غړې بشرا ګوهر وايي، هغه کسان چې د طالبانو له لوري د افغان هویت د له منځه وړلو مخالفت کوي، په خپلو کورنیو او خپلوانو کې د ښځو د هویت، کرامت او خپلواکۍ د ردولو پر وړاندې چوپ پاتې کېږي.
په پاکستان کې د دوو افغان محصلو خوېندو له نیول کېدو وروسته د دغه هېواد په بېلابېلو پوهنتونونو کې د زدهکړو پر دوام د افغان محصلینو، په ځانګړي ډول ښځینه محصلینو، اندېښنې زیاتې شوې دي.
په افغانستان کې د یونیسف استازی ډاکټر تاج الدین اوېوال ننګرهار کې د طالبانو له والي محمد نعیم اخند سره په دغه ولایت کې د روغتیايي خدمتونو د پراختیا او راستنیدونکو کډوالو ته د بشري مرستو د څرنګوالي په اړه خبرې کړې دي.