د طالبانو له بیا واکمنېدو وروسته میلیونونه افغانې نجونې له زده کړو بې برخې شوې. په دې موده کې انلاین ښوونځي او پټ تعلیمي مرکزونه جوړ شوي چې ګڼو نجونو ته یې د زده کړې زمینه برابره کړې خو د برېښنا، اقتصادي ستونزو او محدود ظرفیت له امله لا هم د زده کړو تشه نه ده ډکه شوې.
د سوات لویې جرګې په سیمه کې د تازه پوځي عملیاتو مخالفت کړی او له حکومت یې غوښتنه کړې، چې د یوې میاشتې په اوږدو کې دې په سوات او ملاکنډ کې د وسلهوالو پرضد اغېزمن ګامونه واخیستل شي او سوله دې ټینګه کړي.
د خیبر پښتونخوا د ټانک ولسوالۍ په جنډولې سیمه کې ناپېژاندو وسلهوالو پر یوه هوټل ډزې کړې، چې له امله یې دوه کسان وژل شوي دي. د پولیسو د معلوماتو له مخې؛ په وژل شویو کسانو کې د پخوانۍ امن کمېټې د مشر نصرالله نعمت خېل ورور هم شامل دی.
د پاکستان ولسمشر اصفعلي زرداري طالبان تورن کړي، چې له «ترهګرو» ډلو سره مرسته کوي او اجازه ورکوي چې دغه ډلې د پاکستان په ګډون پر ګاونډیو هېوادونو د افغانستان له خاورې بریدونه وکړي.
د تاجکستاني رسنیو د راپورونو له مخې، هغه ښځه چې د افغانستان له خاورې څخه د ډزو له امله د تاجکستان د درواز په سرحدي سیمه کې وژل شوې «مېندواره» وه. د راپورونو له مخې، دغه پېښه په بدخشان ولایت کې د طالبانو د ځواکونو ترمنځ د سختو نښتو پرمهال رامنځته شوې ده.
د تاجکستان د بهرنیو چارو وزارت د دغه هېواد د هوايي حریم د نقضولو، استوګنیزو ودانیو ته د زیان رسولو او په بدخشان کې د طالبانو د نښتو له امله د یوې ځوانې ښځې تر وژل کېدو وروسته د طالبانو ادارې ته د اعتراض لیک واستاوه.
د افغانستان د پیاوړو ښځو غورځنګ د طالبانو د واکمنۍ پنځمې کلیزې په مناسبت خپره کړې اعلامیه کې دغه ورځ د افغانستان په تاریخ کې ترخه ورځ بللې او ویلي یې دي، د طالبانو له بیا واکمنېدو سره مېلیونونه ښځې او نجونې له خپلو بنسټیزو حقونو بې برخې شوې دي.
باوري سرچینو افغانستان انټرنشنل ته ویلي، چې په کابل کې د طالبانو جګپوړي مشران د بدخشان د نسي ولسوالۍ د جګړې په اړه د نظر اختلاف لري. یوې باوري سرچینې ویلي، چې د طالبانو د دفاع او کورنیو چارو وزیران او د استخباراتو مشر د یادې ادارې مرستیال تاجمیر جواد له کړنو ناراضه دي.
د تاجکستان رسنیو راپور ورکړی، چې د بدخشان په څنډو کې د طالبانو د سختو نښتو او د طالبانو د ډزو پرمهال د تاجکستان په درواز سیمه کې یوه ۲۰ کلنه نجلۍ وژل شوې ده. د تاجکستان د ولسمشرۍ ماڼۍ رسنیز دفتر هم د یادې ځوانې ښځې د وژل کېدو پخلی کړی دی.
په جلاوطنۍ کې د افغانستان د خلکو عالي شورا د پاکستان له حکومته غوښتي، په پاکستان کې د مېشتو افغان کډوالو، په ځانګړي ډول د ښځو، ماشومانو او هغه کورنیو وضعیت ته جدي او انساني پاملرنه وکړي چې له څو اوونیو راهیسې په پنډغالو کې له سختو شرایطو سره مخ دي.
د ۱۴۰۰کال د زمري ۲۳مه طالبانو د هېواد په بېلابېلو برخو کې خپل چټک پرمختګ ته دوام ورکړ او د شاوخوا اوو ولایتونو مرکزونه یې تر خپل کنټرول لاندې راوستل.
د طالبانو د کلیو بیارغونې او پراختیا وزیر عبداللطیف منصور ویلي، چین د واخان دهلېز له لارې د افغانستان او چین د نښلولو پروژې ته لېوالتیا لري او د همکارۍ ژمنه یې کړې ده. هغه ویلي، د واخان دهلېز د سړک جوړولو چارې تر ډېره بشپړې شوې او پاتې ځنډېدلي کارونه به ډېر ژر بشپړ شي.
د سعودي عربستان ولیعهد محمدبن سلمان د امریکا د مرکزي قوماندانۍ له قوماندان براډ کوپر سره د دواړو هېوادونو ترمنځ د دفاعي همکارۍ او په سیمه کې د تاوتریخوالي د کمښت پر هڅو خبرې کړې دي.
د خیبر پښتونخوا د ۱۴زره هغه دولتي کارکوونکو پر وړاندې اقدام شوی، چې له افغان کډوالو سره یې په ناقانونه توګه د اسنادو په جوړولو کې مرسته کړې وه. ځایي چارواکي وایي، په پېښور او نورو ولسوالیو کې دغه دولتي کارکوونکي پېژندل شوي دي.
په افغانستان کې د طالبانو د واکمنۍ پنځمې کلیزې په مناسبت یوشمېر د بشري حقونو فعالانو، حقوقپوهانو او د ښځو د حقونو مدافعانو له کاناډا غوښتي، چې په افغانستان کې جنسیتي توپیر د نړۍوالو قوانینو له مخې په رسمیت وپېژني.
د خیبر پښتونخوا سر وزیر سهیل اپریدي ویلي، تر هغه چې حکومت له عمران خان سره د ملاقات په اړه ډاډ ورنه کړي د سپټمبر تر ۲۷مې به بیا اډیاله زندان ته ولاړ نهشي. هغه ویلي، که له عمران خان سره د ملاقات اجازه ورنه کړل شي؛ نو د سپټمبر په ۲۷مه به د اسلاماباد په لور پراخ لاریون وکړي.
د افغانستان متحدې جبهې خبر ورکړی، په تېرو ۲۴ ساعتونو کې یې په هلمند او کندهار ولایتونو کې درې هدفي عملیات ترسره کړي چې پهکې طالبانو ته مرګ ژوبله اوښتې ده. یادې جبهې ویلي، د هلمند مرکز لښکرګاه کې یې د طالبانو پر پوستې برید کړی چې دوه طالبان یې وژلي او دوه نور یې ټپیان کړي دي.
افغانه رباب غږوونکې ښکلا د رباب د نغمو او تارونو له لارې د افغان ښځو او نجونو د ژوند، ستونزو او کړاوونو کیسه بیانوي؛ هغه هڅه کوي د رباب په هره نغمه کې د هغو ښځو غږ انځور کړي چې د طالبانو تر واک لاندې افغانستان کې یې غږونه ډب شوي دي.
په نورستان کې د طالبانو د امنیې قوماندانۍ ویاند محمد حسن ثاقب وايي، د دغه ولایت د نورګرام ولسوالۍ د شمګل په سیمه کې د یوې ترافیکي پېښې له امله دوه کسان مړه او درې نور ټپیان شوي دي.
د طالبانو د مشر ملا هبتالله د فرمان له مخې د فاریاب او کاپیسا ولایتونو له زندانونو ۱۲۸ بندیان خوشې شوي او د ۹۷ نورو د بند موده کمه شوې ده. فاریاب کې د طالبانو مرستیال والي نصرتالله فیضاني ویلي، د دغه ولایت له مرکزي زندانه ۹۳ بندیان خوشې شوي او د ۸۳ نورو د بند موده کمه شوې ده.
د غزني د مالستان او جاغوري ولسوالیو یوشمېر اوسېدونکو د طالبانو عامې روغتیا وزیر ته په یوه لیک کې د روغتیايي خدمتونو له ټیټ کیفیت او په دغه دوو ولسوالیو کې په روغتیايي مرکزونو کې د نامسلکي کسانو له ګومارنې شکایت کړی دی.