د هند ساحلي ساتونکو ویلي، د دغه هېواد ختیځ ساحل ته نږدې د پاناما بیرغ لرونکې یوه بار وړونکې بېړۍ ډوبه شوې او د سپرلۍ له ۲۴ کسیزې عملې څخه د دوو کسانو د ژغورلو وروسته، د نورو کسانو د موندلو لپاره عملیات روان دي.
د افغانستان د ستراتېژیکو مطالعاتو انسټیټیوټ مشر داوود مرادیان وايي، نیویارک ټایمز د طالبانو په اړه په خپلو وروستیو لیکنو کې د دغه ډلې د واک مهم اړخونه له پامه غورځولي او په دې توګه یې د طالبانو واک د یوه عادي حکومت په توګه ښودلی دی.
د بې ځایه شویو نړیوال سازمان د اروپايي ټولنې د هغو پلانونو په اړه اندېښنه څرګنده کړې چې له مخې یې ښايي هغه پناه غوښتونکي چې غوښتنلیکونه یې رد شوي، د اروپايي ټولنې له خاورې بهر د «بېرته ستنولو ځانګړو مرکزونو» کې وساتل شي، څو د هغوی د ایستلو چارې تنظیم شي.
د ایران د ملي امنیت شورا منشي مُحسن رضايي د سیمې او شاوخوا هېوادونو ته خبرداری ورکړی، چې له امریکا سره په اقتصادي جګړه کې شریک نهشي، ګنې بیا د دښمن په څېر ورسره چلند کوي. امریکا تېره اونۍ د ایران پر وړاندې د «اقتصادي عملیاتو» له پیلولو خبر ورکړ.
د افغانستان د ازادو مبارزو نومیالی لوبغاړی نصرت حقپرست به نن د امریکا «یواېفسي» سازمان په یوې سیالۍ کې له امریکايي سیال کریس تاکو پادیلا سره مخامخ شي. دغه سیالي به د ۷۰ کیلوګرامه وزن په کچه د امریکا د کالیفورنیا ایالت په سکرامنټو ښار کې ترسره شي.
رویټرز په یوه راپور کې د امریکا د ولسمشر ډونالډ ټرمپ هغه لارې چارې څېړلي، چې پر ایران د اقتصادي فشار د زیاتولو لپاره یې کارولی شي. دا موضوع وروسته له هغې لا ډېره مهمه شوې، چې واشنګټن پر تهران د تر ټولو سخت او بې ساري «اقتصادي عملیاتو» له پیلولو خبر ورکړی دی.
د افغانستان کرېکټ بورډ وایي، د احمدشاه ابدالي د لومړۍ درجې کرېکټ نهم پړاو سیالۍ د اګست میاشتې په ۲۹مه په خوست او ننګرهار ولایتونو کې پیل او د راتلونکې اکټوبر میاشتې تر اتمې به دوام وکړي.
د پاکستان پلازمېنه کې د افغان محصلينو ټولنه وايي، ۲ افغان محصلینې د پولیسو لهخوا په خپل کور کې نیول شوې دي. دغه ټولنه وايي، دغو محصلینو د خپلو ویزو د تمديد لپاره پر وخت غوښتنلیکونه سپارلي، خو تر اوسه ویزې نهدي ورکړل شوي. ویل کېږي دغه محصلينې خویندې دي او سروده او حسینه نومېږي.
د افغان پناه غوښتونکو د ملاتړ ادارې (افغان اېواک) ویلي، چې د افغانستان په ګډون د ۷۵ هېوادونو لپاره د کډوالۍ د ویزو د ورکړې د ځنډولو د پرېکړې لغوه کېدل په دې معنا نهدي چې ګنې امریکا ته د افغانانو د تګ لاره دې بېرته پرانېستل شوې وي.
د ایران ولسمشر مسعود پزشکیان د «ډاکټر ورځې» په مناسبت یوې غونډه کې د جګړې په اړه وویل: «موږ نهغواړو د دښمن پر وړاندې په ذلیلانه ډول په شا شو او سر ټیټ کړو. په ځواکمنۍ، خو په منطق سره، کولی شو کېنو او خپلې ستونزې حل کړو او دا ممکنه ده. موږ هم هڅه کوو چې دا کار وشي».
د خيبرپښتونخواد شمالي وزیرستان ولسوالۍ د مرکز میرانشاه پرېس کلب ویلي، پر دغه پرېس کلب یو شمېر کسانو چې په لرګیو او ډنډو سمبال وو، برید کړی، ودانۍ یې زیانمنه کړې او خبریالان یې ګواښلي دي. ویل کېږي، دغه بریدګر د پښتونخوا د ایالتي اسمبلۍ د تحریک انصاف ګوند د یوه غړي د ورور کسان دي.
ملګرو ملتونو خبرداری ورکړی، چې ټوله نړۍ کې د دین یا عقیدې له امله د خلکو پر وړاندې تاوتریخوالی مخ په زیاتېدو دی او دیني او مذهبي لږکي له زیاتو ګواښونو سره مخ دي. ملګرو ملتونو د اګست ۲۲مه «د دین یا عقیدې پر بنسټ د تاوتریخوالي د قربانیانو د یاد نړیوالې ورځې» په نوم نومولې ده.
د خیبر پښتونخوا د بونېر ولسوالۍ د تنباکو کروندګرو د ټیټې بیې او پر وخت د تنباکو نه اخیستلو په اعتراض کې خپل یوه اندازه تنباکو سوځولي دي. دوی خبرداری ورکړی، که ستونزې ته یې پام ونهشي پاتې تنباکو به هم وسوځوي.
رویټرز خبري اژانس راپور ورکړی، چې د کاناډا لومړي وزیر مارک کارني د شنبې په ورځ (د زمري ۳۱مه) ویلي، چې هېواد یې د امریکا د ولسمشر ډونالډ ټرمپ د ۵۰ سلنې تعرفو په غبرګون کې پر یو شمېر امریکايي توکو متقابلې تعرفې لګوي.
د ملي ډيموکراټيک ګوند مشر مُحسن داوړ د امریکا د استازو جرګې ته د لومړي ځل لپاره د یوې افغانيالاصله امریکایۍ عایشې وهاب د بریا له امله هغې ته مبارکي ويلې او دا یې په ځانګړي ډول د افغان ښځو لپاره د لوی ویاړ او سرلوړۍ شېبه بللې ده.
پخواني جهادي مشر محمد اسماعیل خان د مقاومت جبهې د قوماندان حسیب پنجشیري د وژل کېدو غبرګون کې ویلي، چې نوموړي د تېر نظام له نسکورېدو وروسته په تېرو ۵ کلونو کې د افغانستان د شمال د غرونو په لمنو کې د طالبانو پر وړاندې ودرېد او په وینا یې، د حسیب پنجشیري سنګر به تش پاتې نهشي.
د پاکستان د راولپېنډۍ پوليسو ادعا کړې، چې مشهوره ټيکټاکره عايشه ګیلهمنه پلار او ورور یې د نورو ملګرو په مرسته وژلې او د لومړنیو څېړنو له مخې، «دا وژنه د ناموس په نوم شوې ده». دغه مشهوره ټيکټاکره وړمه جمعه په ټېکسلا کې په خپل موټر کې په ډزو وژل شوې ده.
په هلمند کې د طالبانو رسنیز دفتر ویلي، د دغه ولایت په فرعي ګمرکونو کې یې ۱۶ زره او ۸۶۷ کیلو ګرامه خوراکي او غیر خوراکي قاچاقي توکي ترلاسه کړي دي. د دغه دفتر په وینا، دغه قاچاقي مواد په تېره یوه اونۍ کې ترلاسه شوي او د لېږد په تړاو یې ۱۵ کسان هم نیول شوي دي.
د افغانستان د جمهوري نظام د عدلیې پخواني وزیر فضل احمد معنوي ویلي، چې د مقاومت جبهې د وژل شوي قوماندان حسیبالله پنجشیري مړي ته سپکاوی د طالبانو د «اخلاقي ماتې» نښه ده. هغه په ډاګه کړې، چې د ازادۍ په لاره کې قرباني کېدل د یوه ارمان د تلپاتې کېدو پیل دی.
د فرانسې ولسمشر ایمانویل مکرون اوکراین ته د نويو فرانسوي پوځي تجهیزاتو او توغندیو د لېږد د چټکولو ژمنه کړې ده. د اوکراین ولسمشر ویلي، چې له مکرون سره یې نږدې دوه ساعته خبرې کړې او د اوکراین د هوايي دفاعي سیستمونو، په ځانګړي ډول د «پاتریوت» توغندیو د کمښت په اړه یې بحث کړی دی.
د روسیې ولسمشر ولادیمیر پوتین وايي، چې اوکراین د روسیې پر اقتصادي تاسیساتو د بریدونو په ډېرولو «د پانډورا صندوق» پرانیستی او مسکو به د اوکراین «تر ټولو حساسې اقتصادي برخې» په نښه کړي.