په افغانستان کې د طالبانو له بیا واکمنېدو وروسته پاکستان ته کډه شوي افغان نرښځې اوس د جبري اېستلو له ګواښ سره مخ دي. په پېښور کې مېشته افغان نرښځې مسکان وايي، افغانستان ته د بېرته ستنېدو په صورت کې یې ژوند، ازادي او خوندیتوب له ګواښ سره مخ کېږي.
د افغانستان د فوټبال فدراسیون په وروستیو کلونو کې د خپل فعالیت په اړه د نیوکو په غبرګون، د هېواد سیاسي او اقتصادي ستونزې د خپلو ورزشي فعالیتونو د محدودېدو له اصلي عواملو بللې او ټینګار یې کړی، چې د افغانستان د فوټبال د ناکامیو یوه برخه د دغه فدراسیون له واک او صلاحیته بهر وه.
د لسګونه اوسنیو او پخوانیو استخباراتي چارواکو یوې نظرپوښتنې د برېتانیا اېم ای۶ د اروپا تر ټولو ځواکمن استخباراتي سازمان بللی دی. د فرانسې د بهرني امنیت عمومي ریاست په دویم ځای کې راغلی او هالنډ د تمې خلاف درېیم مقام خپل کړی دی.
د سویلي افریقا ولسمشر سیریل رامافوسا د یکشنبې په ورځ د نجونو د زدهکړو له فعالې ملالې یوسفزۍ او یوشمېر افغان ښځینه فعالانو سره لیدلي. د سویلي افریقا د حکومت د خبرپاڼې له مخې؛ افغان مېرمنو له دغه هېواده غوښتي، چې په افغانستان کې د جنسیتي توپیر نظام پر وړاندې د مبارزې ملاتړ وکړي.
واک ته د طالبانو له رسېدو وروسته یادې ډلې پر ښځو د نورو بندیزونو او محدودیتونو ترڅنګ د لوبو او ورزش په برخه کې هم پراخ محدودیتونه لګولي دي. دا په داسې حال کې ده، چې تر ۲۰۲۱کال وړاندې افغان ښځینه او نارینه لوبغاړو په بېلابېلو نړۍوالو سیالیو کې حضور لاره.
د افغان خبریال سید قاسم هاشمي او فلمي لوبغاړي حامد احساس کورنیو ویلي، چې دغه کسان (د چنګاښ په ۱۳مه) د پاکستان په اسلاماباد ښار کې لادرکه شوي وو او د یوې میاشتې په تېرېدو یې لاهم برخلیک ناروښانه دی.
سعودي، له ترکیې او پاکستان سره له «مکې ګډ دفاعي تړون» له لاسلیک کولو ۲ ورځې وروسته، د یمن حوثیانو له لوري د بېپيلوټه الوتکې په وسیله په نښه شو. د یاد تړون غړو هېوادونو لا تراوسه څه غبرګون نهدی ښودلی، په داسې حال کې چې په یاد تړون کې پر هر هېواد برید پر بل هېواد برید بلل شوی وو.
د افغان فلم ادارې پخوانۍ مشره صحرا کریمي وايي، په افغانستان کې د نجونو او ښځو د زدهکړو د حق بېرته ترلاسه کول باید د افغان ټولنې او نړیوالې ټولنې له مهمو غوښتنو څخه وي. هغې زیاته کړې، د نجونو زدهکړه د افغانستان د ازادۍ د لارې مهمه دروازه ده.
د خیبرپښتونخوا د اطلاعاتو او عامه اړيکو وزیر شفیع جان ویلي، د تحریک انصاف ګوند د بنسټګر عمران خان د يوازې بند پر ضد، درملنې او کورنۍ سره ليدنې لپاره د دوی سره وروستی انتخاب لاريون دی او د دوو ميلینو کسانو سره به له پېښوره اسلام اباد ته لاريون وکړي.
د افغانستان کرېکټ بورډ وايي، افغان اتلان به نن دوشنبه د زمري ۱۹مه د پنځو نړیوالو یو ورځنیو سیالیو د لوبلړۍ د درېیمې لوبې په موخه د کوربه ایرلنډ کرېکټ ملي لوبډلې پر وړاندې د سیالۍ ډګر ته ښکته شي. لومړۍ لوبه د باران له امله ونشوه او دویمه لوبه افغان اتلانو په خپلو نوم کړې ده.
اکسیوس د یوه امریکايي چارواکي له قوله راپور ورکړی چې هره شپه شاوخوا اته میلیونه بېرله خام تېل د فارس له خلیج څخه د هرمز تنګي د جنوبي مسیر له لارې، د امریکا د پوځ په همغږۍ، بهر لېږدول کېږي.
ځايي سرچینې وايي، د کونړ ولایت د سیند له غاړې څخه د یوه ځوان سر پرېشوی مړی موندل شوی دی. د دوی په وینا، وژل شوی ځوان عبدالباسط نومېده او اصلي د ننګرهار د کامې ولسوالۍ اوسېدونکی و.
په لندن کې مېشتې «میډل ایست آی» رسنۍ راپور ورکړی چې د جرمونو نړیوالې محکمې (اېسيسي) قاضیانو د دې ادارې له څارنوالانو غوښتي چې د طالبانو له لوري د جنسیتي ځورونې د تورونو په اړه جلا څېړنې پیل کړي.
د اسراییل لومړي وزیر بنیامین نتنیاهو ویلي، اسراییل به تر هغه له غزې ونه وځي، څو حماس بې وسلې شوی نه وي. نوموړي دا څرګندونې په داسې حال کې کړې چې د امریکا د ولسمشر ډونالډ ټرمپ تر فشار لاندې اسراییلي پوځ په غزه کې خپل بریدونه کم کړي دي.
د افغانستان په شمال ختیځ او ځینو نورو ولایتونو کې د طالبانو د مخالفینو د بریدونو له زیاتېدو سره هممهاله، سیمهییزو سرچینو افغانستان انټرنشنل ته ویلي چې د تخار په ځینو ولسوالیو کې طالب ځواکونه د شپې مهال خپلې ځینې پوستې پرېږدي.
د افغان ښځو د سیاسي مشارکت شبکې د جمهوري نظام د سقوط د ۵ کال په مناسبت ویلي، دا ۵ کاله یوازې د یوه سیاسي نظام سقوط نه، بلکې د انتخاب، زدهکړو، کار، بیان ازادۍ، مشارکت او د خپل برخلیک د ټاکلو له حقونو د میلیونونو انسانانو محرومیت دی او په وینا یې هېڅ حکومت په دا ډول دوام نهکوي.
د امریکا ولسمشر ډونالډ ټرمپ ویلي، له ایران سره د واشنګټن خبرې اترې «نیمګړې» روانې دي او امریکا اوس مهال تهران له نږدې څاري.
د پاکستان تحريک انصاف ګوند د ملي پارلمان غړي اسد قېصر د دغه ګوند د بنسټګر او پخواني لومړي وزیر عمران خان د روغتیا په اړه خپرو شوو خبرونو باندې اندېښنه څرګنده کړې او د هغه د روغتیايي وضعيت او سمدستي درملنې غوښتنه یې کړې ده.
د طالبانو تر کنټرول لاندې د المپیک، سپورټ او بدني روزنې ادارې ویلي چې په بغلان کې یې د ۱۰۰ ورزشکارانو ترمنځ د «توان» سبک رزمي سیالۍ ترسره کړي دي.
د خيبرپښتونخوا په صوابۍ ولسوالۍ کې د تنباکو کروندګرو د تنباکو د ټيټې بيې پېرلو پر ضد پراخ اعتراض کړی او د اغتراض په ډول یې خپلو تنباکو ته اور اچولی او سوځولي یې دي.
د پاکستان د ولسمشر ویاند له پاکستان څخه افغانستان ته د وسلو د قاچاق په اړه د طالبانو د ادعاوو په ردولو سره افغان طالبان «د منځنیو پېړیو وحشیان» وبلل. سره له دې چې ډيپلوماټيک عُرف کې دغه ډول څرګندونې ناسمې ګڼل کېږي، خو افغان طالبانو لا تر اوسه په دې تړاو غبرګون نهدی ښودلی.