په افغانستان کې د یونیسف استازی ډاکټر تاج الدین اوېوال ننګرهار کې د طالبانو له والي محمد نعیم اخند سره په دغه ولایت کې د روغتیايي خدمتونو د پراختیا او راستنیدونکو کډوالو ته د بشري مرستو د څرنګوالي په اړه خبرې کړې دي.
د افغانستان متحدې جبهې ادعا کړې چې د کابل ښار د دشت برچي په سیمه کې یې د طالبانو د استخباراتو یو غړی په هدفي عملیاتو کې وژلی دی.
د هلمند ولایت په بېلابېلو سیمو کې د هلمند سیند د اوبو د کمښت او دوامدارې وچکالۍ له امله ګڼ شمېر کروندګر له جدي ستونزو سره مخ دي او یو شمېر شنې ځمکې او باغونه په وچو دښتو بدل شوي دي.
سمنګان کې د طالبانو د امنیې قوماندانۍ ویاند حشمتالله رحماني ویلي، د سمنګان–مزارشریف پر لویه لار د یوې کرولا موټر د اوښتو له امله درې کسان مړه شوي او درې نور ټپیان دي.
د پاکستان د کراچۍ پولیسو ویلي، په دغه ښار کې د مېشتو افغان وګړو پر ضد د عملیاتو پر مهال له ۶۰ ډېر کسان نیول شوي او د قانوني اسنادو د ارزونې لپاره د افغان کډوالو یوه مرکز ته لېږدول شوي دي.
یوه افغان کډواله وايي، په ډیلي کې د بایسکل چلولو زده کړه ورته یوازې د یوه مهارت زده کول نه دي، بلکې د خپلې انا د نیمګړي خوب او هغو میلیونونو افغان نجونو د هیلو استازیتوب کوي چې د طالبانو له بیا واکمنېدو وروسته له زدهکړو او عادي ژوند څخه محرومې شوې دي.
د طالبانو د کډوالو او بېرته راستنېدونکو چارو وزارت وایي، چې د روان لمریز کال د چنګاښ په میاشت کې یې له ۳۱ زره او ۳۲۰ راستنېدونکو کډوالو سره د ۱۷۰ میلیونه، ۹۵۹ زره او ۹۱۸ افغانیو په ارزښت بشري مرستې کړې دي.
د ایران د بهرنیو چارو وزیر عباس عراقچي او د پاکستان د پوځ لوی درستیز عاصم منیر د ټیلیفوني خبرو پر مهال د سیمې وروستي پرمختګونه، د ایران او امریکا کړکېچ او د ډیپلوماتیکو حللارو د موندلو روانې هڅې ارزولي دي.
طالبانو له بیا واکمنېدو پنځه کاله وروسته هم افغانستان د کډوالۍ له دوامداره څپې سره مخ دی او زرګونه افغانان د کار، امنیت او ښه راتلونکي په لټه کې له هېواده وځي.
د طالبانو د شهیدانو او معلولینو چارو وزارت وایي، د روان لمریز کال له پیل څخه تر دې دمه یې کونډو، یتیمانو او معلولینو ته ۸ میلیارده او ۱۰۰ میلیونه افغانۍ د بانکي سیستم له لارې ورکړې دي.
د خیبر پښتونخوا پولیس وايي، په تېرو ۲۴ ساعتونو کې د دغه ایالت په قبایلي او جنوبي ولسوالیو کې د ډزو، هدفي وژنو، بېپیلوټه الوتکو بریدونو او د مړو موندل کېدو ۱۰ پېښې شوې چې لږ تر لږه اته کسان پکې وژل شوي او پنځه نور ټپیان دي.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، چې تېره ورځ شنبه ۲۰۲ کډوالې کورنۍ چې ټول ۱۰۱۶ کسان کېږي، له ایران او پاکستان نه افغانستان ته ستانه شوې دي.
د پاکستان د بلوچستان ایالت په بېلابېلو سیمو کې د چاودنې، ډزو، ترافیکي پېښو او نورو پېښو له امله لږ تر لږه ۱۴ کسان وژل شوي او اته نور ټپیان شوي دي.
د افغانستان د پخواني جمهوري نظام د اطلاعاتو او فرهنګ وزیر عبدالکریم خرم وايي، په کابل کې د بېرویه ودانیو جوړول او د ځمکې لاندې اوبو بېسارې کارونه ښايي دغه ښار په راتلونکې کې د اوبو له کمښت سره مخ کړي او د اوسېدونکو ژوند له جدي ستونزو سره مخامخ کړي.
د طالبانو د اوبو او انرژۍ وزارت وايي، په نورستان ولایت کې د برېښنا د تولید لپاره د دوو مهمو بندونو تخنیکي سروې بشپړه شوې او د پروژو د عملي کېدو لپاره ارزونې روانې دي.
افغانستا کې د خوړو نړیوال پروګرام (ډبلیو ایف پي)خبر ورکړی چې د سویلي کوریا د بهرنیو چارو وزارت دغه پروګرام ته له اړمنو ښځو او ماشومانو سره د مرستې په موخه ۳ میلیونه امریکايي ډالر مرسته اعلان کړې ده.
د خیبر پښتونخوا ستر ښار پېښور کې د جایدادونو سوداګر وايي، له خیبر پښتونخوا د افغان کډوالو د بېرته ستنېدو سره په دغه ښار کې د کورونو او ځمکو غوښتنه کمه شوې او په ځینو څنډهییزو سیمو کې د جایدادونو بیې تر ۵۰ سلنې راټیټې شوې دي.
د اسراییل د بهرنیو چارو وزیر ګیدیون ساعر ویلي، اسراییل نه غواړي له ترکیې سره کړکېچ زیات شي، خو په سوریه کې به د ترکیې د پوځي اډو له جوړېدو سره موافقه ونه کړي.
افغان مېرمنې وايي، په ټولنیزو رسنیو کې د افغانستان د ښکلا او ګرځندوی له ویډیوګانو وړاندې کېدونکی انځور د دوی له هغه ورځني ژوند سره هېڅ ورتهوالی نه لري چې پکې له زدهکړو، کار، تګراتګ او ګڼو نورو حقونو محرومې دي.
د مذهبي ازادۍ او اسلامي افراطیت کارپوه مارتین پارسنز خبرداری ورکوي چې په افغانستان کې عیسوي ټولنه د طالبانو تر واک لاندې د ارتداد د سختو قوانینو، مذهبي افراطیت او د دې ټولنې د نه رسمي پېژندنې له امله د نسل وژنې له جدي ګواښ سره مخ ده.
د هند ساحلي ساتونکو ویلي، د دغه هېواد ختیځ ساحل ته نږدې د پاناما بیرغ لرونکې یوه بار وړونکې بېړۍ ډوبه شوې او د سپرلۍ له ۲۴ کسیزې عملې څخه د دوو کسانو د ژغورلو وروسته، د نورو کسانو د موندلو لپاره عملیات روان دي.