د طالبانو د اړیکو کمېسیون لهخوا بهر مېشتو سیاسي شخصیتونو ته د بلې په غبرګون د افغانستان د ژغورنې لپاره د ملي مقاومت عالي شورا ویلي، چې د هېواد کړکېچ یوازې د محدودو کسانو په ورتګ نه، بلکې د یوه پراخ ملي سیاسي بهیر له لارې د حل وړ دی.
د عوامي نشنل ګوند ایالتي مشر میا افتخار حسین وایي، چې د افغانستان او پاکستان ترمنځ اوږدمهاله جګړه هېڅ ستونزه نه شي حل کولی. نوموړي پر دواړو لوریو غږ کړی، چې د یو بل په کورنیو چارو کې له مداخلې ډډه وکړي او د خبرو اترو له لارې خپلمنځي اختلافات پای ته ورسوي.
د طالبانو تر کنټرول لاندې د چاپېریال ساتنې ادارې د پالیسۍ او مسلکي چارو مرستیال ویلي، پلان لري چې په راتلونکو ۸ کلونو کې په ټول افغانستان کې له ۲۰۰ میلیونو څخه ډېر نیالګي کېنوي.
د ایران دولتي خبري اژانس راپور ورکړی، چې په اسلاماباد کې د ایران او امریکا ترمنځ د خبرو اترو د راتلونکي پړاو د ترسره کېدو په اړه د اټکلونو په زیاتېدو سره د پاکستان په پلازمېنه کې امنیتي تدابیر سخت شوي او داسې ښکاري، چې دا ښار د یوې «ستري نړۍوالې ناستې» کوربهتوب ته چمتووالی نیسي
په لبنان کې د لس ورځني اوربند له پیل سره سم، زرګونه بېځایه شوي کسان خپلو کورونو ته ستانه شوي. که څه هم تر اوسه له اوربند څخه سرغړونه نه ده شوې، خو لا هم د خلکو ترمنځ د اوربند ماتېدو وېره شته.
د اسټرالیا د ځانګړو ځواکونو پخوانی سرتېری بین رابرټس سمېټ چې په افغانستان کې د جنګي جرمونو په تور نیول شوی و، د جمعې په ورځ په ضمانت خوشې شو. هغه له ۲۰۰۹ تر ۲۰۱۲ کلونو پورې د پنځو افغان ملکي وګړو په وژنه تورن دی.
پنټاګون اعلان کړی، هغه ځانګړی پلاوی چې له افغانستان نه د امریکایي ځواکونو د وتلو بهیر بیاکتنه کوي، له لوړپوړو امریکایي پوځي او ملکي چارواکو سره یې د خپلو مرکو اصلي پړاو بشپړ کړی دی. په دغه پړاو کې د افغانستان د جګړې اړوند ۹مېلیونه اسناده ارزول شوي دي.
د افغان کډوالو له پراخو شکایتونو وروسته نن یو وار بیا د خیبر پښتونخوا په خیبر ولسوالۍ کې پولیسو د افغان کډوالو لپاره د لنډي کوتل په لنډمهاله پنډغالي کې ستنېدونکو کډوالو ته د نوبت «ټوکن» ورکولو په بدل کې د بډې اخیستنې په تور دوه کسان نیولي دي.
د طالبانو د ترانسپورټ او ملکي هوايي چلند وزارت یوشمېر کارکوونکي وايي، چې تراوسه یې د کب میاشتې تنخوا نهده ترلاسه کړې. دوی ټینګار کوي، چې د نورو وزارتونو کارکوونکو خپلې د کب میاشتې تنخواوې ترلاسه کړې دي.
رویټرز خبري اژانس د باخبره سرچینو په حواله راپور ورکړی، امریکايي چارواکو یوشمېر اروپايي هېوادونو ته خبر ورکړی چې د ځینو پوځي وسلو لېږد د ایران پرضد د جګړې او د امریکا د پوځي لومړیتوبونو د بدلون له امله ځنډېدلی دی.
د پېښور عالي محکمې د دوو افغانانو په ګډون هغه درې کسه په ضمانت خوشې کړي، چې د پولیسو لهخوا د مېشتېدو قانوني اسنادو نهلرلو له امله نیول شوي وو. په دغه کسانو کې یو هغه پاکستانی وګړی هم شامل دی، چې پخوا یې د دندې لپاره د افغان تابعیت کارت (ACC) او د ثبت ثبوت کارت (PoR) اخیستي وو.
د خیبر پښتونخوا سر وزیر سهیل اپریدي ویلي، چې د تحریک انصاف ګوند بنسټ اېښودونکي عمرانخان خوشې کول «د هېواد د پراخو مليګټو لپاره» مهمه اړتیا ده. نوموړي زیاته کړې، چې د عمرانخان د خوشې کولو لپاره به ټول ممکنه اساسي او ولسي هڅې ترسره شي.
د طالبانو د عامې روغتیا وزیر نور جلال جلالي له یوشمېر نړۍوالو تمویل کوونکو بنسټونو سره د طبیعي پېښو لوجستیکي ستونزو او نورو روغتیایي خدمتونو د پیاوړتیا په موخه انلاین غونډه کړې ده.
د افغانستان لپاره د ازبکستان استازي عصمتالله اېرګاشف او په تاشکند کې د ناروې سفیرې هېلین سانډ انډرسن د دوه اړخیزو همکاریو په اړه خبرې کړې دي. دواړه خواوو په دغه ناسته کې د افغانستان د وضعیت ارزونې او د دغه هېواد د ستونزو د حل لپاره د خبرو اترو پر دوام ټینګار وکړ.
د کونړ ولایت د ناړۍ ولسوالۍ په بریکوټ سیمه کې یو روغتیایي کلینیک د پاکستان له لوري د وروستیو بریدونو پرمهال سخت زیانمن شوی او طبي تجهیزات یې لهمنځه تللي دی.
د طالبانو تر واک لاندې د برېښنا شرکت خبر ورکړی، چې په کندوز ولایت کې له عسقلان سبسټېشن څخه تر دشتارچي ولسوالۍ پورې د ۲۲۰ کیلو ولټه برېښنا د لېږد پروژه پیل شوې ده. د یاد شرکت په وینا؛ دغه پروژه د شاوخوا ۵۳۵ مېلیونه افغانیو په لګښت جوړېږي او تمه ده چې په یو نیم کال کې بشپړه شي.
د روزګان ولایت د یوشمېر ولسوالیو او لرو پرتو سیمو اوسېدونکي شکایت کوي، چې لاهم په خپلو سیمو کې مخابراتي خدمتونو ته لاسرسی نهلري او د یوې ټیلیفوني اړیکې لپاره اړ دي اوږد مزل وکړي. د دوی په وینا؛ د اړیکو نشتوالي اقتصادي او ټولنیزې چارې هم له خنډ سره مخ کړې دي.
د خیبر پښتونخوا ځایي چارواکي وايي، په بنو کې تښتول شوي درې واکسیناتوران د ځايي قومي مشرانو او پولیسو په هڅو خوشې شول. دغه درې تنه تېره چهارشنبه د جهنډوخېل په سیمه کې د ناپېژاندو وسلهوالو لهخوا تښتول شوي وو.
په داسې حال کې چې د امریکا ولسمشر ډونالډ ټرمپ د خبرو اترو له لارې د ایران له حکومت سره د جګړې پای ته رسولو لپاره خپله لېوالتیا څرګندوي، د پولیټیکو راپور ښيي چې د واشنګټن او تهران ترمنځ بنسټیز اختلافونه لاهم پرځای پاتې دي.
د پاکستان په بلوچستان ایالت کې د نوکنډي ولسوالۍ د ریکو ډک سېمې ته څېرمه په یوې ټرافیکي پېښه کې د دوو افغانانو په ګډون درې کسان مړه او ۴ نور ټپیان شوي دي. ځایي پولیسو ویلي، یادو کسانو په ناقانونه ډول ایران ته د تګ هڅه کوله.
د افغانستان د کرېکټ ملي لوبډلې د تمریناتي کمپ لومړۍ ورځ د یادې لوبډلې د نوي روزونکي ریچارد پایبس تر څار لاندې په کابل ښار کې ترسره شوه. د افغانستان د کرېکټ بورډ د اعلان له مخې؛ د تمریناتو په لومړۍ ورځ نږدې ۴۰ لوبغاړو ګډون کړی و.