د «رواداري» په نامه د بشري حقونو بنسټ د راپورونو له مخې، طالبانو له بیا واکمنېدو راهیسې په تېرو پنځو کلونو کې د افغانستان د پخواني حکومت لږ تر لږه ۶۴۶ کارکوونکي په خپلسري او غیرقانوني ډول نیولي او زنداني کړي دي.
د طالبانو له پېښو سره د مبارزې چمتووالي اداره وايي، د غزني په قرهباغ ولسوالۍ کې یو ۵۰۰ کیلوګرامه ناچاوده بم یې کشف او لهمنځه وړی دی. ویل کېږي دا روسی بم د یوه کور په انګړ کې کشف او د ماین پاکۍ د یوې موسسې له لوري له انتقالېدو وروسته لهمنځه وړل شوی دی.
ملګري ملتونه وايي، په افغانستان کې د طالبانو له لوري پر ښځو او نجونو لګېدلي محدودیتونه د هغوی تګ راتګ او په ټولنه کې ونډه اخیستنه په پراخه کچه راکمه کړې ده.
په داسې حال کې چې طالبانو د نجونو پرمخ پوهنتونونه تړلي د دغه ډلې د لوړو زدهکړو وزیر ندا محمد د کابل پوهنتون فارغانو ته ویلي، چې له هېواده د تېښتې لار غوره نهکړي. بل خوا بیا د طالبانو یوه بل وزیر یادو فارغانو ته وویل، ځان کې وړتیا پیداکړئ او د بهر ملکونو له احتیاجه مو خلاص کړئ.
د طالبانو مشر ملا هبتالله اخوندزاده د کابل پوهنتون د ۲۵۰۰ محصلینو فراغتغونډې ته په خپل لېږلي پیغام کې استادانو ته په خطاب سره ویلي، محصلین د دښمن له دسیسو او منفي تبلیغاتو څخه باخبره وساتئ او فارغ شویو محصلینو ته په خطاب کې یې ویلي، چې خپل صورت او سیرت پر نبوي طریقه برابر کړئ.
د افغانستان د کرېکټ ملي لوبډلې د ایرلنډ پر وړاندې د یو ورځنۍ نړیوالو سیالیو په څلورمه لوبه کې ایرلنډ ته د ۴۲ منډو په توپیر ماتې ورکړه او د دواړو لوبډلو د سیالیو په لړۍ کې یې خپله بریا ۳-۰ ته ورسوله.
په اسلاماباد کې د طالبانو سفیرسردار احمد شکیب د پاکستان د جمعیت علمای اسلام مشر مولانا فضلالرحمان سره په لیدنه کې هغه کابل ته د اګست ۱۵مې (د جمهوري نظام د سقوط او د طالبانو د بیا واکمنېدو ورځ) په مراسمو کې د ګډون بلنه ورکړې ده.
تر یوې لسیزې ژورنالېستیک فعالیت وروسته افغانه خبریاله صوفیه محمدزۍ د سرطان ناروغۍ له امله مړه شوه.د نوموړې پخوانیو همکارانو افغانستان انټرنشنل – پښتو ته ویلي چې دغه خبریاله د درملنې په موخه له هلمند څخه پلازمېنې نوي ډیلي ته تللې وه او همالته د زمري په ۲۱مه نېټه سهار مهال مړه شوې.
افغانستان انټرنشنل - پښتو ته په رالېږلي پیغام کې یو شمېر افغان کډوالو شکایت کړی، چې د تورخم په دروازه کې د پاکستان لوري د سختو پلټنو او اوږدو اداري پړاوونو له امله له جدي ستونزو سره مخ دي.
ګارډین ورځپاڼې راپور ورکړی، چې په منځني ختیځ کې جګړې او د النینو پدیدې پایلو پر پاناما کانال فشار زیات کړی او له دې اوبلارې د بېړیو تېرېدو لګښتونه یې لوړ کړي دي.النینو د ارام سمندر د اوبو د غیرعادي تودوخې پدیده ده، چې په ځینو سیمو کې د اورښتونو د کمېدو او وچکالۍ لامل کېدای شي.
د جنرال سمېع سادات په مشرۍ متحدې جبهې پر ایکس خواله رسنۍ کې د یوې ویډیو په خپرولو سره ویلي چې د دوی ځواکونو په هلمند کې خلکو ته خبرداری ورکړی چې خپل اولادونه د طالبانو له لیکو څخه وباسي. د دغه جبهې غړو په نادعلي، ګرشک او لشکرګاه کې دغه د خبرداري پاڼې په دېوالونو هم لګولي دي.
د طالبانو دفاع وزیر ملا یعقوب مجاهد وايي، تر اوسه یې له پاکستان سره له «حوصلې» کار اخیستی دی. هغه خبرداری ورکړی، که د افغانستان پر وړاندې د اسلاماباد روان وضعیت دوام وکړي، نو بیا به پر خپلو پالیسیو هم غور وکړي. له نږدې یوه کال راهیسې د طالبانو او پاکستان تر منځ ناندرۍ روانې دي.
د بشري حقونو د څار بنسټ د افغانستان د څانګې څېړونکې فرشته عباسي وايي، په هرات کې د طالبانو له خوا د ملګرو ملتونو د دوو کارکوونکو نیول په ټول افغانستان کې د ملګرو ملتونو د کار او د ژوند ژغورونکو بشري مرستو د رسولو وړتیا ته جدي ګواښ دی.
د طالبانو مخالفې ډلې، ملي مقاومت جبهې اعلان کړی چې ځواکونو یې د چهارشنبې په ماښام د زمري په ۲۱مه په کندز کې د طالبانو پر قول اردو توغندیز برید کړی دی. د دې جبهې په خبرپاڼه کې راغلي، چې دغه برید د ماښام په ۸ بجو او دېرش دقیقو په بریالیتوب سره ترسره شوی دی.
په سیاست او مخالفت کې د مقابل لوري پېژندل مهم دي. که د مقابل لورې قوت او ضعف نقطې ونه پیژنۍ، هیڅکله په سطحي او مقطعي تاکتیکونو او دروغو د دښمن مخه نشې نیولې.
انځر د فایبر، پوتاشیم، کلسیم، مګنیزیم، ویټامین کې او انټي اکسیدنټونو ښه سرچینه ده. د دې مېوې فایبر د هاضمې په منظمولو او د قبض په کمولو کې مرسته کوي، خو وچ انځر طبیعي بوره لري او باید په مناسبه اندازه وخوړل شي.
اروپايي ټولنې او ۲۶ هېوادونو په ګډه اعلامیه کې په ایران کې د اعتراض کوونکو اعدامونه غندلي او له تهران یې غوښتي چې د خپلو خلکو غوښتنو ته غوږ ونیسي، د بشري حقونو درناوی تضمین کړي او د اعدام سزا سمدستي ودروي.
د بدخشان ولایت په نسي ولسوالۍ کې سیمهییزې سرچینې وايي چې د طالبانو ځواکونو او د دې ډلې د ناراضي قوماندان جمعهخان فاتح اړوندو کسانو ترمنځ نښته د دغې ولسوالۍ مرکز ته نږدې شوې او جګړې لا هم دوام لري.
د پاکستان پوځ ادعا کړې چې د بلوچستان په سوراب کې د وسله والو له لوري چمتو کېدونکي موټر بم چاودنه او ورپسې د پوځ په عملیاتو کې ۲۱ کسان وژل شوي دي. ځايي اوسېدونکي وايي، برید د پاکستان هوايي ځواکونو کړی او ګڼو ملکي وګړو ته یې مرګژوبله اړولې ده.
د ملګرو ملتونو د ښځو څانګې ويلي، نیمايي افغان ښځې په میاشت کې یوازې یو یا دوه ځله له کوره بیرون وځي او نږدې درې پر څلورمه برخه یې له محرم پرته بهر تګ ناامنه بولي. دغې ادارې ویلي، ۷۰ سلنه ښځې خپله رواني روغتیا خرابه یا ډېره خرابه ارزوي.
د مغزو تېښته څه ده؟ ولې دا اصطلاح رامنځته شوې ده؟ افغانستان په تېره نیمه پېړۍ کې لږ ترلږه درې ځلې د خپلو متخصصینو او علمي کادرونو له ټولیزې کډوالۍ څخه کړېدلی دی.